ഡബ്ലിന്‍: അയര്‍ലന്‍ഡിലെ ഇന്ത്യന്‍ വനിതാ സംഘടനയായ ‘സഖി’ നവംബര്‍ 15 ന് വാര്‍ഷികവും ചാരിറ്റി പ്രവര്‍ത്തനങ്ങളുടെ ധനശേഖരണാര്‍ത്ഥം കോഫീ മോണിംഗും സംഘടിപ്പിക്കുന്നു. താല സ്‌പൈസസ് ബസാര്‍ ഹാളില്‍ നവംബര്‍ 15 ഞായറാഴ്ച ഉച്ചയ്ക്ക് 12 മുതല്‍ വൈകിട്ട് 4 മണിവരെയാണ് കോഫീ മോണിംഗ് സംഘടിപ്പിച്ചിരിക്കുന്നത്.
തൊടുപുഴയില്‍ സജിനി എന്ന യുവതിയുടെയും ഭര്‍ത്താവിന്റെയും സംരക്ഷണയില്‍ കഴിയുന്ന നിരാലംബരായ 13 കുട്ടികള്‍ക്ക് സഹായം നല്‍കുന്നതിനാണ് കോഫീ മോണിംഗ് നടത്തുന്നത്. സഖിയോടൊപ്പം ജീവകാരുണ്യപ്രവര്‍ത്തനത്തില്‍ പങ്കാളികളാകാന്‍ ആഗ്രഹിക്കുന്ന ഏവരെയും കോഫീ മോണിംഗിലേക്ക് സ്വാഗതം ചെയ്യുന്നതായി സംഘാടകര്‍ അറിയിച്ചു.
