ശ്രീനഗര്: ജമ്മുകശ്മീരില് സൈനിക ക്യാമ്പിനു നേരെ ഭീകരാക്രമണം. സുഞ്ച്വാന് സൈനിക കാമ്പിനുള്ളിലെ ക്വാര്ട്ടേഴ്സിലാണ് ഭീകരവാദികള് ആക്രമണം നടത്തിയത്. ആക്രമണത്തില് ഒരു സൈനികന് കൊല്ലപ്പെട്ടു. ഇന്ന് പുലര്ച്ചെ 4.55നാണ് ആക്രമണമുണ്ടായത്. സൈനിക ക്യാമ്പിലെ കുടുംബങ്ങള് താമസിക്കുന്ന ക്വാര്ട്ടേഴിന് നേരെ ഭീകരവാദികള് തുരുതുരാ വെടിയുതിര്ക്കുകയായിരുന്നു. കൊല്ലപ്പെട്ട സൈനികന്റെ മകളടക്കം മൂന്ന് പേര്ക്ക് വെടിവെപ്പില് ഗുരുതര പരിക്കേറ്റു.
ചാവേറാക്രമണമാണെന്ന് സംശയിക്കുന്നതായി സൈനിക വൃത്തങ്ങള് അറിയിച്ചു. നിരവധി സ്കൂളുകളും ക്വാര്ട്ടേഴ്സുകളും പ്രവര്ത്തിക്കുന്ന സൈനിക ക്യാമ്പ് ഏക്കറുകണക്കിന് സ്ഥലത്തായി വ്യാപിച്ചു കിടക്കുന്നതാണ്. ക്വാര്ട്ടേഴ്സിനുളളില് പ്രവേശിച്ച ഭീകരവാദികളെ സൈന്യം വളഞ്ഞിട്ടുണ്ട്. ഇപ്പോഴും ഏറ്റമുട്ടല് തുടരുകയാണ്. ഏറ്റമുട്ടല് രൂക്ഷമായതിനെത്തുടര്ന്ന് സൈന്യം പാരാകമാന്ഡോകളെ വിന്യസിച്ചു.
ഇതേ സ്ഥലത്ത് പത്ത് വര്ഷം മുമ്പുണ്ടായ ഭീകരാക്രമണത്തില് നിരവധി സൈനികര് കൊല്ലപ്പെട്ടിരുന്നു. എത്ര ഭീകരര് ക്യാമ്പിനുള്ളില് കടന്നിട്ടുണ്ടെന്നും എങ്ങനെയാണ് അവര് പ്രവേശിച്ചതെന്നും വ്യക്തമല്ല.
News from Jammu & the encounter in #Sunjwan is extremely disturbing. Hoping for an end to the encounter without any loss of life among the security forces & their families.
— Omar Abdullah (@OmarAbdullah) February 10, 2018
Another dastarly terror strike inside Military Camp in Sunjwan,#Jammu.
With This war of Pakistan aided Militancy against India and Indian Army,people of Kashmir cant remain unaffected too
Nothing justifies Terrorism.#SaturdayMotivation #SaturdayMorning pic.twitter.com/U9v55t3lOj— Geetika Swami (@SwamiGeetika) February 10, 2018
ഡികെ