ഡബ്ലിന് : അയര്ലണ്ടില് യെല്ലോ റെയിന് വാണിംഗ് പ്രഖ്യാപിച്ചു . നേരെത്തെ മണ്സ്റ്ററിലും, ലിന്സ്റ്ററിലും മാത്രമായി പ്രഖ്യാപിച്ചിരുന്ന മഴ മുന്നറിയിപ്പാണ് ഇപ്പോള് രാജ്യവ്യാപകമാക്കിയത്. ഇന്ന് വൈകി പ്രഖ്യാപിച്ച മുന്നറിയിപ്പ് നാളെ രാവിലെ വരെ തുടരും. അര്ധരാത്രിയോടെ മഴ കനക്കുമെന്നാണ് അറിയിപ്പ്. അതാത് കൗണ്ടി കൗണ്സിലുകളും സുരക്ഷാ മുന്നറിയിപ്പ് നല്കിയിട്ടുണ്ട്.
ചിലയിടങ്ങളില് ഇടിയോടുകൂടിയ മഴയ്ക്കും സാധ്യത ഉള്ളതിനാല് അതീവ ജാഗ്രത പാലിക്കാന് മെറ്റ് ഏറാന് നിര്ദേശിക്കുന്നു. മഴയെത്തുടര്ന്ന് വെള്ളപൊക്ക സാധ്യത നിലനില്ക്കുന്നതിനാല് കഴിവതും ഇന്ന് രാത്രിയുള്ള യാത്ര ഒഴിവാക്കാനും നിര്ദേശമുണ്ട്. കനത്ത മഴ പ്രതീക്ഷിക്കുന്നതിനാല് വടക്കന് അയര്ലണ്ടിലും ഇന്ന് അര്ദ്ധരാത്രിയോടെ മുന്നറിയിപ്പ് നല്കിയിട്ടുണ്ട്. നാളെവരെ മഴ ശക്തമായി തുടരുമെന്ന സൂചനയാണ് കാലാവസ്ഥ കേന്ദ്രങ്ങളില് നിന്നും പുറത്തുവരുന്നത്.