ഡബ്ലിനിലെ കനാലിലെറിഞ്ഞ് കൊല്ലാന് നോക്കിയ പട്ടിക്കുട്ടിയെ രക്ഷപ്പെടുത്തി യുവാവ്. കനാലില് മീന് പിടിക്കുകയായിരുന്ന യുവാവാണ് ആരോ വെള്ളത്തിലേയ്ക്ക് ഒരു വലിയ ചാക്ക് വലിച്ചെറിയുന്നത് ശ്രദ്ധയില്പ്പെട്ട് ചെന്ന് നോക്കിയത്. മുങ്ങിത്താഴാന് തുടങ്ങിയ ചാക്കെടുത്ത് കെട്ടഴിച്ചുനോക്കിയ ഇദ്ദേഹം കണ്ടത് 10-12 ആഴ്ച മാത്രം പ്രായമുള്ള Lurcher ഇനത്തില്പ്പെട്ട പട്ടിക്കുട്ടിയെയാണ്.
ഒട്ടും സമയം കളയാതെ പട്ടിക്കുട്ടിയെ കരയ്ക്കെത്തിച്ച ഇദ്ദേഹം നേരെ വീട്ടിലെത്തി. ഏതാനും ദിവസം വീട്ടില് പട്ടിക്കുട്ടിയെ പരിചരിച്ച ഇദ്ദേഹം അതിനൊരു പേരും നല്കി- River.
ഏതാനും ദിവങ്ങള്ക്ക് ശേഷം River-നെ ഇദ്ദേഹം The Dublin Society for Prevention of Cruelty to Animals (DSPCA)-ല് എത്തിച്ചിരിക്കുകയാണ്. ചെറിയ പരിക്കുകളുണ്ടായിരുന്നെങ്കിലും River ഇപ്പോള് മിടുക്കനായി വളരുകയാണിവിടെ.