അതിശൈത്യത്തിന്റെ ആലസ്യനാളുകള്‍ക്ക് വിട… ഡബ്ലിനില്‍ ഇനി ക്രിക്കറ്റ് വസന്തം! ആവേശത്തിന്റെ ക്രിക്കറ്റ് ലഹരിയിലേയ്ക്ക് മുന്‍ വര്‍ഷങ്ങളിലേത് പോലെ KCC ചാമ്പ്യൻഷിപ്പോടെ ഇത്തവണയും ഡബ്ലിന്‍ മലയാളികള്‍ ഇറങ്ങുകയാണ്.
കേരള ക്രിക്കറ്റ് ക്ലബ്ബിന്റെ ആഭിമുഖ്യത്തില്‍ കെ.സി.സി ചാമ്പ്യന്‍ഷിപ്പ് മെയ് 4 ശനിയാഴ്ച ടൈറസ്ടൗൺ ഗ്രൗണ്ടില്‍ നടത്തപ്പെടുന്നു. ആവേശകരമായ ഈ പോരാട്ടത്തില്‍ അയര്‍ലണ്ടിലെ ശക്തരായ വിവിധ ക്ലബ്ബുകള്‍ ഏറ്റുമുട്ടും.
Ed-hoc, Spice Village, Xpress Nursing, Miller Brothers, Cremore Clinic, My Tax Mate, CarHoc, Shamrock Holidays, Vitallity Sports, Tilex എന്നിവരുടെ സഹകരണത്തോടെ നടക്കുന്ന ചാമ്പ്യന്‍ഷിപ്പില്‍ വിജയികള്‍ക്ക് KCC Ever Rolling ട്രോഫിയും 1001 യൂറോ കാഷ് പ്രൈസും, റണ്ണേഴ്‌സ് അപ്പിന് KCC Ever Rolling ട്രോഫിയും 501 യൂറോ കാഷ് പ്രൈസും ഉണ്ടായിരിക്കുന്നതാണ്. കൂടാതെ മികച്ച ബാറ്റർ, ബൗളര്‍, ഫൈനലിലെ മാൻ ഓഫ് ദി മാച്ച് തുടങ്ങിയ പുരസ്‌കാരങ്ങളും ഉണ്ടാകും.
ആവേശകരമായ ക്രിക്കറ്റ് പോരാട്ടങ്ങള്‍ക്ക് സാക്ഷികളാകുവാന്‍ എല്ലാ ക്രിക്കറ്റ് പ്രേമികളേയും ടൈറസ്ടൗൺ ഗ്രൗണ്ടിലേയ്ക്ക് ക്ഷണിക്കുന്നതായി സംഘാടകര്‍ അറിയിച്ചു.
