ഗാർഡയുടെ ബാങ്ക് ഹോളിഡേ റോഡ് പരിശോധന: അയർലണ്ടിൽ അമിത വേഗതയ്ക്ക് 630 പേരും, ലഹരി ഉപയോഗിച്ച് വാഹനമോടിച്ചതിന് 56 പേരും പിടിയിൽ

ബാങ്ക് ഹോളിഡേ വീക്കെന്റിൽ ഗാർഡ നടത്തിയ റോഡ് പരിശോധനാ ഓപ്പറേഷന്റെ ആദ്യ ദിനങ്ങളിൽ ലഹരി ഉപയോഗിച്ച് വാഹനമോടിച്ചതിനു പിടിയിലായത് 56 പേർ. വ്യാഴാഴ്ച ആണ് പരിശോധന ആരംഭിച്ചത്. ജൂൺ 2 വരെ പരിശോധന തുടരും.

ഡ്രൈവിങ്ങിനിടെ മൊബൈൽ ഫോൺ ഉപയോഗിച്ചതിനോ സീറ്റ് ബെൽറ്റ് ധരിക്കാത്തതിനോ 115-ലധികം ഡ്രൈവർമാരെയും പിടികൂടി.

ഓപ്പറേഷന്റെ ആദ്യ ദിനം അമിതവേഗതയ്ക്ക് 630- ലേറെ ഡ്രൈവർമാർ പിടിയിലായി.

വേഗ പരിശോധനയ്ക്കിടെ കൗണ്ടി വിക്ലോയിലെ Newtownmountkennedy- യിൽ 100 കി.മീ/മണിക്കൂർ വേഗത നിശ്ചയിച്ചിട്ടുള്ള മേഖലയിൽ 141 കി.മീ/മണിക്കൂർ വേഗതയിൽ സഞ്ചരിച്ച ഒരു വാഹനയാത്രക്കാരനെ പിടികൂടി. കൗണ്ടി കാവനിലെ Drung-ലുള്ള R188 റോഡിൽ 60 കി.മീ/മണിക്കൂർ മേഖലയിൽ 130 കി.മീ/മണിക്കൂർ വേഗതയിലും, കൗണ്ടി മീത്തിലെ Navan-ലുള്ള N51 Dunmoe- യിൽ 80 കി.മീ/മണിക്കൂർ മേഖലയിൽ 124 കി.മീ/മണിക്കൂർ വേഗതയിൽ സഞ്ചരിച്ച ഡ്രൈവറും പിടിയിലായവരിൽ ഉൾപ്പെടുന്നു.

ഈ വർഷം ഇതുവരെ ഐറിഷ് റോഡുകളിൽ ഉണ്ടായ ആകെ മരണങ്ങളുടെ എണ്ണം 70 ആണ്.