കിൽഡെയറിലെ വാണിജ്യ സ്ഥാപനത്തിൽ ആക്രമണം; ചെറുപ്പക്കാരന് ഗുരുതര പരിക്ക്

കൗണ്ടി കിൽഡെയറിലെ നാസിൽ (Naas) നടന്ന ആക്രമണത്തിൽ ചെറുപ്പക്കാരന് ഗുരുതര പരിക്ക്.
ഏപ്രിൽ 14 ചൊവ്വാഴ്ച രാത്രി 10 മണിയോടെ ന്യൂബ്രിഡ്ജ് റോഡിലെ ഒരു വാണിജ്യ സ്ഥാപനത്തിലാണ് ആക്രമണം നടന്നത്. മുപ്പതുകളിൽ പ്രായമുള്ള ഇദ്ദേഹം നാസ് ജനറൽ ഹോസ്പിറ്റലിൽ ചികിത്സ തേടിയിട്ടുണ്ട്. പരിക്കുകൾ ജീവന് ഭീഷണിയുള്ളതല്ലെന്നാണ് കരുതപ്പെടുന്നത്.

സ്ഥലത്ത് സാങ്കേതിക പരിശോധന നടത്തിയ ഗാർഡ,
സംഭവത്തിന് സാക്ഷികളായ ആരെങ്കിലും ഉണ്ടെങ്കിൽ തങ്ങളെ ബന്ധപ്പെടണമെന്ന് അഭ്യർത്ഥിച്ചു.

ഏപ്രിൽ 14 ചൊവ്വാഴ്ച രാത്രി 9.30-നും 10.30-നും ഇടയിൽ കൗണ്ടി കിൽഡെയറിലെ നാസിലുള്ള ന്യൂബ്രിഡ്ജ് റോഡിന് സമീപമുണ്ടായിരുന്നവരുടെ കൈവശം സംഭവത്തിന്റെ മൊബൈൽ ക്യാമറ, ഡാഷ് ക്യാമറ ഉൾപ്പെടെയുള്ള ദൃശ്യങ്ങൾ ഉണ്ടെങ്കിൽ, അവ അന്വേഷണ ഉദ്യോഗസ്ഥർക്ക് ലഭ്യമാക്കണമെന്ന് ഗാർഡ അഭ്യർത്ഥിച്ചു.

വിവരങ്ങൾ ലഭിക്കുന്നവർ നാസ് ഗാർഡ സ്റ്റേഷനിൽ (045) 884 300 എന്ന നമ്പറിലോ, ഗാർഡ കോൺഫിഡൻഷ്യൽ ലൈനിൽ 1800 666 111 എന്ന നമ്പറിലോ, അല്ലെങ്കിൽ മറ്റേതെങ്കിലും ഗാർഡ സ്റ്റേഷനിലോ ബന്ധപ്പെടാനും അധികൃതർ അഭ്യർത്ഥിക്കുന്നു.