COMMUNITY

മുള്ളിങ്കറിലെ ഇന്ത്യൻ കൂട്ടായ്മ ആയ വോയിസ്‌ ഓഫ് മുള്ളിങ്കാർ (VOM) ഈ വർഷത്തെ ഓണം അതിഗംഭീരമായി ആഘോഷിച്ചു. ചിരിയുടെ മാലപ്പടക്കം പൊട്ടിച്ചു കൊച്ചിൻ കലാഭവന്റെ അനുഗ്രഹീത കലാകാരന്മാരായ പ്രശാന്ത് കാഞ്ഞിരമറ്റത്തിന്റെ നേതൃത്വത്തിൽ സ്റ്റേജ് ഷോയും മുള്ളിങ്ങറിലെ ഒരു കൂട്ടം കലാകാരന്മാരുടെ ചെണ്ട മേളവും, തിരുവാതിരയും, വടം വലിയും മറ്റനേകം കലാപരിപാടികളും ഈ വർഷത്തെ ഓണഘോഷത്തിന് മിഴിവേകി. Delicia കാറ്ററിംഗിന്റെ ഓണ സദ്യയും ഈ വർഷത്തെ ഓണഘോഷത്തിനു കൂടുതൽ മധുരം ഉള്ളതാക്കി.

അയര്‍ലണ്ടില്‍ നിര്യാതനായ മാക്മില്ലൻ മഠത്തിലിന്റെ സംസ്‌കാരത്തിനായി സുമനസ്സുകളില്‍ നിന്നും ധനശേഖരണം ആരംഭിച്ചു. സെപ്റ്റംബര്‍ 17 ചൊവ്വാഴ്ച രാവിലെയാണ് ബൂമോണ്ടില്‍ താമസിച്ചുവരികയായിരുന്ന മാക്മില്ലൻ ഹൃദയാഘാതത്തെ തുടര്‍ന്ന് മരിച്ചത്. അദ്ദേഹത്തിന്റെ പെട്ടെന്നുള്ള വിയോഗം കുടുംബത്തെയും, സുഹൃത്തുക്കളെയും തളര്‍ത്തിയിരിക്കുകയാണ്. ജിംസി ആണ് മാക്മില്ലന്റെ ഭാര്യ. ഇവര്‍ക്ക് ആരോണ്‍ എന്നൊരു മകനുമുണ്ട്. ഹൃദയാഘാതം വന്നയുടന്‍ ഭാര്യ ജിംസി പ്രാഥമികശുശ്രൂഷകള്‍ നല്‍കിയിരുന്നു. പിന്നീട് പാരാമെഡിക്കല്‍ സംഘവും സ്ഥലത്തെത്തിയെങ്കിലും മാക്മില്ലന്റെ ജീവന്‍ രക്ഷിക്കാനായില്ല. സംസ്‌കാരത്തിന് വേണ്ടിവരുന്ന ചെലവുകള്‍, വീട്ടുവാടക, ആശുപത്രി ചെലവുകള്‍, മറ്റ് വീട്ടുചെലവുകള്‍ എന്നിവയ്ക്കായി … Read more

അയർലണ്ടിലെ വിവിധ സോഷ്യൽ വർക്ക് മേഖലകളിൽ പ്രാക്ടീസ് ചെയ്യുന്ന മലയാളി സോഷ്യൽ വർക്കർമാരുടെ മൂന്നാമത് വാർഷിക കൂട്ടായ്മ കൗണ്ടി ലിമറിക്കിലെ കില്ലാലോ വെച്ച് നടത്തപ്പെട്ടു. അയർലണ്ടിൽ വിവിധ കൗണ്ടികളിലായി ജോലി ചെയ്യുന്ന മലയാളി സോഷ്യൽവർക്കേഴ്സ് യോഗത്തിൽ ഒത്തുചേർന്നു. യോഗത്തിൽ മുതിർന്ന സോഷ്യൽവർക്കേഴ്സ് അവരുടെ പിൻകാല അനുഭവങ്ങളും അതുപോലെതന്നെ ഈ മേഖലയിലുള്ള അവസരങ്ങളും വെല്ലുവിളികളും പങ്കുവെച്ചു. പുതിയതായി ജോലിയിൽ പ്രവേശിച്ച സോഷ്യൽ വർക്കേഴ്സ്ന് ഈ സെഷൻ പ്രചോദനമായി. യോഗത്തിൽ പുതിയതായി കേരളത്തിൽനിന്നുവന്ന് ജോലിയിൽ പ്രവേശിച്ച സോഷ്യൽ വർക്കേഴ്സ്നെ അനുമോദിച്ചു. … Read more

ഡബ്ലിൻ: അന്തരിച്ച സാമൂഹികപ്രവർത്തകൻ കെ ജെ ബേബിയുടെ അനുസ്മരണവും സുഹൃത്ത് സംഗമവും സംഘടിപ്പിച്ചു. ഡബിളിലെ നോർത്ത് കോൺടാൽകിൻ ലൈബ്രറി ഹാളിൽ വച്ച് സെപ്റ്റംബർ 11-ആം തീയതി ബുധനാഴ്ച വൈകുന്നേരം ഏഴുമണിക്ക് സംഘടിപ്പിച്ച പരിപാടിയിൽ പെഡൽസ് അയർലണ്ട് സംഘാടകൻ ബിനു ഡാനിയേൽ അധ്യക്ഷത വഹിച്ചു. രാഷ്ട്രീയ സാമൂഹിക കല സാംസ്കാരിക സാഹിത്യ മേഖലയിൽ പ്രവർത്തിക്കുന്ന വിവിധ വ്യക്തികൾ പങ്കെടുത്ത അനുസ്മരണ യോഗം കെ ജെ ബേബിയുടെ പ്രവർത്തനങ്ങളുടെ മേന്മ വിളിച്ചോതുന്നതായിരുന്നു. ആദരാഞ്ജലികൾ അർപ്പിച്ച രാജൻ ദേവസ്യ (മലയാളം), കെ … Read more

വയനാട് ദുരന്തത്തിൽ പെട്ടവർക്ക് നേരിട്ട് സഹായം എത്തിച്ച് അയർലണ്ടിലെ മലയാളി കൂട്ടായ്മയായ ‘കൊമ്പൻസ് ക്ലബ്‌.’ കൗണ്ടി മയോയിലെ കാസിൽബാർ ആസ്ഥാനമാക്കി പ്രവർത്തിക്കുന്ന മലയാളികളുടെ സംഘടനയായ അയർലണ്ട് കൊമ്പൻസ് ക്ലബ്‌, വയനാട്ടിലെ ഉരുൾപൊട്ടൽ ദുരന്തത്തിൽ പെട്ട നാല് ആദിവാസി കുടുംബങ്ങൾക്കാണ് നേരിട്ട് ധനസഹായം എത്തിച്ചത്. ഒപ്പം മുണ്ടക്കൈയിൽ ഉരുൾപൊട്ടലിൽ പെട്ടവരെ ജീവൻ പണയം വച്ച് രക്ഷിച്ച ഫോറസ്റ്റ് ഓഫീസറായ അനൂപ് തോമസിന് സ്നേഹോപഹാരവും കൈമാറി. വയനാട് ദുരന്ത ബാധിതരെ സഹായിക്കാൻ ഇതിനോടകം അയർലണ്ടിലെ നിരവധി പ്രവാസികളാണ് രംഗത്ത് വന്നിട്ടുള്ളത്.