Garda

ഡബ്ലിനില്‍ തോക്കുകളും മയക്കുമരുന്നുമായി രണ്ട് പേര്‍ പിടിയില്‍. വെള്ളിയാഴ്ച ഡബ്ലിന്‍ 16-ലുള്ള Ballinteer-ലെ ഒരു വീട്ടില്‍ ഗാര്‍ഡ നടത്തിയ പരിശോധയിലാണ് രണ്ട് തോക്കുകള്‍ പിടിച്ചെടുത്തത്. ഒപ്പം രണ്ട് കിലോഗ്രാം കഞ്ചാവും പിടിച്ചെടുത്തു. സംഭവത്തില്‍ 30-ലേറെ പ്രായമുള്ള രണ്ട് പുരുഷന്മാരെ അറസ്റ്റ് ചെയ്തിട്ടുണ്ട്. ഇവര്‍ക്ക് മേല്‍ ക്രിമിനല്‍ ജസ്റ്റിസ് ആക്ട് 1996 സെക്ഷന്‍ 2 പ്രകാരമാണ് കുറ്റം ചുമത്തിയിരിക്കുന്നത്. അന്വേഷണം തുടരുകയാണെന്ന് ഗാര്‍ഡ അറിയിച്ചു.

ഡബ്ലിന്‍ സിറ്റി സെന്ററില്‍ വച്ച് മദ്ധ്യവയസ്‌കന് നേരെ ആക്രമണം. ഞായറാഴ്ച പുലര്‍ച്ചെയാണ് O’Connell Street, Cathal Brugha Street എന്നിവിടങ്ങളില്‍ വച്ച് ഒരാള്‍ ആക്രമിക്കപ്പെടുന്നതായി പട്രോളിങ് നടത്തുകയായിരുന്ന ഗാര്‍ഡയ്ക്ക് വിവരം ലഭിച്ചത്. തുടര്‍ന്ന് സംഭവസ്ഥലത്തെത്തിയ ഗാര്‍ഡ ആക്രമണം നടത്തിയ രണ്ട് പേരെ അറസ്റ്റ് ചെയ്തു. അതേസമയം ആക്രമണത്തില്‍ സാരമായി പരിക്കേറ്റ 40-ലേറെ പ്രായമുള്ള പുരുഷനെ Mater Hsopital-ല്‍ പ്രവേശിപ്പിച്ചിരിക്കുകയാണ്. സംഭവസ്ഥലത്തുവച്ച് അറസ്റ്റിലായ രണ്ട് പുരുഷന്മാരും ചെറുപ്പക്കാരാണ്. സംഭവവുമായി ബന്ധപ്പെട്ട് എന്തെങ്കിലും അറിവുള്ളവരോ, ഡാഷ് ക്യാമറ, സിസിടിവി ദൃശ്യങ്ങള്‍ … Read more

സൗത്ത് ഡബ്ലിനിലെ ക്രിമിനല്‍ സംഘങ്ങളെ ലക്ഷ്യമിട്ട് ഗാര്‍ഡ നടത്തിയ പരിശോധനയില്‍ 1 മില്യണ്‍ യൂറോ പിടിച്ചെടുത്തു. വ്യാഴാഴ്ച വൈകിട്ട് Knocklyon-ലെ ഒരു വീട്ടില്‍ ഗാര്‍ഡയുടെ National Drugs and Organised Crime Bureau നടത്തിയ പരിശോധനയിലാണ് രേഖകളില്ലാതെ സൂക്ഷിച്ച പണം കണ്ടെത്തിയത്. ഇവിടെ നിന്നും 35, 44 പ്രായക്കാരായ രണ്ട് പുരുഷന്മാരെ അറസ്റ്റ് ചെയ്യുകയും ചെയ്തിട്ടുണ്ട്. പണമെണ്ണുന്ന മെഷീനും കണ്ടെടുത്തതായി ഗാര്‍ഡ അറിയിച്ചു. അറസ്റ്റിലായ രണ്ടുപേരും സംഘടിതകുറ്റകൃത്യം നടത്തിവരുന്ന ഗ്യാങ്ങിലെ അംഗങ്ങളാണെന്നാണ് കരുതുന്നത്. ഇവരെ ചോദ്യം ചെയ്തുവരികയാണ്. … Read more

കൗണ്ടി ക്ലെയറിലെ വീട്ടില്‍ ചെറുപ്പക്കാരനെ മരിച്ചനിലയില്‍ കണ്ടെത്തിയ സംഭവത്തില്‍ അന്വേഷണമാരംഭിച്ച് ഗാര്‍ഡ. വ്യാഴാഴ്ച ഉച്ചയ്ക്ക് ശേഷമാണ് Ennis-ലെ Clare Road-ലുള്ള വീട്ടില്‍ എത്തിയ എമര്‍ജന്‍സി സര്‍വീസസ് സംഘം 30-ലേറെ പ്രായമുള്ള പുരുഷനെ മരിച്ചനിലയില്‍ കണ്ടെത്തിയത്. University Hospital Limerick-ലേയ്ക്ക് മാറ്റിയ മൃതദേഹത്തിന്റെ പോസ്റ്റ് മോര്‍ട്ടം നടത്തും. ഇതിന്റെ ഫലം വരുന്നതിനനുസരിച്ചാണ് അന്വേഷണം മുന്നോട്ട് പോകുക.

ഡബ്ലിനിലെ ഫിന്‍ഗ്ലാസില്‍ ഒളിപ്പിച്ച നിലയില്‍ തോക്ക് പിടികൂടി. ചൊവ്വാഴ്ച രാത്രി പ്രദേശത്ത് ഗാര്‍ഡ നടത്തിയ പരിശോധനയില്‍ ചെടികള്‍ക്കിടയില്‍ ഒളിപ്പിച്ച നിലയിലാണ് റൈഫിള്‍ തോക്ക് കണ്ടെടുത്തത്. സംഭവത്തില്‍ ഗാര്‍ഡ അന്വേഷണമാരംഭിച്ചിട്ടുണ്ട്. തെരുവുകള്‍ സുരക്ഷിതമാക്കുന്നതിന്റെ ഭാഗമായി ഗാര്‍ഡ നടത്തിയ റെയ്ഡിനെ അഭിനന്ദിക്കുന്നതായി ചീഫ് സൂപ്രണ്ട് Michael McNulty പറഞ്ഞു. പ്രദേശത്ത് ഗാര്‍ഡ സാന്നിദ്ധ്യം തുടരുമെന്നും, ജനങ്ങളുടെ സുരക്ഷ ഉറപ്പാക്കാന്‍ ഗാര്‍ഡ നടത്തിവരുന്ന ശ്രമങ്ങളുടെ തെളിവാണിതെന്നും McNulty കൂട്ടിച്ചേര്‍ത്തു.