പാല: വരുന്ന നിയമസഭാ തെരഞ്ഞെടുപ്പില് താന് സ്ഥാനാര്ത്ഥിയായി നില്ക്കണം എന്നത് പാലായിലുള്ളവരുടെ ആഗ്രഹമാണെന്ന് കെ എം മാണി. താന് മത്സരിക്കില്ലെന്നും മറ്റും പറയുന്നത് ശത്രുക്കളാണ്. താന് മത്സരിക്കണോ വേണ്ടയോ എന്ന കാര്യത്തില് പാര്ട്ടിക്കുള്ളില് അഭിപ്രായ വ്യത്യാസങ്ങളില്ല. ഇത്തവണ കേരള കോണ്ഗ്രസ് യുഡിഎഫിനോട് കൂടുതല് സീറ്റുകള് ആവശ്യപ്പെടുമെന്നും മാണി മാധ്യമങ്ങളോട് പറഞ്ഞു.
പാര്ട്ടിക്കുള്ളിലെ അച്ചടക്കം ലംഘിക്കുന്നവര്ക്ക് പി സി ജോര്ജ്ജിന്റെ അവസ്ഥയായിരിക്കും സംഭവിക്കുക. പാര്ട്ടിക്കെതിരെ പ്രവര്ത്തിക്കുന്നത് ഒന്നോ രണ്ടോ പേര് മാത്രമാണ്. പാര്ട്ടിയിലെ സ്വയംപ്രഖ്യാപിത സ്ഥാനാര്ത്ഥികള് പ്രത്യാഘാതം അനുഭവിക്കേണ്ടി വരുമെന്നും മാണി വ്യക്തമാക്കി.
-എജെ-