ന്യൂഡല്‍ഹി: സോളാര്‍ തട്ടിപ്പ് കേസില്‍ മുഖ്യമന്ത്രി ഉമ്മന്‍ ചാണ്ടിക്കെതിരെ അന്വേഷണത്തിന് ഡല്‍ഹി തീസ് ഹസാരി കോടതി ഉത്തരവിട്ടു. മുഖ്യമന്ത്രിക്കു ഡല്‍ഹിയില്‍ വച്ച് പണം കൈമാറിയെന്ന് സരിത എസ്.നായര്‍ സോളാര്‍ കമ്മീഷന്‍ മുമ്പാകെ മൊഴി നല്‍കിയതിന്റെ പശ്ചാത്തലത്തില്‍ ഡല്‍ഹിയിലെ ഒരു ആര്എസ്എസ് പ്രവര്‍ത്തകനാണ് കേസ് നല്‍കിയത്. ഈ ഹര്‍ജിയിന്മേലാണ് കോടതി അന്വേഷണ ഉത്തരവിട്ടിരിക്കുന്നത്.
മുഖ്യമന്ത്രിയുടെ നിര്‍ദ്ദേശപ്രകാരം ചാന്ദിനി ചൗക്കില്‍ എത്തി അദ്ദേഹത്തിന്റെ ഡല്‍ഹിയിലെ സഹായി തോമസ് കുരുവിളയ്ക്ക് പണം കൈമാറിയെന്നായിരുന്നു സരിതയുടെ ആരോപണം. മുഖ്യമന്ത്രിക്കെതിരായ ആരോപണം അന്വേഷിക്കാന്‍ ഡല്‍ഹി പോലീസിന് കോടതി നിര്‍ദേശം നല്‍കി. അടുത്ത മാസം 31ന് റിപ്പോര്‍ട്ട് സമര്‍പ്പിക്കണം.
-എജെ-
