ഡബ്ലിന്‍: കടുത്ത ശൈത്യം തുടരുന്ന അയര്‍ലണ്ടില്‍ കാലാവസ്ഥ വിമാനസര്‍വീസുകളെ പ്രതികൂലമായി ബാധിച്ചുതുടങ്ങി. ഡബ്ലിന്‍-ലണ്ടന്‍ സര്‍വീസുകളെയാണ് കാലാവസ്ഥ പ്രധാനമായും ബാധിക്കുന്നത്. ഡബ്ലിന്‍-ലണ്ടന്‍ റൂട്ടുകളില്‍ 5 വിമാനസര്‍വീസുകള്‍ റദ്ദുചെയ്തതായ് ഡബ്ലിന്‍ എയര്‍പോര്‍ട്ട് അറിയിച്ചു.
ബ്രിട്ടനും-വടക്കന്‍ യൂറോപ്പിനും ഇടയിലുള്ള നിരവധി സര്‍വീസുകള്‍ നിര്‍ത്തിവെച്ചതായി എയര്‍ലിംഗസും വ്യക്തമാക്കി. ഇന്നു രാവിലെ ഡബ്ലിനില്‍ എത്തേണ്ടിയിരുന്ന എയര്‍ലിംഗ്സിന്റെ ഒരു വിമാനവും റദ്ദാക്കപ്പെട്ടിരുന്നു. വിമാനയാത്രക്ക് തയ്യാറെടുക്കും മുന്‍പ് യാത്ര വിവരങ്ങള്‍ വെബ്‌സൈറ്റിലൂടെ കൃത്യമായി മനസിലാക്കാന്‍ ഡബ്ലിന്‍ എയര്‍പോര്‍ട്ട് യാത്രക്കാര്‍ക്ക് നിര്‍ദേശം നല്‍കി.
ഡി.കെ
