ഏപ്രിൽ ഇരുപത്തിയേഴാം തിയതി ദ്രോഗ്‌ഹെഡായിലെ ടുള്ളിയാളൻ ഹാളിൽ വച്ച് നടന്ന IFAയുടെ പ്രഥമ റമ്മി ടൂർണമെന്റ് പങ്കാളിത്തം കൊണ്ടും സംഘാടന മികവുകൊണ്ടും വൻ വിജയമായി. അയർലണ്ടിന്റെ വിവിധ മേഖലകളിൽ നിന്നും പങ്കെടുത്തവർ വാശിയേറിയതും മികവുനിറഞ്ഞതുമായ മത്സരമാണ് കാഴ്ചവച്ചത്. വിവിധ ഘട്ടങ്ങളായി നടന്ന മല്‍സരങ്ങൾക്ക് ശേഷം വിജയികൾക്കുള്ള സമ്മാനദാനവും നിർവഹിച്ചു.
ഒന്നാം സമ്മാനമായ 1001 യൂറോ ഒന്നാം സ്ഥാനം നേടിയ ജോബി ഡേവിസിന് IFAയുടെ പ്രസിഡന്റ് സാൻഡി മനോജ് കൈമാറി. രണ്ടാം സ്ഥാനം നേടിയ ജിജി നടുകൂടിയിലി‌ന് രണ്ടാം സമ്മാനമായ 501 യൂറോ Captain QFAയുടെ Financial advisor ആയ റെനി ജോസഫ് സമ്മാനിച്ചു. മൂന്നാം സമ്മാനമായ 201 യൂറോ മൂന്നാം സ്ഥാനം നേടിയ സ്മിത്ത് സലിംകുമാറിന് IFAയുടെ സെക്രട്ടറി ജിയോ ജോസ് കൈമാറി.
IFAയുടെ റമ്മി ടൂർണമെന്റിന്റെ സ്പോൺസർമാരായ Captain QFA, Tilex, Spice Bzar Drogheda, BlackWhite Technologies Dundalk, Grangerath Friends എന്നിവർക്ക്‌ IFAയുടെ സംഘാടകർ പ്രത്യേകം നന്ദി രേഖപ്പെടുത്തി.
