ഡബ്ലിന്:മെറ്റര്നിറ്റി,പെറ്റേണിറ്റി ആനുകൂല്യങ്ങള്ക്ക് പുറമെ രക്ഷിതാക്കള്ക്ക് രണ്ട് ആഴ്ചവരെ പെയ്ഡ് പാരന്റല് ലീവ് അനുവദിക്കാന് ക്യാബിനറ്റ് സമിതി തീരുമാനിച്ചു. ഓരോ വര്ഷവും ഈ ആനുകൂല്യം വര്ദ്ധിപ്പിക്കുന്നത് പരിഗണനയിലാണെന്ന് മന്ത്രി റെജീന ദൊഹോര്ട്ടി പദ്ധതി പ്രഖ്യാപന വേളയില് അറിയിച്ചു. ലിയോ വരേദ്കര് അടങ്ങുന്ന ക്യാബിനറ്റ് സബ് കമ്മിറ്റിയുടേതാണ് തീരുമാനം.
ആനുകൂല്യമില്ലാതെ 4 മാസം വരെ ലഭിക്കുന്ന പാരന്റല് ലീവ് ആണ് അയര്ലണ്ടില് നിലവിലുള്ളത്. ഇത് കുട്ടികള്ക്ക് 8 വയസ്സ് പൂര്ത്തിയാകുന്നത് വരെയുള്ള കാലയളവിലാണ് ഉപയോഗിച്ചിരുന്നത്. പെയ്ഡ് പാരന്റല് ലീവില് 8 വയസു 12 വയസ്സുവരെ നീട്ടിയേക്കും.നിലവില് തുടരുന്ന മറ്റേണിറ്റി,പെറ്റെണീറ്റി ആനൂകൂല്യങ്ങള് ഉയര്ത്തില്ലെന്നും ക്യാബിനറ്റ് കമ്മിറ്റി അറിയിച്ചു.
മറിച് ഇത് രണ്ടും സംയോജിപ്പിച് ഒരു വര്ഷം വരെ നീളുന്ന പാരന്റല് ലീവും മന്ത്രിസഭയുടെ മന്ത്രിസഭയുടെ സജീവ പരിഗണയിലാണ്. പറ്റേണിറ്റി ആനുകൂല്യങ്ങള് ഉപയോഗിക്കുന്നവര് ഈ അവധി മറ്റു ആവശ്യങ്ങള്ക്ക് ഉപയോഗിക്കുന്ന പ്രവണത കണ്ടെത്താനും സംവിധാനമൊരുക്കും. യൂറോപ്പ്യന് യൂണിയനില് ഉള്പ്പെട്ട ചുരുക്കം ചില രാജ്യങ്ങളില് മാത്രമാണ് പെയ്ഡ് പാരന്റല് ലീവ് ഇല്ലാത്തത്. രാജ്യങ്ങളെല്ലാം തന്നെ ഇത്തരം ആനുകൂല്യങ്ങള് നിര്ബന്ധമാക്കാന് യൂറോപ്പ്യന് യൂണിയന് നിര്ദേശം നല്കിയിരുന്നു.
ഡി കെ