ഇരുപതാമത് ന്യൂ സൗത്ത് വെയില്‍സ് ഹെല്‍ത്ത് അവാര്‍ഡ്‌സില്‍ ഫൈനലിസ്റ്റായി മലയാളി സോഷ്യല്‍ വര്‍ക്കര്‍. വയനാട്ടില്‍ നിന്നുള്ള ഷിബു ജോണ്‍ കീരിപ്പേല് അണ് ഈ അപൂര്‍വ നേട്ടം കൈവരിച്ചത്. കഴിഞ്ഞ ഏഴ് വര്‍ഷകാലമായി ഷിബു നടത്തിയ പരീക്ഷണാര്‍ത്ഥത്തില്‍ ഉള്ള പഠനത്തിലാണ് ഈ അംഗീകാരം ലഭിച്ചത് . ന്യൂ സൗത്ത് വെയില്‍സ് ആരോഗ്യ നൂതന പരീക്ഷണ മേഖലയ്ക്ക് കീഴില്‍ ഷിബു നടത്തിയ ‘എ ട്രാഫിക് സിഗ്‌നല്‍സ് ഫ്രെയിംവര്‍ക്ക് ടു കപ്പാസിറ്റി അസൈമെന്റ് എന്ന ഗവേഷണത്തിലാണ് ഈ പദവി ഷിബുവിനെ തേടിയെത്തിയത്.
കൂടാതെ ഡിമെന്‍ഷ്യ രോഗികളുടെ മാനസികവും സാമൂഹികവുമായ ബുദ്ധിമുട്ടുകളെ നൂതനമായ രീതിയില്‍ തിരിച്ചറിയുവാനുള്ള രണ്ടുവര്‍ഷത്തെ ഗവേഷണം പൂര്‍ത്തിയാക്കിയ ഷിബുവിന് ഈവര്‍ഷം മിഡ് നോര്‍ത്ത് കോസ്റ്റ് ഇന്നോവേഷന്‍ പുരസ്‌കാരം നല്‍കി ആദരിച്ചു. കഴിഞ്ഞ 8 വര്‍ഷക്കാലമായി കോഫ്സ് ഹാര്‍ബര്‍ ഹോസ്പിറ്റലിലെ സോഷ്യല്‍ വര്‍ക്കറായി സേവനമനുഷ്ഠികുന്ന ഷിബുവിനെ തേടി ഒട്ടനവധി പുരസ്‌കാരങ്ങള്‍ എത്തിയിട്ടുണ്ട് . 2017ലെ ന്യൂ സൗത്ത് വെയില്‍സ് റിസര്‍ച്ച് ഇംപാക്ട് അവാര്‍ഡു കഴിഞ്ഞവര്‍ഷം ഷിബു കരസ്ഥമാക്കി. ന്യൂ സൗത്ത് വെയില്‍സ് അവാര്‍ഡ് ചടങ്ങില്‍ ഷിബു വരുന്ന മാസം അതിഥിയായി പങ്കെടുക്കും.
വാര്‍ത്ത : എബി പൊയ്ക്കാട്ടില്‍
