കൊറോണ വൈറസ് ബാധയെ തുടർന്നു മരണസംഖ്യ ചൈനയിൽ ഉയർന്നുകൊണ്ടിരിക്കുന്ന പശ്ചാത്തലത്തിൽ രാജ്യത്തേക്കുള്ള വിമാന സർവീസുകൾക്ക് ഏർപ്പെടുത്തിയിരിക്കുന്ന നിരോധനം ലുഫ്താൻസ നീട്ടി.
ജർമൻ എയർലൈനായ ലുഫ്താൻസയും സബ്സിഡയറികളായ സ്വിസ് എയർലൈൻസും ഓസ്ട്രിയൻ എയർലൈൻസും ചൈനയിലേക്കുള്ളതും തിരിച്ചുള്ളതുമായ എല്ലാ സർവീസുകളും ഫെബ്രുവരി ഒന്പതു വരെ നിർത്തിവയ്ക്കുന്നതായാണ് നേരത്തെ അറിയിച്ചിരുന്നത്. ഇതിൽ ബീജിംഗ് ഷാങ്ഹായ് എന്നീ നഗരങ്ങൾ വഴിയുള്ള സർവീസുകൾ ഇപ്പോൾ ഫെബ്രുവരി 29 വരെയാണ് നീട്ടിയിരിക്കുന്നത്. നാൻജിങ്, ഷെന്യാങ്, ക്വിങ്ദോ എന്നിവിടങ്ങൾ വഴിയുള്ളത് മാർച്ച് 28 വരെയും നിർത്തിവച്ചു.
യാത്രക്കാരുടെയും ജീവനക്കാരുടെയും സുരക്ഷയാണ് മുഖ്യമെന്ന് അധികൃതർ. ഹോങ്കോംഗ് വഴിയുള്ള സർവീസുകൾക്ക് നിലവിൽ തടസമില്ല.
ജർമനി, സ്വിറ്റ്സർലൻഡ്, ഓസ്ട്രിയ എന്നിവിടങ്ങളിൽ നിന്ന് ആഴ്ചയിൽ 54 സർവീസുകളാണ് ലുഫ്താൻസയും സബ്സിഡയറികളും കൂടി ചൈന വഴി നടത്തിവരുന്നത്. ഹോങ്കോംഗിലേക്ക് 19 സർവീസുകളുമുണ്ട്
വാർത്തകൾ ലഭിക്കാൻ ദയവായി ഞങ്ങളുടെ ഫേസ്ബുക്ക് പേജ് ലൈക്ക് ചെയ്തു ഫോളോ ചെയ്യൂ
https://www.facebook.com/rosemalayalamofficial/
വാർത്തകൾ വാട്ട്സ് ആപ്പിൽ ലഭിക്കാൻ ദയവായി റോസ് മലയാളം വാട്ട്സ് ആപ്പ് ഗ്രൂപ്പിൽ ചേരൂ
https://chat.whatsapp.com/GmHYKeKNtOe8jRqwNMNmwc