തിരുവനന്തപുരം: മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കറിന് സസ്പെന്ഷന്. സ്വര്ണക്കടത്ത് കേസിലെ പ്രതികളുമായി ബന്ധപ്പെട്ട ആരോപണങ്ങള്ക്ക് പിന്നാലെയാണ് ശിവശങ്കറിനെ സസ്പെന്ഡ് ചെയ്തത്. മുഖ്യമന്ത്രി പിണറായി വിജയന് വാര്ത്താസമ്മേളനത്തിലാണ് ഇക്കാര്യം അറിയിച്ചത്.
ശിവശങ്കറുമായി ബന്ധപ്പെട്ട കാര്യങ്ങള് അന്വേഷിച്ച് ചീഫ് സെക്രട്ടറിയും ധനകാര്യ അഡീഷണല് ചീഫ് സെക്രട്ടറിയും സമര്പ്പിച്ച റിപ്പോര്ട്ടിന്റെ അടിസ്ഥാനത്തിലാണ് നടപടി. അഖിലേന്ത്യാ സര്വീസിലെ പെരുമാറ്റച്ചട്ടങ്ങളുടെ ലംഘനമുണ്ടായി എന്ന് സമിതി കണ്ടെത്തിയതായി മുഖ്യമന്ത്രി വ്യക്തമാക്കി. ശിവശങ്കറിനെതിരെ വകുപ്പുതല അന്വേഷണം തുടരുമെന്നും മുഖ്യമന്ത്രി പറഞ്ഞു.
ഐടി വകുപ്പുമായി ബന്ധപ്പെട്ട നിയമനങ്ങളിലും ക്രമക്കേടുള്ളതായുള്ള സൂചനയും മുഖ്യമന്ത്രി നല്കി. റിപ്പോര്ട്ട് സംബന്ധിച്ച് കൂടുതല് വിവരങ്ങള് പിന്നീട് വ്യക്തമാക്കാമെന്നും ഇവ പരിശോധിച്ചു വരികയാണെന്നും മുഖ്യമന്ത്രി അറിയിച്ചു.