ഡബ്ലിനിലെ Tallaghat പ്രാന്തപ്രദേശത്തുള്ള സ്വകാര്യ കൃഷിയിടത്തിൽ നായ പ്രവേശിച്ചതുമായി ബന്ധപ്പെട്ട തർക്കത്തിനിടെ വെടിയേറ്റ യുവാവിന് ആശുപത്രിയിൽ ദാരുണാന്ത്യം. ഡബ്ലിനിലെ ഹേസൽ ഗ്രോവ് ഏരിയയിലെ ബ്ലെസിംഗ്ടൺ റോഡിനടുത്തുള്ള കൃഷിയിടത്തിൽ വെച്ചാണ് കീത്ത് കോൻനോൺ എന്ന യുവാവിന് വെടിയേറ്റത് .
തലയ്ക്ക് വെടിയേറ്റതിനെ തുടർന്ന് ഗുരുതരമായി പരിക്കേറ്റിരുന്നു. ആശുപത്രിയിൽ ചികിത്സയിൽ ആയിരുന്ന കോൺലോൻ ഇന്നലെ ഉച്ചയോടെയാണ് മരണപ്പെട്ടത്.
സംഭവത്തിനിടെ ഒപ്പമുണ്ടായിരുന്ന നായയ്ക്കും വെടിയേറ്റിരുന്നു. നായയെ ചത്ത നിലയിൽ പിന്നീട് കണ്ടെത്തിയിരുന്നു.
സ്ഥലത്തുണ്ടായിരുന്ന നായയുമായി ബന്ധപ്പെട്ട് രണ്ടുപേർ തമ്മിൽ ഉണ്ടായ തർക്കമാണ് വെടിവെപ്പിൽ കലാശിച്ചത് .
സംഭവസ്ഥലത്ത് വെച്ച് 53 വയസ്സുള്ള ഒരാളെ അറസ്റ്റുചെയ്തു, Tallaghat ഗാർഡ സ്റ്റേഷനിൽ ഇപ്പോൾ തടവിലാണ് ഇദ്ദേഹം .അനുവാദമില്ലാതെ സ്വകാര്യ ഭൂമിയിൽ പ്രവേശിക്കുന്നവരെ സ്വയം പ്രതിരോധിക്കാന്‍ ഐറിഷ് നിയമം അനുവദിക്കുന്നുണ്ട്. അതിനാൽ ഈ നിയമം 53 കാരനായ പ്രതിക്ക് സഹായമാവുമോയെന്ന് നിയമ വിദഗ്ദ്ധർ പരിശോധിച്ചുവരികയാണ്.
