രക്ഷിത് ഷെട്ടിയുടെ ധര്മ എന്ന കഥാപാത്രത്തെ സഹതാരമായി ഒതുക്കുക്കിയ പെർഫോമൻസുമായി ചാർളി എന്ന പട്ടികുട്ടിയുടെ കഥ പറയുന്ന 777 ചാര്ളി എന്ന സിനിമ അയർലൻഡിലും പ്രദർശിപ്പിക്കുന്നു. ഇന്ത്യയിൽ നിറഞ്ഞ സദസ്സിൽ പ്രദർശനം തുടരുന്ന ഈ ചിത്രത്തിന് മികച്ച പ്രേക്ഷക പ്രതികരണമാണ് ലഭിക്കുന്നത്.
ജൂൺ 19-ന് (ഞായറാഴ്ച ) ഡബ്ലിനിലെ Coolock Odeon തീയേറ്ററിലും , തിങ്കളാഴ്ച 20-ന് ഗാൽവേയിലെ Palas Cinema യിലും ചിത്രം പ്രദർശിപ്പിക്കും. പ്രദർശന സമയം : 3 PM (1500hr)
മനുഷ്യനും നായയുമായുള്ള ബന്ധത്തിന്റെ ഏറ്റവും ഹൃദയസ്പര്ശിയായ കഥകളിലൊന്നാണ് 777 ചാര്ളി. പെറ്റ് ലവേഴ്സ് ആയവരും അല്ലാത്തവരുമൊക്കെ ഇത്തിരി ഇമോഷണലായി, അതായത് ചിലയിടത്തൊക്കെ ചിരിച്ചും കുറച്ചൊന്ന് കണ്ണു നനഞ്ഞുമൊക്കെയായിരിക്കും ഈ സിനിമ കണ്ടിരിക്കുക. ഈ സിനിമയുടെ തിരക്കഥാകൃത്തും സംവിധായകനുമായ കിരണ്രാജ് ശരിക്കും അത്ഭുതപ്പെടുത്തും വിധമാണ് ചാര്ളി എന്ന പട്ടിക്കുട്ടിയെ ഈ സിനിമയില് ഉപയോഗിച്ചിരിക്കുന്നത്. അരവിന്ദ് കശ്യപിന്റെ ക്യാമറ വലിയ കാന്വാസുകള് കാണിച്ചുകൊണ്ട് പ്രേക്ഷകരെ പിടിച്ചിരുത്തുന്നുണ്ട്.