വരും ദിവസങ്ങളിൽ അയർലൻഡിലെമ്പാടും താപനില ഉയരുമെന്ന് മുന്നറിയിപ്പ് നൽകി Met Éireann.
ഇന്നലെ വൈകുന്നേരം പുറപ്പെടുവിച്ച കാലാവസ്ഥാ മുന്നറിയിപ്പ് പ്രകാരം “അയർലൻഡിൽ വരുന്ന ഞായറാഴ്ചയും അടുത്ത ആഴ്‌ചയുടെ തുടക്കത്തിലും ഉയർന്ന ചൂട് അനുഭവപ്പെടും.
പകൽസമയങ്ങളിൽ താപനില 20- ഡിഗ്രിക്ക് മേൽ ഉയരുമെന്നും ചില ഇടങ്ങങ്ങളിൽ 30 ഡിഗ്രിയിൽ കൂടുതലാകാമെന്നും Met Éireann സൂചിപ്പിച്ചു. കൂടാതെ ജൂലൈ 20 ബുധനാഴ്ച അർദ്ധരാത്രി വരെ ചൂട് തുടരുമെന്നും Met Éireann വ്യക്തമാക്കി.
അതേസമയം ശനിയാഴ്ച വരെയുള്ള ഏറ്റവും ഉയർന്ന പകൽ താപനില 20- 25 ഡിഗ്രി സെൽഷ്യസ് ആയിരിക്കും. രാജ്യത്തിന്റെ ചില ഭാഗങ്ങളിൽ മേഘാവൃതമായ കാലാവസ്ഥയ്‌ക്കൊപ്പം ചാറ്റൽ മഴയ്ക്കും സാധ്യത ഉള്ളതായി
Met Éireann പറയുന്നുണ്ട്.
