ഡബ്ലിൻ: അസോസിയേഷൻ ഓഫ് ഇന്ത്യൻ കമ്മ്യൂണിസ്റ്റിൻ്റെ (AIC) നേതൃത്വത്തിൽ അന്തരിച്ച സിപിഐ എമ്മിൻ്റെ സമുന്നത നേതാവും മുൻ സംസ്ഥാന സെക്രട്ടറിയുമായ കോടിയേരി ബാലകൃഷ്ണൻ്റെ അനുസ്മരണം ഇന്ന് ഡബ്ലിനിൽ സംഘടിപ്പിക്കുന്നു. സംസ്ഥാന മുൻ അഭ്യന്തര വകുപ്പ് മന്ത്രിയും പോളിറ്റ് ബ്യൂറോ അംഗവും കൂടിയായ കോടിയേരിയുടെ അനുസ്മരണം ഇന്ന് താലയിലുള്ള ഫിർ ഹൗസ് കമ്മ്യൂണിറ്റി സെൻ്ററിൽ വച്ചാണ് സംഘടിപ്പിക്കുന്നത്. വൈകുന്നേരം ആറു മണിക്ക് ആരംഭിക്കുന്ന അനുസ്മരണ സമ്മേളനത്തിൽ വിവിധ രാഷ്ട്രീയ പാർട്ടികളുടെയും പോഷക സംഘടകനകളുടെയും അയർലണ്ട് ഘടകങ്ങളുടെ പ്രതിനിധികൾ പങ്കെടുക്കുന്നതാണ്.
രാഷ്ടീയത്തിന് അതീതമായി മതേതര മൂല്യങ്ങളെ ഉയർത്തിപ്പിടിച്ച് ജനഹൃദയങ്ങളിൽ തൻ്റേതായ സ്ഥാനം ഉറപ്പിച്ച കോടിയേരിയുടെ അനുസ്മരണ സമ്മേളനത്തിലേയ്ക്ക് ഏവരെയും സ്വാഗതം ചെയ്യുന്നതായി ഭാരവാഹികൾ അറിയിച്ചു.
Venue- Firhouse Community Centre
Ballycullen Drive, Firhouse ,Dublin 24.
Eircode D24YY0H
