Corkagh Park ക്രിക്കറ്റ് ഗ്രൗണ്ടിൽ May 18-ന് നടത്തപ്പെട്ട ഷീലാ പാലസ്- പങ്കാളീസ്
ക്രിക്കറ്റ് ടൂർണമെന്റ് ചാമ്പ്യൻമാരായി AMC. ആവേശോജ്വലമായ ഫൈനലിൽ കരുത്തരായ LCC-യെ 24 റൺസിന് ആണ് അവർ പരാജയപ്പെടുത്തിയത്.
വിജയികൾക്ക് Sheela Palace Restaurant സ്പോൺസർ ചെയ്ത ട്രോഫിയും €501 ക്യാഷ് പ്രൈസും ലഭിച്ചു.
റണ്ണേഴ്സ് അപ്പ് ആയ LCC-ക്ക് ലഭിച്ചത് Sheela Palace Restaurant സ്പോൺസർ ചെയ്ത ട്രോഫിയും €301 യൂറോയും ആണ്.
ഉദ്വേഗജനകമായ നിരവധി നിമിഷങ്ങൾ സമ്മാനിച്ച, അവസാന പന്ത് വരെ നീണ്ട മത്സരങ്ങൾ നിറഞ്ഞ ക്രിക്കറ്റ് പോരാട്ടത്തിൽ അയർലണ്ടിൽ നിന്നുള്ള ഏറ്റവും മികച്ച 12 ടീമുകൾ ആണ് മാറ്റുരച്ചത്.
![](https://i0.wp.com/www.rosemalayalam.com/wp-content/uploads/2024/05/WhatsApp-Image-2024-05-20-at-5.13.50-PM1.jpeg?resize=1024%2C768&ssl=1)
പ്രവാസികളുടെ പ്രിയ റസ്റ്ററന്റ് ആയ Sheela Palace Restaurant ഉടമയും, Green Party-യുടെ ലൂക്കൻ ലോക്കൽ ഇലക്ഷൻ കാൻഡിഡേറ്റുമായ ജിതിൻ റാം അവാർഡുകൾ വിതരണം ചെയ്തു.
ടൂർണമെന്റിലെ മികച്ച താരം ആയി LCC-യുടെ ജിബ്രാൻ തിരഞ്ഞെടുക്കപ്പെട്ടു. മികച്ച ബാറ്റർ അവാർഡ് Gully Cricket ലെ പരാഗ്. എസിന് ആണ്. Waterford Tigers ക്രിക്കറ്റ് ക്ലബ്ബിലെ ആനന്ദ് ആണ് മികച്ച ബൌളർ അവാർഡ് നേടിയത്. ഫൈനലിലെ മികച്ച താരം ആയി AMC-യുടെ വിജയ് തിരഞ്ഞെടുക്കപ്പെട്ടു.
ടൂർണമെന്റ് വമ്പിച്ച വിജയമാക്കാൻ സഹായിച്ച സ്പോൺസർ Sheela Palace Restaurant-നും, പങ്കെടുത്ത എല്ലാ ടീമുകൾക്കും പങ്കാളീസ് ക്രിക്കറ്റ് കമ്മിറ്റി നന്ദി അറിയിച്ചു.