ഗോൾവേയിൽ പള്ളിക്ക് നേരെ ഭീകരമാക്രമണം നടത്താൻ ശ്രമിച്ച ലിത്വാനിയൻ സ്വദേശി കുറ്റക്കാരനെന്ന് കോടതി

ഗോള്‍വേയില്‍ മുസ്ലിം പള്ളിക്ക് നേരെ ഭീകരാക്രമണം നടത്താന്‍ ശ്രമിച്ച കേസില്‍ ലിത്വാനിയന്‍ സ്വദേശി കുറ്റക്കാരനെന്ന് കോടതി. കൗണ്ടി ലൂവിലെ ദ്രോഹഡയില്‍ താമസമാക്കിയ Karolis Peckauskas എന്ന 39-കാരനെയാണ് സ്‌പെഷ്യല്‍ ക്രിമിനില്‍ കോടതി ഇന്ന് കുറ്റക്കാരനെന്ന് വിധിച്ചത്. Criminal Justice (Terrorist Offences) Act, 2005-ലെ സെക്ഷന്‍ 6 (1) (a), 7(1) പ്രകാരം തീവ്രവാദ പ്രവര്‍ത്തനത്തിന്റെ ഭാഗമായി ബന്ധപ്പെട്ട് പള്ളി ആക്രമിക്കാന്‍ ശ്രമിച്ചു എന്ന കുറ്റം പ്രതി ചെയ്തുവെന്നാണ് കോടതി കണ്ടെത്തിയിരിക്കുന്നത്.

2025 നവംബര്‍ 4, 5 തീയതികളിലായാണ് കേസിനാസ്പദമായ സംഭവം നടന്നത്. ഗോള്‍വേയിലെ Monivea Road-ലുള്ള Old Cottages-ല്‍ സ്ഥിതി ചെയ്യുന്ന Maryam Mosque-ന് പ്രതിയായ Peckauskas തീവയ്ക്കാന്‍ ശ്രമിക്കുകയായിരുന്നു. ഇതേ കേസില്‍ ഇയാളുടെ കൂട്ടുപ്രതികളായ Darren Gorman (33), Garrett Pollock (35) എന്നിവര്‍ കുറ്റക്കാരാണെന്ന് കോടതി ജൂണ്‍ 8-ന് വിധിച്ചിരുന്നു. മറ്റൊരു കൂട്ടുപ്രതിയായ Charles Flynn (35)-ന്റെ കാര്യത്തില്‍ കോടതി ജൂലൈ 20-ന് വിധി പ്രസ്താവിക്കും. ഇയാളൊഴികെയുള്ള മൂന്ന് പ്രതികള്‍ക്കും ഒക്ടോബര്‍ 5-ന് ശിക്ഷ വിധിക്കുമെന്നും കോടതി അറിയിച്ചു.

2025 നവംബര്‍ 4-ന് മാരകായുധങ്ങള്‍ കൈവശം വച്ച കേസിലും Peckauskas പ്രതിയാണ്. പൈപ്പ് ബോംബ് കൈവശം വച്ചതിനും ഇയാള്‍ക്കെതിരെ കേസുണ്ട്.