ഷാനണ്‍ എയര്‍പോര്‍ട്ടില്‍ 3 മില്യണ്‍ യൂറോ വിലവരുന്ന കഞ്ചാവ് പിടികൂടി റവന്യൂ. ഇന്ന് നടത്തിയ പതിവ് പരിശോധനയിലാണ് കാനഡയില്‍ നിന്നും കൊണ്ടുവരികയായിരുന്ന 149 കിലോഗ്രാം കഞ്ചാവ് പിടിച്ചെടുത്തത്. കൗണ്ടി ക്ലെയറിലെ ഒരു അഡ്രസിലേയ്ക്കായിരുന്നു പാഴ്‌സല്‍. സംഘടിത കുറ്റവാളികള്‍ മയക്കുമരുന്ന് കടത്തുന്നത് തടയുക ലക്ഷ്യമിട്ട് നടത്തിവരുന്ന ഓപ്പറേഷന്റെ ഭാഗമായാണ് പരിശോധന നടത്തിയതെന്ന് റവന്യൂ അറിയിച്ചു. സംഭവത്തില്‍ അന്വേഷണം നടക്കുകയാണ്.
ലിമെറിക്ക് നഗരത്തിൽ നടത്തിയ പരിശോധനയിൽ 140,000 യൂറോ വിലമതിക്കുന്ന കൊക്കെയ്നുമായി ഒരാൾ പിടിയിൽ. മെയ് 20 ചൊവ്വാഴ്ച ഉച്ചകഴിഞ്ഞ് 3 മണിക്ക് ശേഷം നഗരത്തിലെ ഇംഗ്ലീഷ്‌ടൗൺ പ്രദേശത്തുള്ള ഒരു വസതിയിൽ ഗാർഡ സെർച്ച് വാറണ്ടോടെ നടത്തിയ പരിശോധനയിലാണ് മയക്കുമരുന്ന് കണ്ടെത്തിയത്. പ്രദേശത്തെ മയക്കുമരുന്നുകളുടെ വിൽപ്പനയും വിതരണവും തടയുക ലക്ഷ്യമിട്ട് നടന്നുകൊണ്ടിരിക്കുന്ന ഓപ്പറേഷന്റെ ഭാഗമായി ഡിവിഷണൽ ഡ്രഗ്‌സ് യൂണിറ്റിലെ ഗാർഡ, നിരവധി പ്രാദേശിക യൂണിറ്റുകളുമായി ചേർന്നാണ് പരിശോധന നടത്തിയത്. പരിശോധനയ്ക്കിടെ ഏകദേശം 2 കിലോഗ്രാം കൊക്കെയ്നാണ് പിടിച്ചെടുത്തത്. 30 … Read more
Co Louth-ല്‍ 1.8 മില്യണ്‍ യൂറോ വിലവരുന്ന ഹെര്‍ബല്‍ കഞ്ചാവ് പിടികൂടി. Garda National Drugs and Organised Crime Bureau, Louth Divisional Drugs Unit എന്നിവയുമായി ചേര്‍ന്ന് റവന്യൂ നടത്തിയ സംയുക്ത ഓപ്പറേഷനിലാണ് 90 കിലോഗ്രാം കഞ്ചാവ് പിടികൂടിയത്. സംഭവത്തില്‍ 50-ലേറെ പ്രായമുള്ള ഒരു പുരുഷന്‍ അറസ്റ്റിലായിട്ടുമുണ്ട്. ഇന്റലിജന്‍സ് വിവരത്തെത്തുടര്‍ന്നായിരുന്നു ഓപ്പറേഷന്‍ എന്നും, അയര്‍ലണ്ടിലേയ്ക്കുള്ള മയക്കുമരുന്ന് കടത്തിനും, വില്‍പ്പനയ്ക്കും, വിതരണത്തിനും തടയിടുന്നതിനായി റവന്യൂ നടത്തിവരുന്ന ശ്രമങ്ങളുടെ ഭാഗമായാണ് പരിശോധന നടത്തിയതെന്നും ഗാര്‍ഡ വ്യക്തമാക്കി.
Co Clare-ല്‍ വമ്പന്‍ മയക്കുമരുന്ന് വേട്ട. റവന്യൂ ഓഫീസര്‍മാരും, ഗാര്‍ഡയും സംയുക്തമായി നടത്തിയ ഓപ്പറേഷനിലാണ് 500 കിലോഗ്രാം ഹെര്‍ബല്‍ കഞ്ചാവ് പിടിച്ചെടുത്തത്. വിപണിയില്‍ ഇതിന് ഏകദേശം 10 മില്യണ്‍ യൂറോ വിലവരും. 60-ലേറെ പ്രായമുള്ള രണ്ട് പുരുഷന്മാരെ സംഭവവുമായി ബന്ധപ്പെട്ട് അറസ്റ്റ് ചെയ്തിട്ടുണ്ട്. അന്വേഷണം തുടരുകയാണ്.
ലിമറിക്ക് സിറ്റിയില്‍ മയക്കുമരുന്നും വെടിയുണ്ടകളുമായി മൂന്ന് പേര്‍ പിടിയില്‍. ചൊവ്വാഴ്ച ഒരു വാഹനം നിര്‍ത്തി പരിശോധിക്കവെയാണ് 30,000 യൂറോ വിലവരുന്ന കഞ്ചാവ് കണ്ടെത്തിയത്. പിന്നീട് തുടര്‍പരിശോധനയില്‍ 500,000 യൂറോ വിലവരുന്ന കഞ്ചാവ്, കൊക്കെയ്ന്‍ എന്നിവയും, 200 വെടിയുണ്ടകളും കണ്ടെടുത്തു. 30,000 യൂറോയും പിടിച്ചെടുത്തിട്ടുണ്ട്. 40-ലേറെ പ്രായമുള്ള രണ്ട് പുരുഷന്മാരെയും, 30-ലേറെ പ്രായമുള്ള മറ്റൊരു പുരുഷനെയും സംഭവവുമായി ബന്ധപ്പെട്ട് അറസ്റ്റ് ചെയ്തതായി ഗാര്‍ഡ അറിയിച്ചു. അന്വേഷണം തുടരുകയാണ്.
ഡബ്ലിനില്‍ വമ്പന്‍ മയക്കുമരുന്ന് വേട്ട. 21 കിലോഗ്രാം വരുന്ന ഹെറോയിനാണ് ഡബ്ലിനില്‍ നടത്തിയ ഓപ്പറേഷനിലൂടെ പിടിച്ചെടുത്തതെന്ന് ഗാര്‍ഡ വ്യക്തമാക്കി. ഇതിന് ഏകദേശം 3 മില്യണ്‍ യൂറോ വിപണി വില വരും. Coolock പ്രദേശത്ത് ഒരു വാഹനം പരിശോധിച്ചതില്‍ നിന്നുമാണ് Garda National Drugs and Organised Crime Bureau വന്‍ അളവിലുള്ള മയക്കുമരുന്ന് പിടികൂടിയത്. സംഭവസ്ഥലത്ത് നിന്നും 30-ലേറെ പ്രായമുള്ള ഒരു പുരുഷനെയും, തുടരന്വേഷണത്തില്‍ 40-ലേറെ പ്രായമുള്ള മറ്റൊരു പുരുഷനെയും അറസ്റ്റ് ചെയ്തിട്ടുമുണ്ട്. വളരെ മാരകമായ മയക്കുമരുന്നാണ് … Read more
അയർലണ്ടിൽ കഞ്ചാവ് ചെടികള്‍ നട്ടുവളര്‍ത്തിയ ആള്‍ അറസ്റ്റില്‍. ഗോൾവേ പ്രദേശത്ത് മയക്കുമരുന്നുകളുടെ വില്‍പ്പനയും വിതരണവും തടയുന്നത് ലക്ഷ്യമിട്ട് വെള്ളിയാഴ്ച ഗാര്‍ഡ നടത്തിയ പരിശോധനയിലാണ് Ballinasloe, Athlone എന്നിവിടങ്ങളിലായി ഗ്രോഹൗസുകളില്‍ 541-ഓളം കഞ്ചാവ് ചെടികള്‍ കൃഷി ചെയ്തു വന്നതായി കണ്ടെത്തിയത്. സംഭവത്തില്‍ 30-ലേറെ പ്രായമുള്ള ഒരു പുരുഷനെ ഗാര്‍ഡ അറസ്റ്റ് ചെയ്തിട്ടുണ്ട്. ആദ്യപരിശോധനയിൽ Ballinasloe-ലെ വീട്ടിൽ 160-ഓളം ചെടികളാണ് കണ്ടെത്തിയത്. തുടർപരിശോധനയിൽ Co Westmeath-ലെ Athlone-ണിലുള്ള വീട്ടിലാണ് ബാക്കി ചെടികൾ കണ്ടെത്തിയത്.
അയര്‍ലണ്ടില്‍ 10.6 മില്യണ്‍ യൂറോ വിലവരുന്ന കൊക്കെയ്ന്‍ പിടിച്ചെടുത്തതുമായി ബന്ധപ്പെട്ട് അറസ്റ്റിലായ 61-കാരനായ ബിസനസുകാരന്‍ റിമാന്‍ഡില്‍. വാട്ടര്‍ഫോര്‍ഡ് സ്വദേശിയായ മൈക്കല്‍ മര്‍ഫി എന്നയാളെയാണ് കഴിഞ്ഞ കഴിഞ്ഞ ദിവസം Gorey District Court-ല്‍ ഹാജരാക്കിയ ശേഷം റിമാന്‍ഡ് ചെയ്തത്. മാര്‍ച്ച് 18-ന് രാവിലെ 10 മണിയോടെയായിരുന്നു ഗാര്‍ഡ, കൗണ്ടി കില്‍ക്കെന്നിയിലെ M9-ല്‍ ഒരു ലോറി തടഞ്ഞുനിര്‍ത്തി പരിശോധിച്ചത്. ലോറി പിന്നീട് ഡബ്ലിന്‍ പോര്‍ട്ടില്‍ എത്തിച്ച് എക്‌സ് റേ പരിശോധന നടത്തുകയും, അതില്‍ നിന്നും 152 കിലോഗ്രാം കൊക്കെയ്ന്‍ കണ്ടെടുക്കുകയുമായിരുന്നു. … Read more
Co Dublin-ലെ Clondalkin-ല്‍ ഗാര്‍ഡ നടത്തിയ ഓപ്പറേഷനില്‍ കൊക്കെയ്ന്‍, എംഡിഎംഎ എന്നിവയുമായി ഒരാള്‍ പിടിയില്‍. വെള്ളിയാഴ്ച വൈകിട്ട് 7.30-ഓടെ പ്രദേശത്തെ ഒരു വീട്ടില്‍ ഗാര്‍ഡ നടത്തിയ ഓപ്പറേഷനിലാണ് 424,200 യൂറോ വിലവരുന്ന കൊക്കെയ്ന്‍, 123,000 യൂറോ വിലവരുന്ന എംഡിഎംഎ എന്നിവയുമായി 40-ലേറെ പ്രായമുള്ള പുരുഷന്‍ അറസ്റ്റിലായത്. ഇയാള്‍ക്കെതിരെ Criminal Justice (Drug Trafficking) Act 1996 സെക്ഷന്‍ 2 ചുമത്തിയായി അറിയിച്ച ഗാര്‍ഡ, പിടിച്ചെടുത്ത മയക്കുമരുന്നുകള്‍ ഫോറന്‍സിക് പരിശോധനയ്ക്ക് അയച്ചതായും പറഞ്ഞു. സംഭവത്തില്‍ അന്വേഷണം തുടരും.
വടക്കന്‍ അയര്‍ലണ്ടിലെ Co Down-ല്‍ കഞ്ചാവ് ഫാക്ടറി നടത്തിവന്ന രണ്ട് യുവാക്കള്‍ പിടിയില്‍. വെള്ളിയാഴ്ച രാത്രി 10.30-ഓടെ Hillsborough പ്രദേശത്ത് പൊലീസ് നടത്തിയ റെയ്ഡിലാണ് 300,000 പൗണ്ട് വിലവരുന്ന കഞ്ചാവ് കണ്ടെത്തിയത്. Sandringham Court-ലെ ഒരു കെട്ടിടത്തില്‍ 150-ഓളം കഞ്ചാവ് ചെടികളാണ് വളര്‍ത്തിയിരുന്നത്. സംഭവത്തില്‍ 22, 32 പ്രായക്കാരായ രണ്ട് പുരുഷന്മാരെ അറസ്റ്റ് ചെയ്തതായും പൊലീസ് അറിയിച്ചു.
