Co Louth-വില് 7.5 കിലോഗ്രാം കഞ്ചാവുമായി ചെറുപ്പക്കാരന് പിടിയില്. Garda National Drugs and Organised Crime Bureau (GNDOCB), Dundalk Drugs Unit, Revenue Customs Service എന്നിവര് ചേര്ന്ന് തിങ്കളാഴ്ച നടത്തിയ സംയുക്ത ഓപ്പറേഷനിലാണ് 150,000 യൂറോ വിപണിവില വരുന്ന കഞ്ചാവുമായി 30-ലേറെ പ്രായമുള്ള പുരുഷന് അറസ്റ്റിലായത്. ഇയാള്ക്കെതിരെ Criminal Justice (Drug Trafficking) Act 1996 സെക്ഷന് 2 പ്രകാരം കേസ് എടുത്ത് ചോദ്യം ചെയ്തുവരികയാണ്.
കൗണ്ടി കെറിയില് മയക്കുമരുന്നും തോക്ക് അടക്കമുള്ള ആയുധങ്ങളുമായി മൂന്ന് പേര് അറസ്റ്റില്. ഇന്റലിജന്സ് വിവരത്തെത്തുടര്ന്ന് ശനിയാഴ്ച ഉച്ചയ്ക്ക് Killarney-യില് ഒരു വാഹനം തടഞ്ഞ് പരിശോധിക്കവെയാണ് ഗാര്ഡ ഇവ പിടിച്ചെടുത്തത്. വാഹനത്തില് 5,000 യൂറോയോളം വിലവരുന്ന കഞ്ചാവ്, ഒരു കത്തി, ഏതാനും ഇലക്ട്രോണിക് ഉപകരണങ്ങള് എന്നിവയാണ് ഉണ്ടായിരുന്നത്. സംഭവത്തില് രണ്ട് പുരുഷന്മാര്, ഒരു സ്ത്രീ എന്നിവരെ അറസ്റ്റ് ചെയ്യുകയും ചെയ്തു. തുടര്പരിശോധനയില് ഒരു തോക്കും 160,000 യൂറോ വിലവരുന്ന കഞ്ചാവും, മയക്കുമരുന്നായ എല്എസ്ഡിയുമാണ് പിടിച്ചെടുത്തത്. പാക്ക് ചെയ്യാനുള്ള വസ്തുക്കളും … Read more
നോർത്തേൺ അയർലണ്ടിലെ ഡെറി കൗണ്ടിയിൽ കഞ്ചാവ് ഫാക്ടറി നടത്തി വന്ന നാലു പേർ പിടിയിൽ. വ്യാഴാഴ്ചയാണ് വാട്ടർസൈഡ് പ്രദേശത്തെ ഒരു കെട്ടിടത്തിൽ പോലീസ് നടത്തിയ ആസൂത്രിത പരിശോധനയിൽ നിരവധി കഞ്ചാവ് ചെടികൾ വളർത്തി വന്ന ഫാക്ടറി കണ്ടെത്തിയത്. സംഭവത്തിൽ 37, 39, 60 വയസുകാരായ മൂന്നു പുരുഷന്മായും, 52- കാരിയായ ഒരു സ്ത്രീയും അറസ്റ്റിൽ ആവുകയും ചെയ്തു. രാജ്യത്തെ തെരുവുകളിൽ നിന്നും മയക്കുമരുന്നുകൾ ഇല്ലാതാക്കാനുള്ള കഠിന ശ്രമം തങ്ങൾ നടത്തും എന്ന് പറഞ്ഞ നോർത്തേൺ അയർലണ്ട് പോലീസ് … Read more
കൗണ്ടി വെക്സ്ഫോര്ഡിലെ Rosslare Europort-ല് 3.75 മില്യണ് യൂറോയുടെ കൊക്കെയ്നുമായി ഒരാള് പിടിയില്. തിങ്കളാഴ്ച റവന്യൂ കസ്റ്റംസ് ഓഫീസര്മാര് നടത്തിയ പരിശോധനയിലാണ് 55.3 കിലോഗ്രാം വരുന്ന മയക്കുമരുന്ന് പിടിച്ചെടുത്തത്. ഫെറിയില് എത്തിയ ഒരു വാഹനത്തിലായിരുന്നു ഇത് സൂക്ഷിച്ചിരുന്നത്. സംഭവത്തില് 40-ലേറെ പ്രായമുള്ള ഒരു പുരുഷനെ ഗാര്ഡ അറസ്റ്റ് ചെയ്തിട്ടുണ്ട്. അന്വേഷണം തുടരുകയാണ്.
അയര്ലണ്ടില് വമ്പന് മയക്കുമരുന്ന് വേട്ട. വെക്സ്ഫോര്ഡ്, ഡബ്ലിന് എന്നീ കൗണ്ടികളില് തിങ്കളാഴ്ച നടത്തിയ പരിശോധനകളിലാണ് 7.2 മില്യണ് യൂറോ വിലവരുന്ന കൊക്കെയ്ന് പിടികൂടിയതെന്ന് ഗാര്ഡ അറിയിച്ചു. സംഭവത്തില് നാല് പേര് അറസ്റ്റിലായിട്ടുമുണ്ട്. വെക്സ്ഫോര്ഡിലെ Gorey, ഡബ്ലിനിലെ Shankill എന്നിവിടങ്ങളിലായിരുന്നു ഗാര്ഡയുടെ പരിശോധനകള്. രണ്ടിടങ്ങളില് നിന്നുമായി ഏകദേശം 104 കിലോഗ്രാം കൊക്കെയ്ന് ആണ് പിടിച്ചെടുത്തത്. 47,000 യൂറോ പണവും പിടിച്ചെടുത്തിട്ടുണ്ട്. അറസ്റ്റിലായ നാല് പേരും പുരുഷന്മാരാണ്. സംഘടിത കുറ്റവാളികളെ ലക്ഷ്യമിട്ട് നടത്തിവരുന്ന ഓപ്പറേഷന് ടാരയുടെ ഭാഗമായായിരുന്നു തിരച്ചില്.
ലിമെറിക്കിൽ വൻതോതിൽ കഞ്ചാവ് കണ്ടെത്തിയതുമായി ബന്ധപ്പെട്ട് ഒരു സ്ത്രീ അറസ്റ്റിൽ. വ്യാഴാഴ്ചയാണ് 60 വയസിലേറെ പ്രായമുള്ള സ്ത്രീയെ ലിമെറിക്കിലെ Dooradoyle-ലുള്ള ഒരു വീട്ടിൽ നിന്നും 110,000 യൂറോ വിലവരുന്ന കഞ്ചാവുമായി പിടികൂടിയത്. ലിമെറിക്ക് നഗരത്തിലെ മയക്കുമരുന്ന് വിൽപ്പനയും വിതരണവും ലക്ഷ്യമിട്ടുള്ള ഇന്റലിജൻസ് നേതൃത്വത്തിലുള്ള ഒരു ഓപ്പറേഷന്റെ ഭാഗമായിരുന്നു ഈ വീട് റെയ്ഡ് ചെയ്തത് എന്ന് ഗാർഡ പ്രസ് ഓഫീസ് പുറത്തിറക്കിയ പ്രസ്താവനയിൽ പറഞ്ഞു.പിടിച്ചെടുത്ത മരുന്നുകൾ വിശകലനത്തിനായി ഫോറൻസിക് സയൻസ് അയർലണ്ടിന് (FSI) കൈമാറും. “അന്വേഷണങ്ങൾ തുടരുകയാണ്.” ഓപ്പറേഷൻ … Read more
അയര്ലണ്ടില് വീണ്ടും മയക്കുമരുന്ന് വേട്ട. കൗണ്ടി കില്ഡെയറിലെ തെക്കന് പ്രദേശത്തുള്ള വീടുകളില് നടത്തിയ പരിശോധനയില് വ്യാഴാഴ്ചയാണ് 9 കിലോഗ്രാം കെറ്റമീന് പിടിച്ചെടുത്തത്. ഇതിന് വിപണിയില് ഏകദേശം 540,000 യൂറോ വില വരും. സംഭവത്തില് 20-ലേറെ പ്രായമുള്ള ഒരു പുരുഷന് അറസ്റ്റിലായിട്ടുണ്ട്. ഇയാളെ ഗാര്ഡ ചോദ്യം ചെയ്തുവരികയാണ്. Garda National Drugs and Organised Crime Bureau (GNDOCB), Newbridge Drugs Unit, Revenue’s Customs Service എന്നിവര് ചേര്ന്നുള്ള സംയുക്ത ഓപ്പറേഷനിലാണ് മയക്കുമരുന്ന് പിടിച്ചെടുത്തത്.
കൗണ്ടി ക്ലെയറിലെ ഷാനണ് എയര്പോര്ട്ടില് വമ്പന് മയക്കുമരുന്ന് വേട്ട. ബുധനാഴ്ചയാണ് 30 കിലോഗ്രാം തൂക്കം വരുന്ന കഞ്ചാവുമായി ചെറുപ്പക്കാരന് റവന്യൂ കസ്റ്റംസിന്റെ പിടിയിലായത്. പിടിച്ചെടുത്ത കഞ്ചാവിന് ഏകദേശം 600,000 യൂറോ വിപണി വില വരും. പിന്നാലെ ഇയാളെ ഗാര്ഡ അറസ്റ്റ് ചെയ്തു. 20 വയസിലധികം പ്രായമുള്ള പ്രതിയുടെ മേല് Criminal Justice (Drug Trafficking) Act 1996 ആണ് ചുമത്തിയിരിക്കുന്നത്. അന്വേഷണം തുടരുകയാണ്.
Co Laoisല് 8.1 മില്യണ് യൂറോയുടെ മയക്കുമരുന്നുമായി ചെറുപ്പക്കാരന് പിടിയില്. പ്രദേശത്തെ ഒരു വീട്ടില് Garda National Drugs and Organised Crime Bureau ഇന്നലെ നടത്തിയ പരിശോധനയിലാണ് 116 കിലോഗ്രാം വരുന്ന കൊക്കെയ്ന് കണ്ടെത്തിയത്. സംഭവത്തില് 30ലേറെ പ്രായമുള്ള ഒരു ചെറുപ്പക്കാരനെ അറസ്റ്റ് ചെയ്യുകയും ചെയ്തു. സംഘടിതകുറ്റകൃത്യം നടത്തുന്നവരെ ലക്ഷ്യമിട്ടുള്ള ഇത്തരം ഓപ്പറേഷനുകള് തുടരുമെന്ന് അറസ്റ്റിന് ശേഷം Detective Chief Superintendent Seamus Boland പറഞ്ഞു. അയര്ലണ്ടിലേയ്ക്ക് എത്തുന്ന മയക്കുമരുന്ന് തടയാനും, രാജ്യത്തെ സുരക്ഷിതമാക്കാനുമുള്ള നടപടികള് … Read more
വെക്സ്ഫോര്ഡിലെ യൂറോപോര്ട്ടില് 14.2 മില്യണ് യൂറോയുടെ മയക്കുമരുന്നുമായി ചെറുപ്പക്കാരന് പിടിയില്. ശനിയാഴ്ച വൈകിട്ടാണ് ഏകദേശം 202.5 കിലോഗ്രാം വരുന്ന കൊക്കെയ്നുമായി 30-ലേറെ പ്രായമുള്ള പുരുഷന് റവന്യൂ ഓഫീസര്മാരുടെ പിടിയിലായത്. ഫെറിയില് എത്തിയ ഒരു ലോറി പരിശോധിക്കവേയായിരുന്നു വമ്പന് അളവില് കടത്താന് ശ്രമിച്ച കൊക്കെയ്ന് കണ്ടെത്തിയത്. ഒരാഴ്ചയ്ക്കിടെ ഇത് രണ്ടാം തവണയാണ് തുറമുഖത്ത് വലിയ അളവില് മയക്കുമരുന്ന് പിടികൂടുന്നത്. കഴിഞ്ഞ തിങ്കളാഴ്ച ലോറിയുടെ ഇന്ധന ടാങ്കില് കടത്തുകയായിരുന്ന 150 കിലോഗ്രാം കൊക്കെയ്ന് റവന്യൂ പിടിച്ചെടുത്തിരുന്നു.
