DRUGS

പുതിയ ലഹരിമരുന്നുകൾ കൂടുതൽ അപകടകാരികൾ, ഒരേ മരുന്നിൽ തന്നെ അഞ്ചോളം ഘടകങ്ങൾ: മുന്നറിയിപ്പുമായി എച്ച്എസ്ഇ

ലഹരിമരുന്ന് വിപണിയിലെ പുതിയ മാറ്റങ്ങളെക്കുറിച്ചും പുത്തന്‍ മരുന്നുകള്‍ ഉയര്‍ത്തുന്ന വലിയ അപകടസാധ്യതകളെക്കുറിച്ചും പൊതുജനങ്ങളെ ബോധവാന്മാരാക്കാന്‍ എച്ച്എസ്ഇ പ്രചാരണം ആരംഭിച്ചു. സമൂഹത്തിലെ എല്ലാ വിഭാഗങ്ങളിലും പ്രായഭേദമന്യേ ലഹരിമരുന്ന് ഉപയോഗം നടക്കുന്നുണ്ടെന്നും പബ്ബുകള്‍, ക്ലബ്ബുകള്‍, വീടുകള്‍ എന്നിവിടങ്ങളിലെല്ലാം ലഹരിമരുന്ന് ഉപയോഗം നടക്കുന്നുണ്ടെന്ന് അധികൃതര്‍ക്ക് അറിയാമെന്നും എച്ച്എസ്ഇ എമര്‍ജിംഗ് ഡ്രഗ് ട്രെന്‍ഡ്സ് മാനേജര്‍ നിക്കി കില്ലീന്‍ പ്രചാരണത്തിന്റെ ഭാഗമായി സംസാരിക്കവേ RTE-യോട് പറഞ്ഞു. നിലവില്‍ വിപണിയിലുള്ള ഉയര്‍ന്ന വീര്യമുള്ള പൊടികളെയും മരുന്നുകളെയും കുറിച്ചുള്ള അവബോധം സൃഷ്ടിക്കാനാണ് എച്ച്എസ്ഇ ഇപ്പോള്‍ ശ്രമിക്കുന്നത്. ഇതുവഴി … Read more

രണ്ട് സംഭവങ്ങളിലായി ഗാർഡ ഒരേ ദിവസം പിടിച്ചെടുത്തത് 10 മില്യൺ യൂറോയുടെ മയക്കുമരുന്ന്

Co Monaghan-ല്‍ 5.25 മില്യണ്‍ യൂറോയുടെ ലഹരിമരുന്നുമായി പുരുഷനും സ്ത്രീയും അറസ്റ്റില്‍. പ്രദേശത്ത് ഗാര്‍ഡ നിരവധി വാഹനങ്ങളും വീടുകളും പരിശോധിച്ചതിനെത്തുടര്‍ന്നാണ് വമ്പന്‍ അളവില്‍ സൂക്ഷിച്ചിരുന്ന നിരോധിത ലഹരിമരുന്നായ കൊക്കെയ്ന്‍ കണ്ടെടുത്തത്. സംഭവത്തില്‍ അറസ്റ്റിലായ പുരുഷന് 50-ലേറെയും, സ്ത്രീക്ക് 40-ലേറെയും പ്രായമുണ്ട്. ഇവരെ ഗാര്‍ഡ സ്റ്റേഷനില്‍ ചോദ്യം ചെയ്തുവരികയാണ്. ഇതിന് പുറമെ മറ്റൊരു സംഭവത്തില്‍ 20 കിലോഗ്രാം കഞ്ചാവുമായി കില്‍ഡെയറില്‍ ഒരു പുരുഷനും അറസ്റ്റിലായി. 40-ലേറെ പ്രായമുള്ള ഇയാളില്‍ നിന്നും പിടിച്ചെടുത്ത കഞ്ചാവിന് 400,000 യൂറോയിലധികം വില വരും. … Read more

ഡബ്ലിനിലെ ജയിലിൽ 6,000 യൂറോയുടെ മയക്കുമരുന്ന് ജീൻസിൽ തുന്നിപ്പിടിപ്പിച്ച നിലയിൽ; കണ്ടെത്തിയത് അത്യാധുനിക ഉപകരണങ്ങളുടെ സഹായത്തോടെ എന്നും ജയിൽ അധികൃതർ

ഡബ്ലിനിലെ വീറ്റ്ഫീൽഡ് ജയിലിൽ (Wheatfield Prison) തടവുകാരന് നൽകാനായി എത്തിച്ച ഒരു ജീൻസിനുള്ളിൽ തുന്നിച്ചേർത്ത നിലയിൽ 6,000 യൂറോ വിലമതിക്കുന്ന ഹെറോയിൻ പിടികൂടി. ജയിലുകളിലേക്ക് നിരോധിത വസ്തുക്കൾ കടത്തുന്നത് തടയുന്നതിനായി ഐറിഷ് പ്രിസൺ സർവീസ് (ഐപിഎസ്) അത്യാധുനിക സാങ്കേതിക വിദ്യകളും കർശനമായ സുരക്ഷാ സംവിധാനങ്ങളും ഏർപ്പെടുത്തിയതിന്റെ ഫലമായാണ് ഈ കണ്ടെത്തൽ ഉണ്ടായതെന്ന് അധികൃതർ അറിയിച്ചു. ഈ ആഴ്ച മാത്രം വീറ്റ്ഫീൽഡ് ജയിലിൽ നടത്തിയ വിവിധ പരിശോധനകളിൽ മൊബൈൽ ഫോണുകളും മയക്കുമരുന്നും ഉൾപ്പെടെ നിരവധി വസ്തുക്കൾ പിടിച്ചെടുത്തിട്ടുണ്ട്. ഇതിനുപുറമെ, … Read more

ഡബ്ലിനിൽ 188,000 യൂറോയും, മയക്കുമരുന്നുമായി ഒരാൾ പിടിയിൽ

കൗണ്ടി ഡബ്ലിനിലെ സ്വോര്‍ഡ്‌സില്‍ 188,000 യൂറോ പണവും, മയക്കുമരുന്നുമായി ഒരാള്‍ പിടിയില്‍. പ്രദേശത്തെ വീടുകളില്‍ ഗാര്‍ഡ നടത്തിയ പരിശോധനയിലാണ് 40-ലേറെ പ്രായമുള്ള പ്രതി, 188,450 യൂറോ പണവും, ലഹരിമരുന്നായ കൊക്കെയ്‌നുമായി അറസ്റ്റിലായത്. ഒപ്പം തെളിവ് സംബന്ധിയായ മറ്റ് ചിലതും ഗാര്‍ഡ് പിടിച്ചെടുത്തിട്ടുണ്ട്. അറസ്റ്റിലായ പ്രതിയെ വെള്ളിയാഴ്ച കോടതിയില്‍ ഹാജരാക്കി. കേസില്‍ അന്വേഷണം തുടരുകയാണ്.

മയക്കുമരുന്ന് കടത്താൻ വാഹനങ്ങളിൽ പ്രത്യേക അറകൾ നിർമ്മിക്കുന്ന സംവിധാനം കണ്ടെത്തി ഗാർഡ; 3 കൗണ്ടികളിലെ റെയ്ഡിൽ പിടിച്ചെടുത്തത് 1.6 മില്യൺ യൂറോയുടെ ലഹരി

ഡബ്ലിൻ, വിക്ലോ (Wicklow), മീത്ത് (Meath) എന്നീ മൂന്ന് കൗണ്ടികളിലായി ഗാർഡ നടത്തിയ വൻ റെയ്ഡിൽ 1.6 മില്യൺ യൂറോയിലധികം (ഏകദേശം 14 കോടിയിലധികം രൂപ) വിലവരുന്ന മയക്കുമരുന്നും 89,500 യൂറോ പണവും പിടിച്ചെടുത്തു. സംഘടിത കുറ്റകൃത്യങ്ങൾക്കും മയക്കുമരുന്ന് കടത്തിനുമെതിരെ 2026 മാർച്ച് 3, 4 തീയതികളിൽ നടത്തിയ ഈ ഓപ്പറേഷന്റെ ഭാഗമായി 27 ഇടങ്ങളിലാണ് ഗാർഡ പരിശോധന നടത്തിയത്. മയക്കുമരുന്ന് കടത്താനായി വാഹനങ്ങളിൽ രഹസ്യ അറകൾ നിർമ്മിക്കുന്ന അത്യാധുനിക സംവിധാനങ്ങളും പരിശോധനയിൽ കണ്ടെത്തി. ബ്ലെസിംഗ്ടണിൽ (Blessington) … Read more

താലയിൽ വാനിൽ കടത്തുകയായിരുന്ന 700,000 യൂറോയുടെ കഞ്ചാവ് പിടികൂടി

ഡബ്ലിനിലെ താലയില്‍ 36.5 കിലോഗ്രാം കഞ്ചാവുമായി ഒരാള്‍ പിടിയില്‍. ഇന്റലിജന്‍സ് വിവരത്തെ തുടര്‍ന്ന് ഗാര്‍ഡ നാഷണല്‍ ഡ്രഗ്‌സ് ആന്‍ഡ് ഓര്‍ഗനൈസ്ഡ് ക്രൈം ബ്യൂറോ (GNDOCB), റവന്യൂ കസ്റ്റംസുമായി ചേര്‍ന്ന് വെള്ളിയാഴ്ച നടത്തിയ ഓപ്പറേഷനിലാണ് വാനില്‍ കടത്തുകയായിരുന്ന 700,000 യൂറോ വിലവരുന്ന കഞ്ചാവ് പിടികൂടിയത്. തുടര്‍പരിശോധനയില്‍ 30,000 യൂറോ വിലയുള്ള ഹെര്‍ബല്‍ കഞ്ചാവും പിടികൂടി. സംഭവത്തില്‍ 30-ലേറെ പ്രായമുള്ള ഒരു പുരുഷനെ ഗാര്‍ഡ അറസ്റ്റ് ചെയ്തിട്ടുണ്ട്. പിടിച്ചെടുത്ത മയക്കുമരുന്ന് ഫോറന്‍സിക് പരിശോധനയ്ക്ക് അയയ്ക്കും.

തായ്‌ലൻഡിൽ നിന്നും ഡബ്ലിൻ എയർപോർട്ടിൽ വിമാനമിറങ്ങിയ ആൾ കഞ്ചാവുമായി അറസ്റ്റിൽ

ഡബ്ലിന്‍ എയര്‍പോര്‍ട്ടില്‍ 183,000 യൂറോയുടെ കഞ്ചാവുമായി എത്തിയ ചെറുപ്പക്കാരന്‍ അറസ്റ്റില്‍. വെള്ളിയാഴ്ചയാണ് തായ്‌ലന്‍ഡില്‍ നിന്നും വിമാനമിറങ്ങിയ 20-ലേറെ പ്രായമുള്ള പുരുഷന്റെ ബാഗില്‍ നിന്നും പരിശോധനയ്ക്കിടെ 9.2 കിലോഗ്രാം കഞ്ചാവ് കണ്ടെടുത്തത്. വായു കടക്കാത്ത തരത്തില്‍ ബാഗില്‍ ഒളിപ്പിച്ച നിലയിലായിരുന്നു ഇത്. അറസ്റ്റിലായ ഇയാളെ പിന്നീട് കോടതിയില്‍ ഹാജരാക്കി. മയക്കുമരുന്ന് ഫോറന്‍സിക് പരിശോധനയ്ക്കായി അയച്ചിരിക്കുകയാണ്.

കാർലോയിൽ 1.7 മില്യൺ ഹെറോയിനുമായി ഒരാൾ അറസ്റ്റിൽ

1.7 മില്യണോളം വിലവരുന്ന ഹെറോയിനുമായി സ്ത്രീ അറസ്റ്റില്‍. ഞായറാഴ്ച കാര്‍ലോയില്‍ ഒരു വാഹനം തടഞ്ഞുനിര്‍ത്തി പരിശോധിച്ചതില്‍ നിന്നുമാണ് ഗാര്‍ഡ ആദ്യഘട്ടത്തില്‍ 136,000 യൂറോ വിലവരുന്ന കഞ്ചാവ് പിടികൂടിയത്. പിന്നീട് നടന്ന തുടര്‍പരിശോധനകളില്‍ കാര്‍ലോ ടൗണിലെ ഒരു വീട്ടില്‍ നിന്നും 12 കിലോഗ്രാം ഹെറോയിനും കണ്ടെടുക്കുകയായിരുന്നു. മറ്റ് ചില മയക്കുമരുന്നുകളും ഒപ്പം പിടിച്ചെടുത്തിട്ടുണ്ട്. ഹെറോയിന്റെ മാത്രം വിപണിവില 1.68 മില്യണ്‍ യൂറോ വരും. സംഭവത്തില്‍ 30-ലേറെ പ്രായമുള്ള ഒരു സ്ത്രീയെ അറസ്റ്റ് ചെയ്തിട്ടുണ്ട്.

ഡബ്ലിനിൽ വീണ്ടും മയക്കുമരുന്ന് വേട്ട; 3.4 മില്യന്റെ മരുന്നുകൾ പിടിച്ചെടുത്തത് വ്യാപാര സ്ഥാപനങ്ങളിൽ നിന്ന്

ഡബ്ലിനിൽ 3.4 മില്യൺ യൂറോയുടെ മയക്കുമരുന്ന് വേട്ട. താല ഡിസ്ട്രിക്റ്റ് ഡ്രഗ്സ് യൂണിറ്റിലെ അംഗങ്ങളാണ് ഓപ്പറേഷൻ താരയുടെ ഭാഗമായി ജനുവരി 28 ബുധനാഴ്ച വിവിധ വ്യാപാര സ്ഥാപനങ്ങളിൽ നടത്തിയ പരിശോധനകളിൽ നിരോധിക്കപ്പെട്ട മരുന്നായ ബെൻസോഡിയാസെപൈൻ ഗുളികകൾ കണ്ടെടുത്തത്. സംഭവത്തിൽ ആരെയും അറസ്റ്റ് ചെയ്തിട്ടില്ല. പിടിച്ചെടുത്ത മയക്കുമരുന്നുകൾ ഫോറൻസിക് വിശകലനത്തിനായി അയച്ചിട്ടുണ്ട്. അന്വേഷണം തുടരുകയാണെന്ന് ഗാർഡ പറഞ്ഞു.

അയർലണ്ടിൽ വമ്പൻ മയക്കുമരുന്ന് വേട്ട; പിടികൂടിയത് 10 മില്യൺ യൂറോയുടെ കഞ്ചാവ്

കൗണ്ടി ലൂവിൽ വെള്ളിയാഴ്ച നടന്ന വമ്പൻ മയക്കുമരുന്ന് വേട്ടയിൽ 506 കിലോഗ്രാം കഞ്ചാവ് പിടികൂടി. സംഭവത്തിൽ മൂന്ന് രണ്ട് ചെറുപ്പക്കാരും ഒരു മദ്ധ്യവയസ്കനും അറസ്റ്റിലായിട്ടുമുണ്ട്. പിടികൂടിയ കഞ്ചാവിന് വിപണിയിൽ ഏകദേശം 10.12 മില്യൺ യൂറോ വില വരും. ഗാർഡ നാഷണൽ ഡ്രഗ്സ് ആൻഡ് ഓർഗനൈസ്ഡ് ക്രൈം ബ്യൂറോയും റവന്യൂ കസ്റ്റംസ് സർവീസും സംയുക്തമായാണ് ഓപ്പറേഷൻ നടത്തിയത്. അന്വേഷണം തുടരുകയാണ്.