DRUGS

കൗണ്ടി ലൂവിൽ 768,000 യൂറോയുടെ കഞ്ചാവ് വേട്ട; 3 അറസ്റ്റ്

കൗണ്ടി ലൂവില്‍ 768,000 യൂറോ വിലവരുന്ന കഞ്ചാവ് പിടികൂടി. തിങ്കളാഴ്ച Castlebellingham-ല്‍ നടത്തിയ പരിശോധനയിലാണ് 80,000 യൂറോ വിലവരുന്ന കഞ്ചാവ് ചെടികളും, ഇതിന് പുറമെ 28 കിലോഗ്രാം കഞ്ചാവ് ഹെര്‍ബും കണ്ടെടുത്തത്. ഇതിന് 580,000 യൂറോ വിലവരും. Dundalk-ല്‍ നടത്തിയ മറ്റൊരു പരിശോധനയില്‍ 8,000 യൂറോയുടെ കഞ്ചാവ് ചെടികളും പിടിച്ചെടുത്തു. ഒപ്പം 100,000 യൂറോയുടെ കഞ്ചാവ് ഹെര്‍ബും പിടിച്ചെടുത്തു. സംഭവങ്ങളില്‍ മൂന്ന് പുരുഷന്മാരെ ഗാര്‍ഡ അറസ്റ്റ് ചെയ്ത് ചോദ്യം ചെയ്യുകയാണ്.

മീത്തിൽ 1 മില്യൺ യൂറോ വിലവരുന്ന കഞ്ചാവ് പിടികൂടി

കൗണ്ടി മീത്തിൽ 1 മില്യൺ യൂറോ വിലവരുന്ന കഞ്ചാവ് പിടികൂടി. Ashbourne എ ലെ ഒരു വെയർഹൗസിൽ ഗാർഡ നടത്തിയ പരിശോധനയിലാണ് വൻ കഞ്ചാവ് ശേഖരം കണ്ടെത്തിയത്. പിടിച്ചെടുത്ത കഞ്ചാവ് ഫോറൻസിക് പരിശോധനയ്ക്ക് അയച്ച ഗാർഡ, സംഭവത്തിൽ ആരെയും ഇതുവരെ അറസ്റ്റ് ചെയ്തിട്ടില്ല.

ഡബ്ലിനിൽ 1.7 മില്യൺ യൂറോയുടെ മയക്കുമരുന്നുകളുമായി രണ്ട് പേർ പിടിയിൽ

ഡബ്ലിനില്‍ 1.7 മില്യണ്‍ യൂറോയുടെ മയക്കുമരുന്നുകളുമായി രണ്ട് പുരുഷന്മാര്‍ അറസ്റ്റില്‍. ചൊവ്വാഴ്ച രാത്രി 8 മണിയോടെ സ്വോര്‍ഡ്‌സില്‍ രണ്ട് വാഹനങ്ങള്‍ തടഞ്ഞ് പരിശോധിക്കവേയാണ് ഗാര്‍ഡ ആറ് കിലോഗ്രാം കൊക്കെയ്ന്‍, 65 കിലോഗ്രാം കഞ്ചാവ് എന്നിവ കണ്ടെടുത്തത്. മയക്കുമരുന്നുകള്‍ക്ക് പുറമെ അവ മിക്‌സ് ചെയ്യാനുള്ള സാധനങ്ങളും കണ്ടെടുത്തിട്ടുണ്ട്. ഒപ്പം 100,000 യൂറോയും, മൂന്ന് ആഡംബര കാറുകളും ഗാര്‍ഡ പിടിച്ചെടുത്തു. 40-ലേറെ പ്രായമുള്ള ഒരു പുരുഷനും, 50-ലേറെ പ്രായമുള്ള മറ്റൊരു പുരുഷനുമാണ് അറസ്റ്റിലായത്. ഇവരെ ഡബ്ലിനിലെ ഒരു ഗാര്‍ഡ സ്റ്റേഷനില്‍ … Read more

ഡബ്ലിനിൽ പ്രായപൂർത്തിയാകാത്ത ആൾ അടക്കം 3 പേർ കഞ്ചാവുമായി അറസ്റ്റിൽ

ഡബ്ലിനില്‍ തിങ്കാളാഴ്ച ഗാര്‍ഡ നടത്തിയ രണ്ട് വ്യത്യസ്ത ഓപ്പറേഷനുകളിലായി 30.5 കിലോഗ്രാം കഞ്ചാവ് പിടികൂടി. ആദ്യ ഓപ്പറേഷനില്‍ 27 കിലോഗ്രാം കഞ്ചാവുമായി 30-ലേറെ പ്രായമുള്ള ഒരു പുരുഷനാണ് പിടിയിലായത്. ഇയാള്‍ നിലവില്‍ സ്റ്റേഷന്‍ കസ്റ്റഡിയിലാണ്. രണ്ടാമത്തെ സംഭവത്തില്‍ 24-കാരനും, ഒപ്പം പ്രായപൂര്‍ത്തിയാകാത്ത മറ്റൊരാളും 3.5 കിലോഗ്രാം കഞ്ചാവുമായി അറസ്റ്റിലായി. ഇരുവരെയും ചോദ്യം ചെയ്തുവരികയാണ്. പിടിച്ചെടുത്ത കഞ്ചാവിന് ആകെ 6 ലക്ഷം യൂറോയിലധികം വിലവരും.

ലിമറിക്കിലെ വീട്ടിൽ കഞ്ചാവ് ഫാക്ടറി; ഗാർഡ നടത്തിയ റെയ്ഡിൽ 4 പേർ പിടിയിൽ

ലിമറിക്ക് നഗരത്തില്‍ കഞ്ചാവ് ഫാക്ടറി റെയ്ഡ് ചെയ്ത് ഗാര്‍ഡ. വെള്ളിയാഴ്ചയാണ് Treaty City-യിലുള്ള Clare Street-ലെ ഒരു വീട്ടില്‍ നടത്തിവന്ന ഫാക്ടറി, പ്ലാന്‍ഡ് ഓപ്പറേഷനിലൂടെ റെയ്ഡ് ചെയ്ത ഗാര്‍ഡ 300,000 യൂറോ വിലവരുന്ന കഞ്ചാവും, കഞ്ചാവ് ചെടികളും പിടിച്ചെടുത്തത്. ഒപ്പം 10,000 യൂറോ പണവും പിടിച്ചെടുത്തു. Limerick Divisional Drug Unit, Garda Regional Armed Support unit (ASU) എന്നിവരാണ് ഓപ്പറേഷനില്‍ പങ്കെടുത്തത്. 15 കിലോഗ്രാം കഞ്ചാവും, 30 കഞ്ചാവ് ചെടികളും ഓപ്പറേഷനില്‍ കണ്ടെടുത്തു. വീട്ടിലുണ്ടായിരുന്ന … Read more

ഗോൾവേയിൽ 9 ലക്ഷം യൂറോയുടെ കഞ്ചാവുമായി 2 പേർ അറസ്റ്റിൽ; നടത്തിവന്നത് കഞ്ചാവ് കൃഷി

ഗോള്‍വേ സിറ്റിയില്‍ 890,000 യൂറോ വിലവരുന്ന കഞ്ചാവും, കഞ്ചാവ് ചെടികളുമായി രണ്ട് പുരുഷന്മാര്‍ അറസ്റ്റില്‍. വെള്ളിയാഴ്ച രാവിലെ ഇവിടെയുള്ള ഒരു കെട്ടിടത്തില്‍ ഗാര്‍ഡ നടത്തിയ ഓപ്പറേഷനിലാണ് വന്‍ കഞ്ചാവ് ശേഖരം പിടികൂടിയത്. ഇവിടെ കഞ്ചാവ് കൃഷി നടത്തിവരികയായിരുന്നു പ്രതികള്‍. അറസ്റ്റിലായ രണ്ട് പേര്‍ക്കും 20-ന് മേല്‍ പ്രായമുണ്ട്. ഇവരെ നിലവില്‍ ഗാര്‍ഡ സ്റ്റേഷനില്‍ ചോദ്യം ചെയ്തുവരികയാണ്. അന്വേഷണം പുരോഗമിക്കുകയാണെന്നും ഗാര്‍ഡ അറിയിച്ചു.

റോസ്‌കോമണിലെ വീട്ടിൽ 7 ലക്ഷം യൂറോയുടെ കഞ്ചാവ് ശേഖരം; 3 പേർ പിടിയിൽ

കൗണ്ടി റോസ്‌കോമണില്‍ 700,000 യൂറോയുടെ കഞ്ചാവുമായി മൂന്ന് പേര്‍ പിടിയില്‍. ചൊവ്വാഴ്ച വൈകിട്ട് 3.30-ഓടെ ഗാര്‍ഡ നടത്തിയ ഓപ്പറേഷനിലാണ് Loughglynn-ലെ ഒരു വീട്ടില്‍ നിന്നും വന്‍ കഞ്ചാവ് ശേഖരം പിടികൂടിയത്. 30-ന് മേല്‍ പ്രായമുള്ള മൂന്ന് പുരുഷന്മാരാണ് ഇവിടെ നിന്നും അറസ്റ്റിലായത്. പല വീടുകളിലും കഞ്ചാവ് കൃഷി നടത്തുന്നതായി വിവരം ലഭിച്ചതിനെത്തുടര്‍ന്ന് ഗാര്‍ഡ നടത്തിവരുന്ന ഓപ്പറേഷന്റെ ഭാഗമായായിരുന്നു പരിശോധന. അറസ്റ്റിലായവരെ ചോദ്യം ചെയ്തുവരികയാണെന്ന് ഗാര്‍ഡ അറിയിച്ചു.

ഡബ്ലിൻ തുറമുഖത്ത് എത്തിച്ച വാനിൽ 1.1 മില്യൺ യൂറോയുടെ കഞ്ചാവ്; ഒരാൾ അറസ്റ്റിൽ

1.1 മില്യണ്‍ യൂറോ വില വരുന്ന ഹെര്‍ബല്‍ കഞ്ചാവുമായി ഡബ്ലിന്‍ തുറമുഖത്ത് ഒരാള്‍ അറസ്റ്റില്‍. ഡിറ്റക്ടര്‍ ഡോഗായ ജെയിംസിന്റെ സഹായത്തോടെ ബുധനാഴ്ചയാണ് മയക്കുമരുന്ന് കണ്ടെടുത്തത്. യു.കെയില്‍ നിന്നും തുറമുഖം വഴി എത്തിയ ഒരു വാന്‍ പരിശോധിച്ചപ്പോഴായിരുന്നു 55.3 കിലോഗ്രാം മയക്കുമരുന്ന് ഒളിപ്പിച്ചതായി കണ്ടെത്തിയത്. വാനില്‍ കുപ്പികളില്‍ സൂക്ഷിച്ച വെള്ളം, ഗാര്‍ഡന്‍ ഫര്‍ണ്ണിച്ചര്‍ എന്നിവയ്ക്കിടയില്‍ പൊതിഞ്ഞ നിലിലായിരുന്നു ഇവ. സംഭവസ്ഥലത്ത് നിന്നും 50-ലേറെ പ്രായമുള്ള ഒരാളെ ഗാര്‍ഡ അറസ്റ്റ് ചെയ്തിട്ടുണ്ട്. രാജ്യത്തേയ്ക്കുള്ള മയക്കുമരുന്ന് കടത്ത് തടയുക ലക്ഷ്യമിട്ട് റവന്യൂ … Read more

ഡബ്ലിനിൽ 70,000 യൂറോയുടെ കഞ്ചാവ്, കൊക്കെയ്ൻ, മെത്താഫെറ്റമിൻ എന്നിവയുമായി ഒരാൾ പിടിയിൽ

ഡബ്ലിനില്‍ 70,000 യൂറോയുടെ മയക്കുമരുന്നുകളുമായി ഒരു പുരുഷന്‍ അറസ്റ്റില്‍. വെസ്റ്റ് ഡബ്ലിനിലെ Ballyfermot-ലുള്ള വീട്ടില്‍ വെള്ളിയാഴ്ച നടത്തിയ പരിശോധനയിലാണ് കഞ്ചാവ് റെസിന്‍, മെത്താഫെറ്റമിന്‍, കൊക്കെയ്ന്‍ എന്നീ മയക്കുമരുന്നുകള്‍ ഗാര്‍ഡ പിടിച്ചെടുത്തത്. കണക്കില്‍ പെടാത്ത കുറച്ച് പണവും കണ്ടെടുത്തിട്ടുണ്ട്. അറസ്റ്റിലായ ആള്‍ക്ക് 50-ലേറെ പ്രായമുണ്ട്. സംഭവത്തില്‍ വിശദാന്വേഷണം നടക്കുകയാണ്.

ഡബ്ലിൻ എയർപോർട്ടിൽ 16.5 കിലോ കഞ്ചാവുമായി ചെറുപ്പക്കാരൻ അറസ്റ്റിൽ

ഡബ്ലിന്‍ എയര്‍പോര്‍ട്ടില്‍ 330,000 യൂറോയുടെ കഞ്ചാവുമായി ചെറുപ്പക്കാരന്‍ അറസ്റ്റില്‍. ഞായറാഴ്ച വിമാനത്തില്‍ എയര്‍പോര്‍ട്ടില്‍ വന്നിറങ്ങിയ യാത്രക്കാരന്റെ ബാഗ് പരിശോധിച്ചപ്പോഴാണ് 16.5 കിലോഗ്രാം ഹെര്‍ബല്‍ കഞ്ചാവ് കണ്ടെടുത്തതായി റവന്യൂ ഓഫിസര്‍മാര്‍ അറിയിച്ചത്. കൗമാരപ്രായം കഴിഞ്ഞ പ്രതിയെ ഡബ്ലിനിലെ ഗാര്‍ഡ സ്റ്റേഷനില്‍ ചോദ്യം ചെയ്തശേഷം കോടതിയില്‍ ഹാജരാക്കി. കേസില്‍ തുടരന്വേഷണം നടക്കുകയാണെന്ന് ഗാര്‍ഡ അറിയിച്ചു.