ECONOMY

യുഎസിന്റെ 20% നികുതിനയത്തിൽ മരുന്നുകൾ ഇല്ല; ഐറിഷ് ഫാർമസ്യൂട്ടിക്കൽ മേഖലയ്ക്ക് താൽക്കാലിക ആശ്വാസം

യുഎസിന്റെ പുതിയ നികുതി നയത്തില്‍ നിന്നും അയര്‍ലണ്ടിന്റെ ഫാര്‍മസ്യൂട്ടിക്കല്‍ മേഖലയ്ക്ക് താല്‍ക്കാലികാശ്വാസം. അയര്‍ലണ്ട് അടക്കമുള്ള യൂറോപ്യന്‍ യൂണിയന്‍ രാജ്യങ്ങളില്‍ നിന്നുമുള്ള ഇറക്കുമതിക്ക് ഏപ്രില്‍ 5 മുതല്‍ 10% നികുതി ഏര്‍പ്പെടുത്തുമെന്നാണ് യുഎസ് ബുധനാഴ്ച വ്യക്തമാക്കിയത്. ഏപ്രില്‍ 9 മുതല്‍ മറ്റ് ചില തെരഞ്ഞെടുക്കപ്പെട്ട ഉല്‍പ്പന്നങ്ങള്‍ക്ക് ‘പകരത്തിന് പകരമായി’ മറ്റൊരു 10% അധികനികുതി കൂടി ഏര്‍പ്പെടുത്തുമെന്നും യുഎസ് പ്രസിഡന്റ് ഡോണള്‍ഡ് ട്രംപ് വ്യക്തമാക്കിയിട്ടുണ്ട്. അതേസമയം ഈ നികുതിയില്‍ നിലവില്‍ ഫാര്‍മസ്യൂട്ടിക്കല്‍, സെമികണ്ടക്ടര്‍ ഉല്‍പ്പന്നങ്ങള്‍ ഉള്‍പ്പെടുത്തിയിട്ടില്ല എന്നതാണ് അയര്‍ലണ്ടിന് ആശ്വാസകരമായിരിക്കുന്നത്. … Read more

അയർലണ്ടിൽ പണപ്പെരുപ്പം തുടരുന്നു; ഒരു വർഷത്തിനിടെ വർദ്ധന 1.8%

അയര്‍ലണ്ടില്‍ പണപ്പെരുപ്പം തുടരുന്നതായി വ്യക്തമാക്കി Central Statistics Office (CSO) റിപ്പോര്‍ട്ട്. 2025 ഫെബ്രുവരി വരെയുള്ള 12 മാസങ്ങള്‍ക്കിടെ രാജ്യത്ത് ജീവിതച്ചെലവ് വര്‍ദ്ധിച്ചത് 1.8% ആണ്. അതേസമയം ജനുവരി വരെയുള്ള 12 മാസത്തെ പണപ്പെരുപ്പം 1.9% ആയിരുന്നു എന്നതിനാല്‍ ഇക്കാര്യത്തില്‍ നേരിയ കുറവ് വന്നു എന്ന് കരുതാവുന്നതാണ്. European Central Bank-ന്റെ ലക്ഷ്യമായിരുന്ന 2 ശതമാനത്തിന് താഴെ രാജ്യത്തെ പണപ്പെരുപ്പം പിടിച്ചുനിര്‍ത്താനായി എന്നതും നേട്ടമാണ്. 2022 ഒക്ടോബറില്‍ 9.2% വരെയുള്ള വമ്പന്‍ പണപ്പെരുപ്പത്തിനാണ് രാജ്യം സാക്ഷ്യം വഹിച്ചിരുന്നത്. … Read more

പുതുവർഷത്തിൽ അയർലണ്ടിന്റെ ടാക്സ് വരുമാനം കുതിച്ചുയർന്നു; ആദ്യ 2 മാസങ്ങളിൽ 12% വർദ്ധന

2025-ലെ ആദ്യ രണ്ട് മാസങ്ങളിലായി ടാക്‌സ് ഇനത്തില്‍ ഐറിഷ് സര്‍ക്കാരിന് ലഭിച്ചത് 13.5 ബില്യണ്‍ യൂറോ. 2024-ലെ ആദ്യ രണ്ട് മാസങ്ങളെക്കാള്‍ 12.1% വര്‍ദ്ധനയാണ് ടാക്‌സ് വരുമാനത്തില്‍ ഉണ്ടായിരിക്കുന്നത്. യൂറോപ്യന്‍ യൂണിയന്റെ കോര്‍ട്ട് ഓഫ് ജസ്റ്റിസ് വിധിപ്രകാരം ആപ്പിള്‍ കമ്പനിയില്‍ നിന്നും അയര്‍ലണ്ടിന് ലഭിക്കുന്ന 1.7 ബില്യണ്‍ യൂറോ ഒഴിവാക്കിയുള്ള തുകയാണിത്. ഈ വര്‍ഷം ലഭിച്ച ആകെ ടാക്‌സ് വരുമാനത്തില്‍ 5.7 ബില്യണ്‍ യൂറോ ഇന്‍കം ടാക്‌സ് ഇനത്തിലാണ്. 5.8% ആണ് മുന്‍ വര്‍ഷം ഇതേ കാലയളവിനെ … Read more

രൂപയ്‌ക്കെതിരെ യൂറോയ്ക്ക് സർവകാല റെക്കോർഡ്; വിനിമയനിരക്ക് 94 രൂപ കടന്നു

ഇന്ത്യന്‍ രൂപയ്ക്ക് എതിരെ യൂറോയ്ക്ക് റെക്കോര്‍ഡ് വിനിമയ നേട്ടം. രൂപയുമായുള്ള യൂറോയുടെ വിനിമയനിരക്ക് ഇന്ന് (2025 മാര്‍ച്ച് 6) സര്‍വ്വകാല റെക്കോര്‍ഡായ 94 രൂപ കടന്നു. നിലവില്‍ 1 യൂറോയ്ക്ക് 94.0860 രൂപ എന്നതാണ് വിനിമയനിരക്ക്.

അയർലണ്ടിൽ ടാക്സ് വരുമാനം വർദ്ധിച്ചു; സമ്പദ് വ്യവസ്ഥ ശക്തമെന്ന് ധനകാര്യ മന്ത്രി

അയര്‍ലണ്ടിന്റെ ടാക്‌സ് വരുമാനം സെപ്റ്റംബര്‍ അവസാനം വരെയുള്ള കണക്കനുസരിച്ച് 68.2% ബില്യണ്‍ യൂറോ ആണെന്ന് ധനകാര്യവകുപ്പ്. 2023-ലെ സമാനകാലയളവിനെ അപേക്ഷിച്ച് ടാക്‌സ് വരുമാനത്തില്‍ 6.8 ബില്യണ്‍ യൂറോ (11%) വര്‍ദ്ധനയുണ്ടായെന്നും റിപ്പോര്‍ട്ട് വ്യക്തമാക്കുന്നു. ഇന്‍കം ടാക്‌സ് വരുമാനം 1.6 ബില്യണ്‍ വര്‍ദ്ധിച്ച് (7.1%) 24.8 ബില്യണ്‍ യൂറോയും, VAT റവന്യൂ 1.2 ബില്യണ്‍ വര്‍ദ്ധിച്ച് (7.0%), 17.9 ബില്യണും, കോര്‍പ്പറേഷന്‍ ടാക്‌സ് 3.4 ബില്യണ്‍ വര്‍ദ്ധിച്ച് (23.3%) 17.8 ബില്യണ്‍ യൂറോ ആയതായും ധനകാര്യവകുപ്പ് അറിയിച്ചു. 2024 … Read more

അയർലണ്ടിൽ ഊർജ്ജവില കുറഞ്ഞു; ഭക്ഷ്യ, ഗതാഗത ചെലവ് കൂടി

അയര്‍ലണ്ടിലെ പണപ്പെരുപ്പം കുറഞ്ഞു. ജൂലൈ വരെയുള്ള ഒരു വര്‍ഷത്തിനിടെ പണപ്പെരുപ്പം 1.1% ആയാണ് കുറഞ്ഞത്. അതേസമയം അയര്‍ലണ്ടിന്റെ EU Harmonised Index of Consumer Prices (HICP) ഓഗസ്റ്റ് വരെയുള്ള 12 മാസത്തിനിടെ 1.1% വര്‍ദ്ധിച്ചിട്ടുമുണ്ട്. ജൂലൈ മുതല്‍ ഓഗസ്റ്റ് വരെയുള്ള ഒരു മാസത്തിനിടെ 0.1% ആണ് വര്‍ദ്ധന. ജൂലൈ വരെയുള്ള 12 മാസത്തിനിടെ 1.5% ആയിരുന്നു HICP വര്‍ദ്ധന. ഓഗസ്റ്റ് വരെയുള്ള 12 മാസങ്ങള്‍ക്കിടെ ഊര്‍ജ്ജവില 9.5% കുറഞ്ഞിട്ടുണ്ട് എന്നത് ആശ്വാസകരമാണ്. അതേസമയം ഭക്ഷ്യവില 2% … Read more

അയർലണ്ടിൽ മിനിമം ശമ്പളം വർദ്ധിപ്പിച്ചേക്കും; മണിക്കൂറിന് 13.70 യൂറോ ആക്കാൻ ശുപാർശ

അയര്‍ലണ്ടിലെ തൊഴിലാളികള്‍ക്ക് പ്രതീക്ഷയുണര്‍ത്തിക്കൊണ്ട് വരുന്ന ബജറ്റില്‍ മിനിമം ശമ്പള വര്‍ദ്ധന ഉണ്ടായേക്കും. The Irish Independent റിപ്പോര്‍ട്ട് പ്രകാരം രാജ്യത്തെ മിനിമം ശമ്പളം നിലവിലെ 12.70 യൂറോയില്‍ നിന്നും ഒരു യൂറോ വര്‍ദ്ധിപ്പിച്ച് മണിക്കൂറിന് 13.70 യൂറോ ആക്കാന്‍ Low Pay Commission ശുപാർശ ചെയ്തിട്ടുണ്ട്. ഇത് പ്രാവര്‍ത്തികമായാല്‍ രാജ്യത്തെ 164,000 സാധാരണക്കാരായ തൊഴിലാളികള്‍ക്ക് വലിയ രീതിയില്‍ ഉപകാരപ്പെടും. അതേസമയം പണപ്പെരുപ്പത്തില്‍ ബുദ്ധിമുട്ടുന്ന ബിസിനസ് സ്ഥാപനങ്ങള്‍ക്ക് തീരുമാനം തിരിച്ചടിയാകുകയും ചെയ്യും. 2026-ഓടെ മിനിമം ശമ്പളം എടുത്തുമാറ്റി പകരമായി … Read more

അയർലണ്ടിലെ പണപ്പെരുപ്പം മാറ്റമില്ലാതെ തുടരുന്നു; പക്ഷെ ഗതാഗതച്ചെലവ് കുത്തനെ ഉയർന്നു

അയര്‍ലണ്ടിലെ വാര്‍ഷിക പണപ്പെരുപ്പം മാറ്റമില്ലാതെ തുടരുന്നു. സെന്‍ട്രല്‍ സ്റ്റാറ്റിസ്റ്റിക്‌സ് ഓഫിസിന്റെ (CSO) മെയ് മാസത്തെ റിപ്പോര്‍ട്ടില്‍ 2.6% ആണ് രാജ്യത്തെ പണപ്പെരുപ്പം. അതേസമയം ഒരു വര്‍ഷത്തിനിടെ ഏറ്റവുമധികം ചെലവ് വര്‍ദ്ധിച്ചത് ഗതാഗത മേഖലയിലാണെന്ന് റിപ്പോര്‍ട്ട് വ്യക്തമാക്കുന്നു. 6.7% ആണ് ഒരു വര്‍ഷത്തിനിടെയുള്ള ഗതാഗതച്ചെലവ് വര്‍ദ്ധന. റസ്റ്ററന്റ്, ഹോട്ടല്‍ മേഖലയാണ് പണപ്പെരുപ്പത്തിന്റെ കാര്യത്തില്‍ തൊട്ടുപിന്നില്‍ (4.7% വിലവര്‍ദ്ധന). പെട്രോള്‍, ഡീസല്‍ എന്നീ ഇന്ധനങ്ങളുടെ വിലവര്‍ദ്ധനയാണ് രാജ്യത്ത് ഗതാഗതച്ചെലവ് വര്‍ദ്ധിക്കാന്‍ കാരണമായിരിക്കുന്നത്. പെട്രോളിന് 14.5 ശതമാനവും, ഡീസലിന് 17.5 ശതമാനവുമാണ് … Read more

അയർലണ്ടിന്റെ സമ്പദ് വ്യവസ്ഥയിൽ 1.4% വളർച്ച; മുന്നോട്ടും പ്രതീക്ഷിക്കുന്നത് വലിയ തിരിച്ചുവരവ്

അയര്‍ലണ്ടിന്റെ പ്രാദേശിക സമ്പദ് വ്യവസ്ഥ 1.4% വളര്‍ച്ച പ്രാപിച്ചതായി സെന്‍ട്രല്‍ സ്റ്റാറ്റിസ്റ്റിക്‌സ് ഓഫിസ് (CSO). ഈ വര്‍ഷത്തെ ആദ്യ മൂന്ന് മാസങ്ങളിലെ കണക്കാണിത്. അതിന് മുമ്പുള്ള മൂന്ന് മാസങ്ങളുമായി താരതമ്യം ചെയ്യുമ്പോള്‍ (2023 ഒക്ടോബര്‍, നവംബര്‍, ഡിസംബര്‍) ഉണ്ടായിരിക്കുന്ന ഈ വര്‍ദ്ധന, കഴിഞ്ഞ രണ്ട് വര്‍ഷത്തിനിടെ സംഭവിക്കുന്ന ഏറ്റവും വലിയ പാദാനുപാദ വളര്‍ച്ചയാണെന്നും റിപ്പോര്‍ട്ട് വ്യക്തമാക്കുന്നു. രാജ്യത്തെ മള്‍ട്ടിനാഷണല്‍ കമ്പനികളുടെ എണ്ണം വളരെയധികമാണ് എന്നതിനാല്‍ gross domestic product (GDP) വച്ച് സമ്പദ് വ്യവസ്ഥയുടെ വളര്‍ച്ച കൃത്യമായി … Read more

അയർലണ്ടിലേക്ക് പുതിയൊരു വിദേശബാങ്ക് കൂടി; ഡെപ്പോസിറ്റ് അടക്കമുള്ള സേവനങ്ങളുമായി സ്പാനിഷ് ഗ്രൂപ്പായ Bankinter

അയര്‍ലണ്ടിലെ ബാങ്കിങ് മേഖലയിലേയ്ക്ക് പ്രവേശനം പ്രഖ്യാപിച്ച് സ്പാനിഷ് ഗ്രൂപ്പായ Bankinter. ഐറിഷ് പെര്‍മിറ്റ് കിട്ടും വരെ സ്പാനിഷ് ലൈസന്‍സ് ഉപയോഗിച്ച് ഡെപ്പോസിറ്റ് അടക്കമുള്ള സേവനങ്ങള്‍ രാജ്യത്ത് ലഭ്യമാക്കുമെന്ന് Bankinter അധികൃതര്‍ അറിയിച്ചു. നിലവില്‍ Avant Money എന്ന പേരില്‍ Bankinter, അയര്‍ലണ്ടിലെ ജനങ്ങള്‍ക്ക് മോര്‍ട്ട്‌ഗേജുകള്‍ നല്‍കിവരുന്നുണ്ട്. അതേസമയം പ്രവര്‍ത്തനമാരംഭിച്ചാലും ബാങ്കിന് ബ്രാഞ്ചുകള്‍ ഉണ്ടാകില്ല. പകരം ഡിജിറ്റല്‍ ആയാകും എല്ലാ ഇടപാടുകളും. അയര്‍ലണ്ടില്‍ Avant എന്ന പേരിലാകും ബ്രാഞ്ച് അറിയപ്പെടുക. ഡെപ്പോസിറ്റ് അടക്കമുള്ള സര്‍വീസുകളിലാണ് തുടക്കമെങ്കിലും പിന്നീട് മറ്റ് … Read more