Garda

ഡബ്ലിനിൽ സ്‌ഫോടക വസ്തുക്കളുമായി ഒരാൾ പിടിയിൽ

പടിഞ്ഞാറന്‍ ഡബ്ലിനില്‍ വാഹനത്തില്‍ സ്‌ഫോടകവസ്തുക്കളുമായി ഒരാള്‍ അറസ്റ്റില്‍. ഞായറാഴ്ച ഉച്ചയ്ക്ക് ശേഷം Ronanstown-ല്‍ ഗാര്‍ഡ ഒരു വാന്‍ നിര്‍ത്തി പരിശോധിക്കുന്നതിനിടെയാണ് നാല് സ്‌ഫോടകവസ്തുക്കള്‍ കണ്ടെടുത്തത്. 40-ലേറെ പ്രായമുള്ള ഒരു പുരുഷനെ സംഭവവുമായി ബന്ധപ്പെട്ട് ഗാര്‍ഡ ചോദ്യം ചെയ്തുവരികയാണ്. ആര്‍മി ബോംബ് സ്‌ക്വാഡ് സ്ഥലത്തെത്തി സ്‌ഫോടകവസ്തുക്കള്‍ സുരക്ഷിതമായി നീക്കം ചെയ്തു. തുടര്‍പരിശോധനയില്‍ ഒരു സ്‌ക്രാംബ്ലര്‍ ബൈക്കും, ചെറിയ അളവിലുള്ള കഞ്ചാവും ഗാര്‍ഡ കണ്ടെടുത്തിരുന്നു.

അയർലണ്ടിലെ ഗാർഡ സേനയിലേയ്ക്ക് 165 പേർ കൂടി; അംഗബലം 15,000 തികയ്ക്കുക ലക്ഷ്യം

അയര്‍ലണ്ടിലെ ഗാര്‍ഡ സേനയിലേയ്ക്ക് 165 പേരെ കൂടി ട്രെയിനിങ്ങിന് ശേഷം ഔദ്യോഗികമായി സ്വീകരിച്ചു. വെള്ളിയാഴ്ച നടന്ന അറ്റസ്‌റ്റേഷന്‍ ചടങ്ങില്‍ ഗാര്‍ഡ കമ്മിഷണര്‍ ഡ്രൂ ഹാരിസ് പുതിയ അംഗങ്ങളെ സ്വാഗതം ചെയ്തു. വൈകാതെ തന്നെ രാജ്യത്തെ ഗാര്‍ഡ സേനയിലെ അംഗങ്ങളുടെ എണ്ണം 15,000 എന്ന ലക്ഷ്യം കൈവരിക്കുമെന്ന പ്രതീക്ഷ ചടങ്ങില്‍ ഹാരിസ് പങ്കുവച്ചു. നീതിന്യായവകുപ്പ് മന്ത്രി ഹെലന്‍ മക്കന്റീയും ചടങ്ങില്‍ സന്നിഹിതയായിരുന്നു. ഈയിടെയാണ് ഗാര്‍ഡയില്‍ ചേരാനുള്ള പരമാവധി പ്രായം 35-ല്‍ നിന്നും 50 ആക്കി സര്‍ക്കാര്‍ ഉയര്‍ത്തിയത്. തുടര്‍ന്ന് … Read more

കോർക്കിൽ ചെറുപ്പക്കാരനായ ഷെഫ് കൊല്ലപ്പെട്ട സംഭവം; പ്രധാന പ്രതിയെ പിടികൂടി സായുധ ഗാർഡ സംഘം

കോര്‍ക്കില്‍ ചെറുപ്പക്കാരന്‍ ആക്രമണത്തില്‍ കൊല്ലപ്പെട്ട സംഭവത്തില്‍ പ്രധാന പ്രതിയെന്ന് സംശയിക്കുന്നയാള്‍ ഗാര്‍ഡയുടെ പിടിയില്‍. വെള്ളിയാഴ്ച രാത്രി Cork Armed Support Unit (ASU) നടത്തിയ ഓപ്പറേഷനിലാണ് കൗണ്ടി വാട്ടര്‍ഫോര്‍ഡിലെ ഗ്രാമമായ Cappoquin-ല്‍ ഒളിച്ചുകഴിയുകയായിരുന്ന പ്രതിയെ പിടികൂടിയത്. മാര്‍ച്ച് 15-നാണ് കോര്‍ക്കിലെ Cobh-ല്‍ ഷെഫ് ആയി ജോലി ചെയ്തുന്ന Ian Baitson (33) കൊല്ലപ്പെട്ടത്. വാള്‍ പോലുള്ള ആയുധം കൊണ്ട് കാലിന് വെട്ടേറ്റതിനെത്തുടര്‍ന്നുണ്ടായ ഗുരുതര പരിക്കാണ് മരണത്തിലേയ്ക്ക് നയിച്ചത്. രാത്രി 9 മണിയോടെ Newtown-ലെ ഒരു പാര്‍ക്കിങ് സ്‌പേസില്‍ … Read more

ലിമറിക്കിൽ ഗാർഡ റെയ്ഡ്; പൈപ്പ് ബോംബും, മയക്കുമരുന്നും പിടിച്ചെടുത്തു

ലിമറിക്ക് സിറ്റിയില്‍ വെള്ളിയാഴ്ച ഗാര്‍ഡ നടത്തിയ റെയ്ഡില്‍ പൈപ്പ് ബോംബും, മയക്കുമരുന്നും, പണവും പിടിച്ചെടുത്തു. മയക്കുമരുന്ന് വിതരണവും, വില്‍പ്പനയും തടയുക ലക്ഷ്യമിട്ട് St Mary’s Park, Kings Island പ്രദേശങ്ങളിലെ ഏഴിടങ്ങളില്‍ നടത്തിയ പരിശോധനകളില്‍ ആഡംബര വാച്ചുകളും പിടികൂടിയിട്ടുണ്ട്. ഗാര്‍ഡ സായുധസേന, ഡോഗ് യൂണിറ്റ് എന്നിവയുടെ സഹായത്തോടെ 80 ഗാര്‍ഡകളാണ് പരിശോധനയില്‍ പങ്കെടുത്തത്. പ്രദേശത്തെ ഒരു വീട്ടില്‍ നിന്നുമായിരുന്നു പൈപ്പ് ബോംബ് കണ്ടെടുത്തത്. തുടര്‍ന്ന് ബോംബ് സ്‌ക്വാഡ് സ്ഥലത്തെത്തുകയും, പരിശോധനയ്ക്ക് ശേഷം പ്രദേശം സുരക്ഷിതമാണെന്ന് അറിയിക്കുകയും ചെയ്തു. … Read more

കോർക്കിൽ അജ്ഞാതരുടെ ആക്രമണം; യുവാവിന് ഗുരുതര പരിക്ക്

കൗണ്ടി കോര്‍ക്കിലെ Cobh-ല്‍ യുവാവിന് നേരെ അജ്ഞാതരുടെ ആക്രമണം. ഗുരുതരമായി പരിക്കേറ്റ 30-ലേറെ പ്രായമുള്ള ഇദ്ദേഹം നിലവില്‍ Cork University Hospital-ല്‍ ചികിത്സയിലാണ്. ഇക്കഴിഞ്ഞ വെള്ളിയാഴ്ച രാത്രി 8.55-ഓടെ Newtown Road-ലെ ഒരു കാര്‍ പാര്‍ക്കില്‍ വച്ചാണ് ഇദ്ദേഹത്തെ അജ്ഞാതര്‍ ആക്രമിച്ചത്. സംഭവത്തില്‍ ഇതുവരെ ആരെയും അറസ്റ്റ് ചെയ്തിട്ടില്ല. അതേസമയം വെള്ളിയാഴ്ച (മാര്‍ച്ച് 15) രാത്രി 8.45-നും 9.15-നും ഇടയ്ക്ക് Newtown Road വഴി യാത്ര ചെയ്തിരുന്ന ആര്‍ക്കെങ്കിലും ഇതുമായി ബന്ധപ്പെട്ട വല്ല അറിവും ഉണ്ടെങ്കില്‍ തങ്ങളുമായി … Read more

ഡബ്ലിനിൽ വീടിന് തീപിടിച്ചു; മനഃപൂർവം തീവച്ചതെന്ന സംശയത്തിൽ ഗാർഡ

പടിഞ്ഞാറന്‍ ഡബ്ലിനിലുള്ള വീട്ടില്‍ തീ പടര്‍ന്നതില്‍ സംശയം പ്രകടിപ്പിച്ച് ഗാര്‍ഡ. തിങ്കളാഴ്ച പുലര്‍ച്ചെ 5 മണിയോടെയാണ് Newcastle-ലെ Aylmer Drive പ്രദേശത്തെ ഒരു വീട്ടില്‍ തീ പടര്‍ന്നത്. വീട്ടിലുണ്ടായിരുന്ന നാല് പേരെ പുറത്തെത്തിക്കുകയും, ആശുപത്രിയിലേയ്ക്ക് മാറ്റുകയും ചെയ്തിട്ടുണ്ട്. ഇവരുടെ പരിക്കുകള്‍ ഗുരുതരമല്ല. വീടും പ്രദേശവും സീല്‍ ചെയ്ത ഗാര്‍ഡ, വിദഗ്ദ്ധ പരിശോധന നടത്തും. അതേസമയം വീടിന് തീവെച്ചതാണ് എന്ന സംശയത്തിലാണ് അന്വേഷണം പുരോഗമിക്കുന്നത്.

കെറിയിൽ മോഷണശ്രമത്തിനിടെ സ്ത്രീക്ക് അക്രമിയുടെ കുത്തേറ്റു; ഒരാൾ പിടിയിൽ

കൗണ്ടി കെറിയില്‍ മോഷണശ്രമത്തിനിടെ അക്രമി സ്ത്രീയെ കുത്തിപ്പരിക്കേല്‍പ്പിച്ചു. തിങ്കളാഴ്ച രാവിലെയാണ് Castleisland-ലെ ഒരു വീട്ടില്‍ സംഭവം നടന്നത്. വീട്ടില്‍ നടന്ന കൊള്ള തടയുന്നതിനിടെ സ്ത്രീക്ക് കുത്തേല്‍ക്കുകയായിരുന്നുവെന്നാണ് കരുതുന്നത്. നിലവില്‍ University Hospital Kerry-യില്‍ ചികിത്സയിലാണ് 30-ലേറെ പ്രായമുള്ള ഇവര്‍. പരിക്ക് ഗുരുതരമല്ലെന്നാണ് വിവരം. അതേസമയം സംഭവത്തില്‍ 40-ലേറെ പ്രായമുള്ള ഒരു പുരുഷനെ ഗാര്‍ഡ അറസ്റ്റ് ചെയ്തിട്ടുണ്ട്. ഇയാളെ ചോദ്യം ചെയ്തുവരികയാണ്.

ഡബ്ലിൻ എയർപോർട്ടിൽ 16.5 കിലോ കഞ്ചാവുമായി ചെറുപ്പക്കാരൻ അറസ്റ്റിൽ

ഡബ്ലിന്‍ എയര്‍പോര്‍ട്ടില്‍ 330,000 യൂറോയുടെ കഞ്ചാവുമായി ചെറുപ്പക്കാരന്‍ അറസ്റ്റില്‍. ഞായറാഴ്ച വിമാനത്തില്‍ എയര്‍പോര്‍ട്ടില്‍ വന്നിറങ്ങിയ യാത്രക്കാരന്റെ ബാഗ് പരിശോധിച്ചപ്പോഴാണ് 16.5 കിലോഗ്രാം ഹെര്‍ബല്‍ കഞ്ചാവ് കണ്ടെടുത്തതായി റവന്യൂ ഓഫിസര്‍മാര്‍ അറിയിച്ചത്. കൗമാരപ്രായം കഴിഞ്ഞ പ്രതിയെ ഡബ്ലിനിലെ ഗാര്‍ഡ സ്റ്റേഷനില്‍ ചോദ്യം ചെയ്തശേഷം കോടതിയില്‍ ഹാജരാക്കി. കേസില്‍ തുടരന്വേഷണം നടക്കുകയാണെന്ന് ഗാര്‍ഡ അറിയിച്ചു.

അയർലണ്ട് മന്ത്രി മേരി ബട്ട്ലറിന്റെ കാറിന്റെ ടയർ കുത്തിക്കീറി; അന്വേഷണം ആരംഭിച്ച് ഗാർഡ

അയര്‍ലണ്ടിന്റെ ആരോഗ്യവകുപ്പ് സഹമന്ത്രിയായ മേരി ബട്ട്‌ലറിന്റെ കാറിന് നേരെ ആക്രമണം നടത്തിയ സംഭവത്തില്‍ അന്വേഷണമാരംഭിച്ച് ഗാര്‍ഡ. വാട്ടര്‍ഫോര്‍ഡ് സിറ്റിയിലെ Baker Street-ല്‍ വച്ച് വെള്ളിയാഴ്ച ഉച്ചയ്ക്ക് ശേഷമാണ് സംഭവം നടന്നത്. പ്രദേശത്ത് നിര്‍ത്തിയിട്ടിരുന്ന കാറിന്റെ ഒരു ടയര്‍ കുത്തിക്കീറിയ നിലയിലാണ് കാണപ്പെട്ടത്. അതേസമയം ഇവിടെ നിര്‍ത്തിയിട്ടിരുന്ന മറ്റ് കാറുകള്‍ക്ക് നേരെയൊന്നും തന്നെ അക്രമങ്ങള്‍ നടക്കാതിരുന്നതാണ്, ഇത് മന്ത്രിയെ ലക്ഷ്യമിട്ടാണ് എന്ന് ചിന്തിക്കാന്‍ പ്രേരിപ്പിക്കുന്നത്. സിസിടിവി അടക്കമുള്ളവ ഗാര്‍ഡ പരിശോധിച്ച് വരികയാണ്. പ്രദേശത്തെ O’Connell Street-ല്‍ ഒരു പരിപാടിയില്‍ … Read more

സഹായം ചോദിച്ചെത്തിയ ഇയു ഇതര പൗരത്വം ഉള്ളവർക്ക് നേരെ ലൈംഗികാതിക്രമം; മുൻ ഗാർഡ ഉദ്യോഗസ്ഥന് തടവുശിക്ഷ

വിസ സംബന്ധിച്ച സഹായങ്ങള്‍ക്കായി സമീപിച്ച രണ്ട് ഇയു ഇതര പൗരത്വം ഉള്ളവര്‍ക്ക് നേരെ ലൈംഗികാതിക്രമം നടത്തിയ മുന്‍ ഗാര്‍ഡ ഇമിഗ്രേഷന്‍ ഉദ്യോഗസ്ഥന് തടവുശിക്ഷ. റോസ്‌കോമണിലെ ഗാര്‍ഡ സ്‌റ്റേഷനില്‍ ജോലി ചെയ്തിരുന്ന John Egan (61) എന്നയാള്‍ക്കാണ് റോസ്‌കോമണ്‍ സര്‍ക്യൂട്ട് ക്രിമിനല്‍ കോടതി വെള്ളിയാഴ്ച ശിക്ഷ വിധിച്ചത്. കൗണ്ടി മേയോയിലെ Knock-ലുള്ള Drum സ്വദേശിയായ പ്രതി, 2015 ഫെബ്രുവരി 14-നാണ് വിസ സംബന്ധിച്ച് സഹായം തേടി വന്ന രണ്ട് സ്ത്രീകളില്‍ ഒരാളെ ലൈംഗികമായി ആക്രമിച്ചത്. ഇക്കാലത്ത് സ്റ്റേഷനില്‍ ഇമിഗ്രേഷന്‍ … Read more