Saturday, May 30, 2020

യാക്കോബായ സുറിയാനി ഓര്‍ത്തഡോക്‌സ് സഭയുടെ ഈ വര്‍ഷത്തെ കുടുംബസംഗമം സെപ്റ്റംബര്‍ 27,28 ,29 തിയ്യതികളില്‍ നടക്കും

Updated on 23-09-2019 at 1:06 pm

Share this news

ഡബ്ലിന്‍: അയര്‍ലണ്ടിലെ യാക്കോബായ സുറിയാനി ഓര്‍ത്തഡോക്ള്‍സ് സഭയുടെ ഫാമിലി കോണ്‍ഫറന്‍സ് ഡബ്ലിനിലുള്ള സെന്റ് .വിന്‍സെന്റ്‌സ് കാസില്‍നോക്ക് കോളേജ് കാമ്പസില്‍ വച്ച് സെപ്റ്റംബര്‍ 27,28 ,29 തിയ്യതികളിലായി നടത്തപ്പെടുന്നു.

സെപ്റ്റംബര്‍ 27 വെള്ളിയാഴ്ച വൈകിട്ട് 5 .00 മണിക്ക് കൊടിയേറ്റിനും 5.30 ന് സന്ധ്യാനമസ്‌കാരത്തിനു ശേഷം ഉദ്ഘാടന സമ്മേളനത്തോടെ ആരംഭിച്ച് സെപ്റ്റംബര്‍ 30 ഞായറാഴ്ച രാവിലെ 9.30 ന് അര്‍പ്പിക്കപ്പെടുന്ന വി .കുര്‍ബ്ബാനാനന്തരം, റാലിയോടും, സമാപനസമ്മേളനത്തോടും കൂടി പര്യവസാനിക്കത്തക്ക വിധത്തിലാണ് ക്രമീകരണങ്ങള്‍ ചെയ്തുവരുന്നത് .

ഈ കൂടിവരവിന്റെ മുഖ്യ ചിന്താ വിഷയം ‘ദൈവത്തോടൊപ്പം നടക്കുക ‘ (ഉല്പത്തി 5 :24 )എന്നതാണ് . ഇടവക മെത്രാപോലീത്ത അഭി .ഡോ.മാത്യൂസ് മോര്‍ അന്തിമോസ് തിരുമനസ്സിന്റെ മഹനീയ സാന്നിധ്യവും ഭദ്രാസനത്തിലെ ബഹു. വൈദീകരുടെ നേതൃത്വവും കൂടാതെ മുഖ്യ ചിന്താ വിഷയത്തെ അധികരിച്ചു ബഹു .വിജി വര്‍ഗിസ് ഈപ്പന്‍ അച്ഛന്‍ (CSI ഇടവക ഡബ്ലിന്‍ ) ക്ലാസ്സുകള്‍ക്ക് നേതൃത്വം നല്‍കുന്നതായിരിക്കും

വെള്ളി, ശനി ദിവസങ്ങളിലായി മുതിര്‍ന്നവര്‍ക്കും, യുവജനങ്ങള്‍ക്കും സണ്‍ഡേ സ്‌കൂള്‍ കുട്ടികള്‍ക്കും തരംതിരിച്ചുള്ള ക്ലാസുകള്‍, ബൈബിള്‍ ക്വിസ്, ബൈബിള്‍ റഫറന്‍സ് മത്സരങ്ങള്‍, ചിന്താ വിഷയത്തെ ആസ്പദമാക്കിയുള്ള സംവാദങ്ങള്‍ എന്നിവക്ക് പുറമെ സണ്‍ഡേ സ്‌കൂള്‍ കുട്ടികളുടെ കൃസ്തീയ ഗാനമേളയും വാദ്യോപകരണമേളയും , വിവിധയിനം കലാപരിപാടികള്‍ തുടങ്ങിയ ഇനങ്ങളും ഈ വര്‍ഷത്തെ കുടുംബസംഗമത്തില്‍ ക്രമീകരിച്ചിട്ടുണ്ട് .

ഭദ്രാസന തലത്തിലും, ഇടവകതലത്തിലും വിവിധ കമ്മിറ്റികള്‍ രൂപീകരിച്ച് ഫാമിലി കോണ്‍ഫറന്‍സ് അനുഗ്രഹകരമാക്കുന്നതിനുള്ള പ്രവര്‍ത്തനങ്ങള്‍ പുരോഗമിക്കുന്നതായി സെക്രട്ടറി ഫാ .ബിജു മത്തായി പാറേക്കാട്ടില്‍ ട്രസ്റ്റീ അഡ്വ. ബിനു ബി .അന്തിനാട്ടു എന്നിവര്‍ അറിയിച്ചു.

comments


 

Other news in this section
WhatsApp chat