മുംബൈ: മഹാരാഷ്ട്ര ജലസേചന മന്ത്രി ബാബന് റാവു ലോണികറിന്റെ ഭാര്യാ സഹോദരന് കൃഷിനാശത്തെ തുടര്ന്ന് ജീവനൊടുക്കി. കൈലാഷ് ബാലസാഹിബ് ഖിസ്തെ(45)യാണ് ജീവനൊടുക്കിയത്. വന് കടക്കെണിയും തുടര്ച്ചയായ വിളനഷ്ടവുമാണ് ആത്മഹത്യയിലേക്കു നയിച്ചതെന്നാണ് റിപ്പോര്ട്ട്. ബാങ്കില്നിന്നു വായ്പയെടുത്ത് 15 ഏക്കര് സ്ഥലത്തു കൃഷിയിറക്കിയ കൈലാഷ് ബാലസാഹിബിന് തുടര്ച്ചയായ നാലാം വര്ഷവും കൃഷിനാശം നേരിട്ടു. ഇത് ജീവനൊടുക്കാന് കാരണമായതായി കുടുംബാംഗങ്ങള് പറയുന്നു. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു.