തിരുവനന്തപുരം: പതിന്നാലാം കേരള നിയമസഭയുടെ പ്രോട്ടെം സ്പീക്കറായി മുന് മന്ത്രി എസ്.ശര്മ ഇന്ന് സത്യപ്രതിജ്ഞ ചെയ്യും. രാവിലെ 10ന് രാജ്ഭവനിലാണ് സത്യപ്രതിജ്ഞ. പ്രോട്ടെം സ്പീക്കര്ക്ക് മുന്നിലാണ് എം.എല്.എ.മാര് സത്യപ്രതിജ്ഞ ചെയ്യേണ്ടത്. ജൂണ് രണ്ടിനാണിത്. ജൂണ് മൂന്നിന് സ്പീക്കറുടെ തെരഞ്ഞെടുപ്പ് നടത്തേണ്ടതും പ്രോട്ടെം സ്പീക്കറാണ്. പി.ശ്രീരാമകൃഷ്ണനെയാണ് എല്.ഡി.എഫ്. സ്പീക്കര് സ്ഥാനത്തേക്ക് നിശ്ചയിച്ചിട്ടുള്ളത്.