സ്വന്തം അമ്മയുടെയും അമ്മൂമ്മയുടെയും ആദ്യ വിമാനയാത്രയില് പൈലറ്റാവാന് ഭാഗ്യം ലഭിച്ച ചെന്നൈ സ്വദേശിയുടെ വീഡിയോ ദൃശ്യങ്ങള് സോഷ്യല് മീഡിയയില് വൈറലാവുകയാണ്. ചെന്നൈയില് നിന്ന് സിംഗപ്പൂരിലേക്കുള്ള ഇന്റിഗോ വിമാനം പുറപ്പെടുന്നതിനുമുന്പ് പൈലറ്റ് പ്രദീപ് കൃഷ്ണന് ഇരുവരുടെയും അടുത്തെത്തി പാദം തൊട്ട് നമസ്കരിക്കുന്ന ദൃശ്യങ്ങള് സുഹൃത്താണ് ഫേസ്ബുക്കില് പങ്കുവെച്ചത്.
സഹോദരിക്കൊപ്പമാണ് പ്രദീപിന്റെ അമ്മയും അമ്മൂമ്മയും സിംഗപ്പൂരിലേക്ക് പോകാന് വിമാനത്തില് കയറിയത്. മൂവരുടെയും ആദ്യ വിമാനയാത്ര കൂടിയായിരുന്നു ഇത്. മകന് പറത്തുന്ന വിമാനത്തില് തന്നെ ആദ്യമായി യാത്ര ചെയ്യണമെന്നായിരുന്നു ഇവരുടെ ആഗ്രഹം. യാത്രക്കാര്ക്കിടയിലൂടെ പൈലറ്റ് ഇവരുടെ അടുത്തേക്ക് വരുന്നതും പാദം തൊട്ട് വന്ദിച്ചശേഷം യാത്ര തുടങ്ങാനായി കോക്പിറ്റിലേക്ക് പോകുന്നതും വീഡിയോയില് കാണാം. സ്വപ്ന സാക്ഷാത്കാരമെന്ന കുറിപ്പോടെയാണ് സുഹൃത്ത് വീഡിയോ ഷെയര് ചെയ്തിരിക്കുന്നത്.