ബേസല് : ഇന്ത്യയുടെ ബാഡ്മിന്റണ് താരം പി.വി സിന്ധുവിന് ലോക ബാഡ്മിന്റണ് ചാംപ്യന്ഷിപ്. ലോക മൂന്നാം നമ്പര് ജപ്പാന്റെ നൊസോമി ഒകുഹാരയെയാണ് ഫൈനലില് സിന്ധു നിഷ്പ്രയാസം കീഴടക്കിയത് (21-7, 21-7). ഇത് തുടര്ച്ചയായ മൂന്നാം തവണയാണ് സിന്ധു ലോക ബാഡ്മിന്റണ് ചാമ്പ്യന്ഷിപ്പിന്റെ ഫൈനലില് കടക്കുന്നത്.
ഏകപക്ഷീയമായ സെമിയില് ഓള് ഇംഗ്ലണ്ട് ചാമ്പ്യന് ചെന് യു ഫീയെ 21-7, 21-14 എന്ന സ്കോറിനാണ് സിന്ധു തോല്പ്പിച്ചത്. മത്സരം നാല്പ്പത് മിനിറ്റില് അവസാനിച്ചു. ഏഴാം നമ്പറായ റാറ്റ്ചനോക്ക് ഇന്റാനോണിനെ ഒന്നിനെതിരെ രണ്ട് ഗെയിമുകള്ക്ക് തോല്പ്പിച്ചാണ് ഒകുഹാര ഫൈനലിലെത്തിയത്. ആദ്യമായി ലോക ബാഡ്മിന്റണ് ചാംപ്യന്ഷിപ് നേടുന്ന ഇന്ത്യന് താരം കൂടിയാണ് പി.വി സിന്ധു