ഹാരി പോർട്ടർ സിനിമകളിലെ റൂബിയസ് ഹാഗ്രിഡ് എന്ന കഥാപാത്രത്തെ അവതരിപ്പിച്ച് സിനിമാസ്വാദകരുടെ ഹൃദയം കീഴടക്കിയ നടൻ റോബി കോൾട്രെയ്ൻ അന്തരിച്ചു.
1950 ൽ സ്കോട്ട്ലൻഡിൽ ജനിച്ച റോബി കോൾട്രെയിൻ ജെയിംസ് ബോണ്ട് ചിത്രമായ ഗോൾഡൻ ഐ, ക്രാക്കർ, നാഷണൽ ട്രഷർ, ഫ്രം ഹെൽ എന്നി ചിത്രങ്ങളിലും ഇദ്ദേഹം പ്രധാന കഥാപാത്രത്തെ അവതരിപ്പിച്ചു..
ജെയിംസ് ബോണ്ട് ചിത്രങ്ങളിലൊന്നായ “ഗോൾഡൻ ഐ” യിലെ വാലന്റൈൻ സുക്കോവ്സ്കിയാണ് തൊണ്ണൂറുകളിൽ ചെയ്ത പ്രശസ്തമായ വേഷം.പിന്നീട് ഹാരി പോട്ടർ ചലച്ചിത്ര പരമ്പരയിലെ (2001 2011) റൂബിയസ് ഹാഗ്രിഡ് എന്ന പേരിൽ ലോകമെമ്പാടും അദ്ദേഹം ശ്രദ്ധ നേടി.
നാടകരംഗത്തെ അദ്ദേഹത്തിന്റെ സംഭാവനകൾ കണക്കിലെടുത്ത് എലിസബത്ത് രാജ്ഞി 2006 ലെ ന്യൂ ഇയർ ഓണേഴ്സിൽ അദ്ദേഹത്തെ OBE ആയി നിയമിച്ചു. 1990-ൽ കോൾട്രേണിന് ഈവനിംഗ് സ്റ്റാൻഡേർഡ് ബ്രിട്ടീഷ് ഫിലിം അവാർഡ് – കോമഡിക്കുള്ള പീറ്റർ സെല്ലേഴ്സ് അവാർഡ് ലഭിച്ചു. 2011-ൽ, ബ്രിട്ടീഷ് അക്കാദമി സ്കോട്ട്ലൻഡ് അവാർഡ്സിൽ ചലച്ചിത്രത്തിനുള്ള “മികച്ച സംഭാവനയ്ക്ക്” അദ്ദേഹത്തെ ആദരിച്ചു.
