ദിനംപ്രതി വർദ്ധിച്ചു വരുന്ന ജീവിത ചിലവുകൾ, താങ്ങാനാകാത്ത ബില്ലുകൾ, കുതിച്ചുയരുന്ന ഭവന വാടകകൾ, പൊതുസേവനങ്ങളുടെ കാര്യത്തിലെ നീണ്ട ലിസ്റ്റുകൾ, വംശീയ പ്രശ്നങ്ങൾ തുടങ്ങി അയർലണ്ടിലെ സാധാരണ ജനങ്ങളുടെ ദുരിത ജീവിതത്തിന് എതിരെ ശബ്ദമുയർത്താൻ അയര്ലന്ഡിലെ ഇടതുപക്ഷ സംഘടനകൾ ഒന്നിക്കുന്നു.
” Ireland for All-Diversity Not Division ” എന്ന മുദ്രാവാക്യവുമായി രാജ്യത്തെ ഇടതുപക്ഷ സംഘടനകൾ ഡബ്ലിനിലെ Parnell Square ൽ ശനിയാഴ്ച ( feb18 ന്) ഉച്ചയ്ക്ക്1.30 ന് സംഘടിപ്പിയ്ക്കുന്ന ഐക്യദാർഡ്യ പ്രകടനത്തിൽ അയര്ലന്ഡിലെ പ്രമുഖ ഇടതുപക്ഷ കൂട്ടായ്മയായ ക്രാന്ത്രിയും അണിചേരുമെന്ന് ഭാരവാഹികള് അറിയിച്ചു.
രാജ്യത്തെ വിവിധങ്ങളായ കമ്മ്യൂണിറ്റികൾ, വനിതാ ഗ്രൂപ്പുകൾ, ട്രേഡ് യൂണിയനുകൾ, LGBTQ+ സംഘടനകൾ, വികലാംഗ ഗ്രൂപ്പുകൾ, വംശീയ വിരുദ്ധ ഗ്രൂപ്പുകൾ, അഭയാർത്ഥി സംരക്ഷണ സംഘടനകൾ എന്നിങ്ങനെ എല്ലാ വിഭാഗത്തിലും പെട്ട ഇടതുപക്ഷ സംഘടനകൾ ഈ മാർച്ചിൽ പങ്കെടുക്കും.
ശനിയാഴ്ച നടക്കുന്ന ഐക്യദാർഡ്യ പ്രകടനത്തിലേക്ക് ക്രാന്തിയുടെ മുഴുവൻ അംഗങ്ങളേയും ക്ഷണിക്കുന്നതായി സംഘടന ഭാരവാഹികള് അറിയിച്ചിട്ടുണ്ട്.
ഇവന്റ് ലിങ്ക്
https://facebook.com/events/s/solidarity-march-ireland-for-a/3439577666322968/