ഗോള്‍വേയില്‍ വിവിധ കമ്പനികളിലായി 350-ലധികം തൊഴിവസരങ്ങള്‍. ഗോള്‍വേ സിറ്റി, കൗണ്ടികളിലായാണ് പ്രധാനമായും ഐടി വിദഗദ്ധര്‍ക്കായി നിരവധി തൊഴിലവസരങ്ങള്‍ ഇന്ന് കമ്പനികള്‍ പ്രഖ്യാപിക്കുക.
HP കംപ്യൂട്ടറുകളുടെ നിര്‍മ്മാതാക്കളായ Hewlett Packard Enterprise-ല്‍ 150 ജോലി ഒഴിവുകളാണ് ഉണ്ടാകുക. പ്രവര്‍ത്തനം വിപുലീകരിക്കുന്നതിന്റെ ഭാഗമായി ഗോള്‍വേയില്‍ പുതിയ Global Centre of Excellence നിര്‍മ്മിക്കുക വഴിയാണ് ഈ തൊഴിലവസരങ്ങള്‍ സൃഷ്ടിക്കുന്നത്.
സൈബര്‍ സെക്യൂരിറ്റി കമ്പനിയായ TitalHQ, 70 ജോലി ഒഴിവുകളാണ് ഇന്ന് പ്രഖ്യാപിക്കാന്‍ പോകുന്നത്. അടുത്ത രണ്ട് വര്‍ഷത്തിനിടെ ഈ ഒഴിവുകള്‍ നികത്താനാണ് പദ്ധതി.
മറ്റൊരു ഐറിഷ് ഐടി സേവനദാതാക്കളായ Nostra-യില്‍ 35 ജോലി ഒഴിവുകളാണ് ഉണ്ടാകുക. ഗോള്‍വേ സിറ്റിയില്‍ തുറക്കുന്ന പുതിയ ഓഫിസിലാണ് അവസരങ്ങള്‍.
മെഡിക്കല്‍ ഉപകരണങ്ങളുണ്ടാക്കുന്ന കമ്പനിയായ Freudenberg Medical-ഉം 100-ഓളം പേര്‍ക്ക് പുതുതായി ജോലി നല്‍കും. എഞ്ചിനീയറിങ്, റിസര്‍ച്ച് ആന്‍ഡ് ഡെവലപ്‌മെന്റ്, മാനുഫാക്ച്വറിങ് ഓപ്പറേഷന്‍സ്, ക്വാളിറ്റി, സപ്പോര്‍ട്ട് സര്‍വീസസ് എന്നീ മേഖലകളിലാണ് ഒഴിവുകള്‍ ഉണ്ടാകുക.
IDA, Enterprise Ireland, Údarás na Gaeltachta എന്നിവയുടെ പിന്തുണയോടെയാണ് കമ്പനികള്‍ പുതിയ തൊഴിലവസരങ്ങള്‍ പ്രഖ്യാപിക്കുന്നത്.
