Dublin, Louth, Meath, Wicklow കൗണ്ടികളില് യെല്ലോ റെയിന് വാണിങ് നല്കി കാലാവസ്ഥാ നിരീക്ഷണവകുപ്പ്. ഇന്ന് (വെള്ളി) പുലര്ച്ചെ 3 മണിക്ക് ആരംഭിച്ച മുന്നറിയിപ്പ് നാളെ (ശനി) പുലര്ച്ചെ 3 മണി വരെ തുടരും.
അതിശക്തമായ മഴയാണ് ഇവിടങ്ങളില് ഉണ്ടാകുകയെന്നും, അത് പിന്നീട് ഐസ് രൂപപ്പെടാനും, മഞ്ഞുവീഴ്ചയിലേയ്ക്ക് നയിക്കാനും കാരണമാകുമെന്നും വിദഗ്ദ്ധര് അറിയിച്ചു. പ്രാദേശികമായ വെള്ളപ്പൊക്കത്തിനും സാധ്യതയുണ്ട്.
യാത്രാക്ലേശം അനുഭവപ്പെടുമെന്നും, ഡ്രൈവര്മാര് റോഡില് അതീവജാഗ്രതയോടെ പെരുമാറണമെന്നും മുന്നറിയിപ്പില് പ്രത്യേകം ഓര്മ്മിപ്പിക്കുന്നുണ്ട്.