മൂല്യങ്ങള് തിരികെ കൊണ്ടുവരണമെന്ന് മാര്പ്പാപ്പ
വത്തിക്കാന്: ലാളിത്യത്തിന്റെയും എളിമയുടെയും സന്ദേശമാണ് ക്രിസ്തു നല്കിയതെന്നും ആ സന്ദേശങ്ങള് ഉള്ക്കൊണ്ട് ജീവിതത്തില് അഹന്ത വെടിഞ്ഞ് മൂല്യങ്ങള് മുറുകെ പിടിച്ച് മുന്നേറാനും ഫ്രാന്സിസ് മാര്പ്പാപ്പ ആഹ്വാനം ചെയ്തു. വത്തിക്കാനിലെ സെന്റ് പീറ്റേഴ്സ് ബസലിക്കയില് ക്രിസ്മസ് ദിനത്തില് പതിനാറായിരത്തോളം വിശ്വാസികള്ക്ക് സന്ദേശം നല്കി സംസാരിക്കുകയായിരുന്നു മാര്പ്പാപ്പ. ധൂര്ത്തടിച്ച് അമിതമായി ആഘോഷം നടത്തുന്ന ഒരു തലമുറയെ നമുക്ക് വേണ്ടെന്നും സാധാരണക്കാരായി പാവങ്ങളുടെ സന്തോഷത്തിലും ദുഖത്തിലും ഒരുപോലെ പങ്കുചേരുന്ന തലമുറയെയാണ് നമുക്ക് ആവശ്യമെന്നും മാര്പ്പാപ്പ പറഞ്ഞു. -എല്കെ-