CRIME

ഡബ്ലിന്‍ കൗണ്ടിയില്‍ കൊള്ളകള്‍ തടയുന്നതുമായി ബന്ധപ്പെട്ട് ഗാര്‍ഡ നടത്തിയ പരിശോധനകളില്‍ കഴിഞ്ഞ 24 മണിക്കൂറിനിടെ 20 പേര്‍ അറസ്റ്റിലായി. ഡബ്ലിനില്‍ നിന്നും പിടികൂടിയ ഇവരില്‍ നാല് പേര്‍ കൗമാരക്കാരാണ്. സമീപകാലങ്ങളിലായി കൗണ്ടിയില്‍ നടന്ന കൊള്ള, മോഷണം എന്നിവയുമായി ബന്ധപ്പെട്ടാണ് അറസ്റ്റുകള്‍. നോര്‍ത്ത് ഡബ്ലിനില്‍ നടന്ന ഓപ്പറേഷനിലാണ് 16 പേരെ അറസ്റ്റ് ചെയ്തത്. ഈസ്റ്റ് ഡബ്ലിനില്‍ ഇന്ന് രാവിലെ ഒരു കാര്‍ നിര്‍ത്തി പരിശോധിച്ചതില്‍ നിന്നും മൂന്ന് കൗമാരക്കാരെയും പിടികൂടി. ഇന്നലെ അറസ്റ്റിലായ മറ്റൊരു കൗമാരക്കാരനെ കുട്ടികളുടെ കോടതിയില്‍ … Read more

കോര്‍ക്കില്‍ കത്തികാട്ടി കൊള്ള നടത്തിയ ആള്‍ പിടിയില്‍. ചൊവ്വാഴ്ച ഉച്ചയ്ക്ക് ശേഷമാണ് കോര്‍ക്ക് സിറ്റിയിലെ Summerhill North-ലെ ഒരു കടയിലെത്തിയ പ്രതി കത്തികാട്ടി ജീവനക്കാരെ ഭീഷണിപ്പെടുത്തി പണം കൈക്കലാക്കിയത്. തുടര്‍ന്ന് ഗാര്‍ഡ പ്രതിയെ അറസ്റ്റ് ചെയ്യുകയായിരുന്നു. ഇയാളെ ഇന്ന് കോടതിയില്‍ ഹാജരാക്കും.

സൗത്ത് ഡബ്ലിനില്‍ സംഘടിതകുറ്റകൃത്യങ്ങളുമായി ബന്ധപ്പെട്ട് മൂന്ന് പേര്‍ അറസ്റ്റില്‍. ഗാര്‍ഡയുടെ Divisional Drugs Unit and Serious Crime Investigation Unit ആണ് മൂന്ന് പുരുഷന്മാരെ അറസ്റ്റ് ചെയ്തിരിക്കുന്നത്. മയക്കുമരുന്ന് കടത്തല്‍, അനധികൃതമായി പണം പലിശയ്ക്ക് കൊടുക്കല്‍, മയക്കുമരുന്നുമായി ബന്ധപ്പെട്ടുള്ള ഭീഷണിപ്പെടുത്തലുകള്‍ മുതലായവ സംഘടിതമായി നടത്തിവന്നവരെയാണ് അറസ്റ്റ് ചെയ്തിട്ടുള്ളത്. അറസ്റ്റിലായവരില്‍ ഒരാള്‍ക്ക് 60 വയസിലേറെ പ്രായമുണ്ട്. മറ്റ് രണ്ടുപേര്‍ ചെറുപ്പക്കാരാണ്. അഞ്ച് ദിവസത്തോളം നടത്തിയ ഓപ്പറേഷനിലാണ് അറസ്റ്റുകള്‍. പ്രതികളെ ചോദ്യം ചെയ്തുവരികയാണെന്നും, അന്വേഷണം തുടരുമെന്നും ഗാര്‍ഡ അറിയിച്ചു.

ഡബ്ലിനില്‍ സായുധ ഗാര്‍ഡ സംഘം നടത്തിയ തിരച്ചിലില്‍ പെട്രോള്‍ ബോംബുകളുമായി ഒരാള്‍ പിടിയില്‍. വടക്കന്‍ ഡബ്ലിനിലെ സംഘടിതകുറ്റകൃത്യങ്ങള്‍ തടയുന്നതുമായി ബന്ധപ്പെട്ട് നടന്നുവരുന്ന ഓപ്പറേഷന്റെ ഭാഗമായി തിങ്കളാഴ്ചയാണ് ഗാര്‍ഡ തിരച്ചില്‍ നടത്തിയത്. രാവിലെ 10.30-ഓടെ ഡബ്ലിന്‍ 13-ലെ Balgriffin-ലുള്ള ഒരു വീട്ടില്‍ നടത്തിയ പരിശോധനയില്‍ നിരവധി പെട്രോള്‍ ബോംബുകള്‍ കണ്ടെത്തുകയായിരുന്നു. Coolock Garda Station-ലെ ഉദ്യോഗസ്ഥര്‍ നടത്തിയ തിരച്ചിലിന് ഗാര്‍ഡ സായുധ സേന സഹായം നല്‍കി. സംഭവത്തില്‍ 20-ലേറെ പ്രായമുള്ള ഒരു പുരുഷനെ അറസ്റ്റ് ചെയ്തതായി ഗാര്‍ഡ അറിയിച്ചിട്ടുണ്ട്. … Read more

കൗണ്ടി വെക്‌സ്‌ഫോര്‍ഡില്‍ പുരുഷന്റെ മൃതദേഹം കണ്ടെത്തിയ സംഭവത്തില്‍ രണ്ട് പേര്‍ അറസ്റ്റില്‍. ഞായറാഴ്ച ഉച്ചയ്ക്ക് ശേഷമാണ് Shelmalier Commons-ല്‍ വച്ച് 20-ലേറെ പ്രായമുള്ള പുരുഷന്റെ മൃതദേഹം കണ്ടെത്തിയത്. സംഭവത്തില്‍ അന്വേഷണമാരംഭിച്ച ഗാര്‍ഡ 40-ലേറെ പ്രായമുള്ള ഒരു പുരുഷനെയും, 30-ലേറെ പ്രായമുള്ള ഒരു സ്ത്രീയെയും അറസ്റ്റ് ചെയ്തിട്ടുണ്ട്. അന്വേഷണം തുടരുകയാണ്.