യേശുവിന്റെ ഉയര്ത്തെഴുന്നേല്പ്പിന്റെ ഓര്മ്മ പുതുക്കി ക്രൈസ്തവ സമൂഹം ഇന്ന് ഈസ്റ്റര് ആഘോഷിക്കുന്നു. ദേവാലയങ്ങളില് പ്രത്യേക പ്രാര്ത്ഥനകള് നടക്കും. ഇതോടെ 50 നാള് നീണ്ട നോമ്പാചരണം സമാപിക്കും.
മരണത്തെ കീഴടക്കി യേശു ഉയിര്ത്തെഴുന്നേറ്റതിന്റെ ആഹ്ലാദവുമായി ദേവാലയങ്ങളില് ഉയിര്പ്പിന്റെ ശുശ്രൂഷകള് നടത്തും. ദിവ്യബലി, കുര്ബാന, ഉയിര്പ്പിന്റെ ശുശ്രൂഷ, ഉയിര്പ്പിന്റെ തിരുകര്മങ്ങള്, നമസ്കാരം എന്നിവ വിവിധ പള്ളികളില് നടക്കും.
തിരുവനന്തപുരത്ത് പാളയം സെന്റ് ജോസഫ് കത്തീഡ്രലില് നടന്ന ചടങ്ങുകള്ക്ക് ലത്തീന് കത്തോലിക്കാ ആര്ച്ച് ബിഷപ്പ് ഡോ.സൂസെപാക്ക്യം നേതൃത്വം നല്കി. കോഴിക്കോട്ടും വിവിധ ദേവാലയങ്ങളില് പ്രാര്ത്ഥനകള് നടന്നു. യേശുവിന്റെ ഉയിര്ത്തെഴുന്നേല്പ്പിന്റെ പ്രതീകമായി വിശ്വാസികള് മെഴുകുതിരികള് കത്തിച്ചു. കോഴിക്കോട് ദേവമാതാ പള്ളിയില് നടന്ന പാതിരാക്കുര്ബാനക്ക് അതിരൂപത ബിഷപ്പ് ഡോ.വര്ഗ്ഗീസ് ചക്കാലക്കല് നേതൃത്വം നല്കി.