ഡബ്ലിന്‍: ഇന്നലെ തകര്‍ത്തുപെയ്ത മഴയെ തുടര്‍ന്ന് റോഡ് ഗതാഗതം ഭാഗികമായി തടസപ്പെട്ടിരുന്നു. ഇന്നും രാജ്യത്തിന്റെ ചില ഭാഗങ്ങള്‍ ഗതാഗത യോഗ്യമല്ലെന്ന് എ എ റോഡ് വാച്ച് റിപ്പോര്‍ട്ട് ചെയുന്നു. കില്‍കെന്നി നഗരത്തില്‍ Circular road, Ardaloo road, Bleach road എന്നിവിടങ്ങളില്‍ വെള്ളം കെട്ടിക്കിടക്കുന്നുണ്ട്. ലീമെറിക്കില്‍ R506 വെള്ളക്കെട്ടിലകപ്പെട്ടു. Rosbrien road ഗതാഗത യോഗ്യമല്ലാത്തതിനാല്‍ അടച്ചിട്ടിരിക്കുകയാണ്. ടിപ്പററിയില്‍ Baltina മുതല്‍ Birdlinll road-ല്‍ കൂടി യാത്ര ചെയ്യാന്‍ കഴിയാത്ത സാഹചര്യമാണ് നിലനില്‍ക്കുന്നത്. ഡബ്ലിനില്‍ Fingal കൗണ്ടി കൗണ്‍സില്‍ മലഹേഡിനും, സ്വാഡിനും ഇടക്കുള്ള Estuary road അടക്കാന്‍ നിര്‍ദ്ദേശം നല്‍കി. പിന്നീട് ഇത് തുറന്നു കൊടുത്തെങ്കിലും വെള്ളക്കെട്ടിനെ തുടര്‍ന്ന് വാഹനങ്ങള്‍ കടന്നുപോകാന്‍ ബുദ്ധിമുട്ട് നേരിടുകയാണ്.
ഡികെ
