സിഡ്നി:പായ്വഞ്ചിയില് ഗോള്ഡന് ഗ്ലോബ് റേസ് മത്സരത്തില് പങ്കെടുക്കുന്നതിനിടെ അപകടത്തില്പ്പെട്ട മലയാളി നാവികന് അഭിലാഷ് ടോമിയില്നിന്ന് പുതിയ സന്ദേശങ്ങള് ലഭിച്ചുവെന്ന് ഗോള്ഡന് ഗ്ലോബ് റേസ് അധികൃതര്. താന് സുരക്ഷിതനാണെന്നും ജി പി എസ് സംവിധാനവും സാറ്റലൈറ്റ് ഫോണും പ്രവര്ത്തന ക്ഷമമാണെന്നും അഭിലാഷില് നിന്ന് പുതിയ സന്ദേശം ലഭിച്ചതായി അധികൃതര് അറിയിച്ചു. ഇന്ത്യന് മഹാസമുദ്രത്തില് ഓസ്ട്രേലിയയിലെ പെര്ത്തിനു പടിഞ്ഞാറു ഭാഗത്തുനിന്ന് മൂവായിരത്തോളം കിലോമീറ്റര് അകലെ വച്ചാണ് അഭിലാഷ് അപകടത്തില്പ്പെട്ടത്.
ROLLED. DISMASTED. SEVERE BACK INJURY. CANNOT GET UP. എന്നായിരുന്നു അഭിലാഷ് ടോമിയില് നിന്ന് ആദ്യം സന്ദേശം ലഭിച്ചത്. ഇതേത്തുടര്ന്ന് തിരച്ചിലാനായി ഓസ്ട്രേലിയ വിമാനങ്ങള് അയച്ചിരുന്നു. സമീപത്തെ എല്ലാ കപ്പലുകള്ക്കും അടിയന്തര സന്ദേശം അയച്ചതായും ഓസ്ട്രേലിയന് അധികൃതര് അറിയിച്ചു. ഇന്ത്യന് നാവിക സേനയും തിരച്ചില് ആരംഭിച്ചിട്ടുണ്ട്.
തൂരിയ എന്ന പായ്വഞ്ചിയിലാണ് അഭിലാഷ് സഞ്ചരിച്ചിരുന്നത്. അഭിലാഷ് എവിടെയാണുള്ളതെന്ന് സ്ഥിരീകരിക്കാനായിട്ടില്ല. അഭിലാഷിന് വേണ്ടിയുള്ള തിരച്ചില് പുരോഗമിക്കുകയാണ്. ശക്തമായ കാറ്റിലും ഉയര്ന്ന തിരമാലയിലും പെട്ടാണ് അഭിലാഷിന്റെയും റേസില് പങ്കെടുക്കുന്ന മറ്റു രണ്ടു നാവികരുടെയും പായ്വഞ്ചികള് അപകടത്തില്പ്പെട്ടത്.
പായ്വഞ്ചിയുടെ തൂണുകള് ഒടിഞ്ഞുവീണതിനെ തുടര്ന്ന് അഭിലാഷിന്റെ മുതുകിന് സാരമായി പരിക്കേറ്റെന്നുമാണ് ലഭിക്കുന്ന വിവരം. ഫ്രാന്സ് തീരത്തുനിന്ന് ജൂലായ് ഒന്നിനാണ് ഗോള്ഡന് ഗ്ലോബ് റേസ് ആരംഭിച്ചത്. വിവിധ രാജ്യങ്ങളില് നിന്നുള്ള 30 പേരാണ് ഗോള്ഡന് ഗ്ലോബ് റേസില് പങ്കെടുക്കുന്നത്. ആദ്യമായി പായ്വഞ്ചിയില് കടലിലൂടെ ലോകം ചുറ്റിയ സര് റോബിന് നോക്സ് ജോണ്സ്റ്റണിന്റെ ഐതിഹാസിക യാത്രയുടെ അമ്പതാം വാര്ഷികാഘോഷത്തിന്റെ ഭാഗമായാണ് ഗോള്ഡന് ഗ്ലോബ് റേസ് സംഘടിപ്പിക്കുന്നത്.
2013 ല് ആണ് നാവികസേനയില് ലഫ്. കമാന്ഡറായ അഭിലാഷ് തന്റെ അതിസാഹസികമായ ലോകസഞ്ചാരം പൂര്ത്തിയാക്കി ലോകത്തെ ഞെട്ടിച്ചത്. ആഴക്കടലിലൂടെ എങ്ങും തങ്ങാതെ ലോകം ചുറ്റുന്ന ആദ്യത്ത ഇന്ത്യക്കാരനായി അഭിലാഷ് ചരിത്രം കുറിച്ചു. 2012 നവംബറില് മുംബൈ തീരത്തു നിന്ന് ‘മാദേയി’ എന്ന പായ്വഞ്ചിയില് പുറപ്പെട്ട്, നാലു ലക്ഷത്തോളം കിലോമീറ്റര് പിന്നിട്ട് 2013 ഏപ്രില് ആറിന് മുബൈയില് തന്നെ തിരിച്ചെത്തി. ചങ്ങനാശ്ശേരി ചെത്തിപ്പുഴ സ്വദേശിയായ അഭിലാഷിന്റെ അച്ഛന് ചാക്കോ ടോമി വിരമിച്ച നാവികസേനാ ഉദ്യോഗസ്ഥനാണ്.
എ എം