ന്യൂഡല്‍ഹി : ഒറ്റ ആധികാരിക രേഖകൊണ്ട് പൗരന്മാര്‍ക്ക് എല്ലാ ആവശ്യവും നിറവേറുന്ന തരത്തിലുള്ള ഒരു ദേശീയ കാര്‍ഡ് എന്ന ആശയം വ്യക്തമാക്കി ആഭ്യന്തര മന്ത്രി അമിത് ഷാ. ആധാര്‍, പാസ്‌പോര്‍ട്ട്, ഡ്രൈവിങ് ലൈസന്‍സ്, ബാങ്ക് അക്കൗണ്ടുകള്‍, വോട്ടര്‍ കാര്‍ഡ് എന്നിവയുടെയെല്ലാം ഉപയോഗം ഈ ഒരു കാര്‍ഡ് കൊണ്ട് നടപ്പാക്കുകയാണ് ലക്ഷ്യം.
2021ലെ സെന്‍സസ് വിവരങ്ങള്‍ ഒരു മൊബൈല്‍ ആപ്ലിക്കേഷനിലൂടെ വേണം ശേഖരിക്കാനെന്നും അദ്ദേഹം പറഞ്ഞു. കൂടാതെ, മരണവിവരങ്ങള്‍ സെന്‍സസ് രേഖകളില്‍ അപ്പപ്പോള്‍ അപ്‌ഡേറ്റ് ചെയ്യുന്ന സംവിധാനം വരണമെന്ന ആശയവും അമിത് ഷാ പങ്കുവെച്ചു.
