സോഷ്യൽ ജസ്റ്റിസ് അയർലൻഡ് നിയോഗിച്ച ഈ വർഷത്തെ സുസ്ഥിര വികസന സൂചികയിൽ 15 യൂറോപ്യൻ യൂണിയൻ രാജ്യങ്ങളിൽ പത്താം സ്ഥാനത്താണ് അയർലൻഡ്.
സമ്പദ്വ്യവസ്ഥ, സമൂഹം, പരിസ്ഥിതി എന്നിവയെ അടിസ്ഥാനമാക്കി
യുഎന്നിന്റെ സുസ്ഥിര വികസന ലക്ഷ്യങ്ങൾ (എസ്ഡിജി)
കൈവരിച്ചതിൻ്റെ
സൂചിക രാജ്യങ്ങളെ റാങ്കുചെയ്യുന്നു.
പരിസ്ഥിതി സൂചികയിൽ അവസാനവും സമ്പദ്വ്യവസ്ഥയിൽ 11-ഉം സാമൂഹിക സൂചികയിൽ 7-ഉം സ്ഥാനമാണ് അയർലെൻ്റ് നേടിയത്. ഇതിന്റെ ഫലമായി മൊത്തം റാങ്കിംഗിങ്ങിൽ പത്താം സ്ഥാനത്താണ്.
ന്യൂയോർക്കിലെ സെന്റ് ജോൺസ് യൂണിവേഴ്സിറ്റിയിലെ പ്രൊഫ. ചാൾസ് ക്ലാർക്ക്, യൂണിവേഴ്സിറ്റി കോളേജ് കോർക്കിലെ (യുസിസി) ഡോ. കാതറിൻ കാവനാഗ്, കോർക്ക് ഇൻസ്റ്റിറ്റ്യൂട്ട് ഓഫ് ടെക്നോളജി (സിഐടി) ലെ നിയാം ലെനിഹാൻ എന്നിവരാണ് ഈ സൂചിക തയ്യാറാക്കിയത്.
മൊത്തത്തിലുള്ള സുസ്ഥിര പുരോഗതി സൂചികയിൽ ഗ്രീസ് അവസാനമാണ്. ഡെൻമാർക്കാണ് ഒന്നാം സ്ഥാനത്ത്. സ്വീഡൻ, നെതർലാന്റ്സ്, ഓസ്ട്രിയ, ഫിൻലാൻഡ് എന്നിവയാണ് തൊട്ടുപിന്നിൽ.
“ഞങ്ങൾ ഗൗരവമായി പ്രവർത്തിക്കാത്ത ചില മേഖലകളുണ്ട്”. ഇത് പരിഹരിക്കുന്നതിലൂടെ ഇനിയും മുന്നേറാൻ കഴിയുമെന്ന്
സോഷ്യൽ ജസ്റ്റിസ് അയർലണ്ടിന്റെ ചീഫ് എക്സിക്യൂട്ടീവ് ഡോ.സീൻ ഹീലി പറഞ്ഞു
സമ്പദ്വ്യവസ്ഥയുടെ കാര്യത്തിൽ, അയർലണ്ടിന്റെ ജിഡിപി (മൊത്ത ആഭ്യന്തര ഉത്പാദനം), ആളോഹരി വരുമാനം, തൊഴിലില്ലായ്മ എന്നിവ നല്ല സൂചികകളാണ്. കുറഞ്ഞ സ്കോറിംഗ് (15-ൽ 11)
സൂചിപ്പിക്കുന്നത് യുവാക്കളുടെയും യുവതികളുടെയും
കുറഞ്ഞ ശമ്പളം, തൊഴിൽ, വിദ്യാഭ്യാസം, പരിശീലനം എന്നിവയാണ്.
സാമൂഹ്യ സൂചികയിൽ, വിദ്യാഭ്യാസം, സമാധാനം, നീതി എന്നിവയുമായി ബന്ധപ്പെട്ട ലക്ഷ്യങ്ങളിൽ അയർലൻഡ് വളരെയധികം സ്കോർ ചെയ്യുന്നു, ദാരിദ്ര്യം, അസമത്വം, ലിംഗസമത്വം, ആരോഗ്യം, ക്ഷേമം എന്നിവ പ്രതിഫലിപ്പിക്കുന്നവയിൽ സാധ്യതക്കൊത്ത് ഉയരാൻ സാധിച്ചിട്ടില്ലെന്നും പഠനം വ്യക്തമാക്കുന്നു.