കൊറോണ വൈറസ് നിയന്ത്രണങ്ങൾ ലഘൂകരിക്കുന്നത് എല്ലാ മേഖലകളിലും പുനരുജ്ജീവനത്തിന് കാരണമായതിനാൽ 2020 മൂന്നാം പാദത്തിൽ ഐറിഷ് സമ്പദ്‌വ്യവസ്ഥ കുത്തനെ ഉയർന്നു റെക്കോർഡ് 11.1 ശതമാനം വളർച്ച രേഖപ്പെടുത്തി.
ഈ വളർച്ച 2020 ൽ ലോകത്തിലെ അതിവേഗം വളരുന്ന സമ്പദ്‌വ്യവസ്ഥയായി അയർലണ്ടിനെ മാറ്റുന്നുവെന്ന് ഗുഡ് ബോഡി സ്റ്റോക്ക് ബ്രോക്കർമാർ പറഞ്ഞു. ഐറിഷ് സമ്പദ്‌വ്യവസ്ഥ മൊത്ത ആഭ്യന്തര ഉൽപാദനത്തിൽ (ജിഡിപി) 2 ശതമാനം വളർച്ച നേടുമെന്ന് ഇപ്പോൾ പ്രതീക്ഷിക്കുന്നു.ചൈന ഒഴികെയുള്ള മിക്ക വ്യവസായ രാജ്യങ്ങളും ഈ വർഷം സാമ്പത്തിക ഞെരുക്കം അനുഭവിക്കുന്ന സമയത്താണ് അയർലൻഡിന് ഈ വളർച്ച കൈവരിക്കാൻ സാധിച്ചത് എടുത്തു പറയത്തക്ക കാര്യം തന്നെയാണ്.
സെൻട്രൽ സ്റ്റാറ്റിസ്റ്റിക്സ് ഓഫീസിലെ (സി‌എസ്‌ഒ) ഏറ്റവും പുതിയ ത്രൈമാസ ദേശീയ അക്കൗണ്ടുകളിൽ പ്രതീക്ഷിച്ചിരുന്ന വളർച്ചയിലും ശക്തമായ വളർച്ചയാണ് രാജ്യം കൈവരിച്ചിരിക്കുന്നത് . CSO കണക്കു പ്രകാരം രണ്ടാം പാദത്തിൽ 3.2 ശതമാനവും ആദ്യ പാദത്തിൽ 3.5 ശതമാനവും വളർച്ച കുറയുമെന്നായിരുന്നു.
ആഭ്യന്തര വിപണിയിൽ ശ്രദ്ധ കേന്ദ്രീകരിച്ച മേഖലകളിൽ സാമ്പത്തിക പ്രവർത്തനങ്ങൾ ഗണ്യമായി ഉയർന്നതായി കണക്കുകൾ വ്യക്തമാക്കുന്നു. നിർമ്മാണ പ്രവർത്തനങ്ങൾ 53 ശതമാനം ഉയർന്നു.(ഹെല്പ് ടു ബൈ സ്കീമിന് നന്ദി )
ആദ്യം ലോക്ക്ഡൗൺ വന്നപ്പോൾ സാരമായി ബാധിച്ച വിതരണ, ഗതാഗതം, ഹോട്ടലുകൾ, റെസ്റ്റോറൻറ് മേഖലയിലെ പ്രവർത്തനങ്ങൾ 46.9 ശതമാനം വർദ്ധിച്ചു.കൂടുതൽ ആഗോളവത്കൃത മേഖലകളിലും വളർച്ച തുടരുന്നു. ഫാർമ ആധിപത്യമുള്ള വ്യവസായ മേഖല 4.6 ശതമാനം വളർച്ച നേടി. ഐടി മേഖലയിലെ പ്രവർത്തനങ്ങൾ 24.9 ശതമാനം ഉയർന്നു.
ഉപഭോക്തൃ വിഭാഗത്തിൽ ചരക്കുകളുടെയും സേവനങ്ങളുടെയും വ്യക്തിഗത ചെലവ് ഈ പാദത്തിൽ 21 ശതമാനം വർദ്ധിച്ചു. ഉപഭോക്തൃ പ്രവർത്തനം പുനരാരംഭിച്ച അതേ കാലയളവിൽ റീട്ടെയിൽ വിൽപ്പനയിൽ കുത്തനെ വർധനവുണ്ടായി.
പ്രതിസന്ധിയുടെ ഫലമായി ഫാർമ, ഐടി കയറ്റുമതി അതിവേഗം വളരുന്നതിനാൽ രാജ്യത്തു ഇറക്കുമതിയെക്കാൾ കയറ്റുമതിയുടെ മൂല്യം – 41 ബില്യൺ ഡോളർ ഉണ്ടായി. ഇത് സാമ്പത്തവ്യവസ്ഥയുടെ ശക്തിയെയാണ് സൂചിപ്പിക്കുന്നത്.
നെഗറ്റീവ് വളർച്ചയുടെ ആദ്യകാല പ്രവചനങ്ങളിൽ നിന്ന് വ്യത്യസ്തമായി ഐറിഷ് സമ്പദ്‌വ്യവസ്ഥ 2020 യിൽ ജിഡിപി വളർച്ച രേഖപ്പെടുത്തുമെന്ന് ശക്തമായ മൂന്നാം പാദ കണക്കുകൾ സൂചിപ്പിക്കുന്നു.കെബിസി ബാങ്ക് അയർലൻഡ് 2020 ലെ ഐറിഷ് സാമ്പത്തിക വളർച്ചയെക്കുറിച്ചുള്ള പ്രവചനം 2.5 ശതമാനമായി പരിഷ്കരിച്ചു. “ഇത്തരമൊരു മുന്നേറ്റം ഘടനയുടെയും ശക്തിയുടെയും കാര്യത്തിൽ വളരെ വ്യത്യസ്തമായ ഒരു ഐറിഷ് സമ്പദ്‌വ്യവസ്ഥയെയാണ് പ്രതിനിധാനം ചെയ്യുന്നത് എന്നും അവർ പറഞ്ഞു
സമ്പദ്‌വ്യവസ്ഥ പുരോഗതി നേടുന്നത് ജോലികൾ നഷ്ടപെടാതിരിക്കാനും,അവശ്യ സാധനങ്ങളുടെ വില കൂടാതിരിക്കാനും വരുമാനത്തിൽ കുറവ് വരാതിരിക്കാനും, നിർമാണ പ്രവർത്തനങ്ങളിൽ ഇടിവ് സംഭവിക്കാതിരിക്കാനും നമ്മളെ സഹായിക്കും . നിർമാണ മേഖലയുടെ വളർച്ച വീടുകൾക്ക് വില കുറയുമെന്ന കണക്കു കൂട്ടലുകൾ തെറ്റിയ്ക്കും. അങ്ങനെ വീടുകളുടെ വില കുറയാതിരിക്കാൻ ആയിട്ടാണ് ഹെല്പ് ടു ബൈ സ്കീമിൽ ഭവനം വാങ്ങാൻ 10 ശതമാനം deposit സർക്കാർ തരാൻ ഉദേശിച്ചത്‌. നിർമാണ പ്രവർത്തനങ്ങളുടെ ശക്തമായ വളർച്ച അത് ഏകദേശം ശെരി വെയ്ക്കും രീതിയിൽ തന്നെയാണ്.
