അയര്‍ലണ്ടില്‍ കോവിഡ് നിയന്ത്രണങ്ങള്‍ ഇളവു ചെയ്യുന്നതിന്റെ ഭാഗമായി മെയ് 10 മുതല്‍ ഡ്രൈവിങ് പഠനവും, ടെസ്റ്റുകളും ഘട്ടം ഘട്ടമായി പുനഃസ്ഥാപിക്കാന്‍ തീരുമാനം. അവശ്യ ജോലിക്കാര്‍ക്കായിരിക്കും ഇക്കാര്യത്തില്‍ മുന്‍ഗണന. നിയന്ത്രണങ്ങള്‍ കാരണം ആയിരക്കണക്കിന് അപേക്ഷകള്‍ കുമിഞ്ഞുകൂടിയിരിക്കുന്ന സാഹചര്യത്തില്‍ ഈ തീരുമാനം ആശ്വാസകരമാകും.
അവശ്യജോലിക്കാര്‍ കഴിഞ്ഞാല്‍ ടെസ്റ്റിനായി കാത്തിരിക്കുന്ന മറ്റുള്ളവരെ പരിഗണിക്കും. അപേക്ഷ നല്‍കി ഏറെക്കാലമായി കാത്തിരിക്കുന്നവരെയാണ് ആദ്യം പരിഗണിക്കുക.
ഗതാഗത വകുപ്പ്, RSA, ആരോഗ്യ വകുപ്പ് എന്നിവ സംയുക്തമായാകും തീരുമാനം നടപ്പിലാക്കുകയെന്ന് വക്താവ് അറിയിച്ചു. കൂടുതല്‍ വിവരങ്ങള്‍ മെയ് 10-ന് മുമ്പ് അറിയിക്കും.
