വനിതാ തുഴച്ചില് സംഘം വെങ്കലം നേടിയതിന് പിന്നാലെ അയര്ലണ്ടിന്റെ രണ്ടംഗ പുരുഷ തുഴച്ചില് ടീമിന് ടോക്കിയോ ഒളിംപിക്സില് സ്വര്ണ്ണനേട്ടം. പുരുഷന്മാരുടെ ലൈറ്റ് വെയ്റ്റ് ഡബിള് സ്കള്സിലാണ് ചരിത്രത്തിലാദ്യമായി Paul O’Donovam, Fintan McCarthy എന്നിവരുടെ ഐറിഷ് ടീം സ്വര്ണ്ണം നേടിയത്. 6:06.43 മിനിറ്റില് ലക്ഷ്യം പൂര്ത്തീകരിച്ചാണ് ഇവര് ഒന്നാം സ്ഥാനം നേടിയത്. ഫൈനലില് ജര്മ്മനി രണ്ടാം സ്ഥാനവും, ഇറ്റലി മൂന്നാം സ്ഥാനവും നേടി.
Sea Forest Waterway-യില് നടന്ന മത്സരത്തില് പ്രതികൂലമായി കാറ്റിനെതിരെ, തന്ത്രപരമായും, സാങ്കേതിക മികവ് പുറത്തെടുത്തും തുഴഞ്ഞാണ് അയര്ലണ്ട് ടീം സ്വര്ണ്ണത്തില് മുത്തമിട്ടത്. നേരത്തെ യൂറോപ്യന് ചാംപ്യന്ഷിപ്പ്, Lucerne-ല് നടന്ന വേള്ഡ് കപ്പ് regatta എന്നിവയിലും ഇതേ ടീം സ്വര്ണ്ണം നേടിയിരുന്നു.
കഴിഞ്ഞ റിയോ ഒളിംപിസ്കില് വെള്ളി നേടിയ ടീം അംഗമാണ് O’Donovan. ഒളിംപ്ക്സില് ഒരു സ്വര്ണ്ണവും, വെങ്കലവും നേടി നിലവില് 27-ആം സ്ഥാനത്താണ് അയര്ലണ്ട്.