വെക്സ്ഫോര്ഡിലെ Rosslare തുറമുഖത്ത് 11.4 മില്യണ് യൂറോയുടെ മയക്കുമരുന്നായ കൊക്കെയ്നുമായി രണ്ട് പേര് അറസ്റ്റില്. അയര്ലണ്ടിലെ പ്രധാന തുറമുഖമായ Rosslare Europort Harbour വഴി വിവിധ രാജ്യങ്ങളിലേയ്ക്ക് ചരക്കുനീക്കം നടക്കുന്നുണ്ട്.
വ്യാഴാഴ്ച ഉച്ചയ്ക്ക് 1.30-ഓടെയാണ് റവന്യൂ കസ്റ്റംസ് ഓഫിസര്മാര് കുതിരകളെ കയറ്റിവന്ന കണ്ടെയിനര് പരിശോധിച്ചതില് നിന്നും 163 കിലോഗ്രാം വരുന്ന കൊക്കെയിന് കണ്ടെത്തിയത്.
തുടര്ന്ന് ഗാര്ഡ എത്തി 20-ലും, 30-ലും അധികം പ്രായമുള്ള രണ്ട് പുരുഷന്മാരെ അറസ്റ്റ് ചെയ്തു.
പിടിച്ചെടുത്ത മയക്കുമരുന്ന് ഫോറന്സിക് പരിശോധനയ്ക്ക് അയയ്ക്കും. സംഭവത്തില് തുടരന്വേഷണം നടക്കുമെന്ന് ഗാര്ഡ അറിയിച്ചു.