വെസ്റ്റ് കോര്‍ക്കിലെ വ്യാപാരസ്ഥാപനത്തില്‍ കത്തികാട്ടി കൊള്ള. വെള്ളിയാഴ്ച പട്ടാപ്പകല്‍ 12.30-ഓടെ Clonakilty-യിലുള്ള Kent Street-ലെ ഒരു കടയിലാണ് കത്തിയുമായി എത്തിയ പുരുഷന്‍ ജീവനക്കാരെ ഭീഷണിപ്പെടുത്തി പണം കവര്‍ന്നത്. ശേഷം ഇയാള്‍ രക്ഷപ്പെടുകയും ചെയ്തു. സംഭവത്തില്‍ ആര്‍ക്കും പരിക്കില്ല.
കടയില്‍ പരിശോധന നടത്തിയ ശേഷം അന്വേഷണമാരംഭിച്ച ഗാര്‍ഡ ഇതുവരെ ആരെയും അറസ്റ്റ് ചെയ്തിട്ടില്ല. സംഭവദിവസം (ജനുവരി 12 വെള്ളി) 12.20 മുതല്‍ 12.40 വരെ ഈ പ്രദേശത്തുകൂടെ കാറിലോ മറ്റോ പോയവര്‍ തങ്ങളുടെ ഡാഷ് ക്യാമറ പരിശോധിച്ച് മോഷ്ടാവിന്റെ ദൃശ്യമുണ്ടെങ്കില്‍ തങ്ങള്‍ക്ക് കൈമാറണമെന്ന് ഗാര്‍ഡ അഭ്യര്‍ത്ഥിച്ചു.
Clonakilty Garda station on 023 882 1570
Garda Confidential Line on 1800 666 111
