REVENUE

ഡബ്ലിൻ തുറമുഖത്ത് 7 ദശലക്ഷം അനധികൃത സിഗരറ്റുകൾ പിടികൂടി

ഡബ്ലിന്‍ തുറമുഖം വഴി അയര്‍ലണ്ടിലേയ്ക്ക് അനധികൃതമായി കടത്താന്‍ ശ്രമിച്ച 6.25 മില്യണ്‍ യൂറോയുടെ സിഗരറ്റുകള്‍ പിടികൂടി. ഏകദേശം ഏഴ് ദശലക്ഷം സിഗരറ്റുകളാണ് ചൊവ്വാഴ്ച നെതര്‍ലണ്ട്‌സിലെ റോട്ടര്‍ഡാമില്‍ നിന്നും ഡബ്ലിനിലെത്തിയ കപ്പലില്‍ നിന്നും പിടികൂടിയത്. കപ്പലിലെ ഒരു കണ്ടെയിനറില്‍ ആളില്ലാത്ത നിലയിലായിരുന്ന സിഗരറ്റുകള്‍. പതിവ് പരിശോധനയിലാണ് കള്ളക്കടത്ത് പിടിച്ചതെന്നും, പരിശീലനം ലഭിച്ച ഡോഗായ മിലോയും, മൊബൈല്‍ എക്‌സ്-റേ സ്‌കാനകറും പരിശോധനയില്‍ നിര്‍ണ്ണായകമായെന്നും റവന്യൂ വകുപ്പ് അറിയിച്ചു. Marlboro എന്ന പേരിലാണ് ഈ വ്യാജ സിഗരറ്റുകള്‍ എത്തിച്ചിരുന്നത്. ഇതുവഴി 4.9 … Read more

ലോറിക്കുള്ളിൽ ഒളിപ്പിച്ച് ആളുകളെ അയർലണ്ടിലേക്ക് കടത്താൻ ശ്രമം; റോസ്ലെയർ യൂറോപോർട്ടിൽ ലോറി ഡ്രൈവർ അറസ്റ്റിൽ

കൗണ്ടി വെക്‌സ്‌ഫോര്‍ഡിലെ Rosslare Europort വഴി ലോറിക്കുള്ളില്‍ ഒളിച്ചിരുന്ന് അയര്‍ലണ്ടിലേയ്ക്ക് കടക്കാന്‍ ശ്രമിച്ച രണ്ട് പേര്‍ പിടിയില്‍. വെള്ളിയാഴ്ച രാവിലെ 8 മണിയോടെയാണ് പോര്‍ട്ടിലെത്തിയ ഒരു ലോറിക്കുള്ളില്‍ രണ്ട് പുരുഷന്മാരെ ഒളിച്ചിരിക്കുന്നതായി കണ്ടെത്തിയത്. ഇമിഗ്രേഷന്‍ ചെക്കിങ്ങിനിടെയായിരുന്നു സംഭവം. ഇരുവരെയും വൈദ്യപരിശോധനയ്ക്ക് കൊണ്ടുപോയതായി അധികൃതര്‍ അറിയിച്ചു. സംഭവത്തില്‍ ലോറിയുടെ ഡ്രൈവറായ ചെറുപ്പക്കാരനെ അറസ്റ്റ് ചെയ്തിട്ടുണ്ട്.

ഡബ്ലിനിൽ നിന്നും 115 ലിറ്റർ ഹോം മെയ്ഡ് മദ്യം പിടിച്ചെടുത്തു

ഗാര്‍ഡയും, റവന്യൂ വകുപ്പും, Health Products Regulatory Authority (HPRA)-യും ചേര്‍ന്ന് ഞായറാഴ്ച കൗണ്ടി ഡബ്ലിനില്‍ നടത്തിയ സംയുക്ത പരിശോധനയില്‍ അനധികൃതമായി സൂക്ഷിച്ച 79,200 സിഗരറ്റുകള്‍, 1.25 കിലോഗ്രാം പുകയില, 667 ലിറ്റര്‍ മദ്യം എന്നിവ പിടിച്ചെടുത്തു. ആകെ പിടികൂടിയ മദ്യത്തില്‍ 115 ലിറ്റര്‍ വീടുകളില്‍ വച്ച് തയ്യാറാക്കിയതാണെന്നാണ് നിഗമനം. പിടികൂടിയ മദ്യത്തിന്റെ ആകെ വിപണിവില 4,000 യൂറോയിലധികം വരും. വീട്ടില്‍ നിന്ന് മദ്യം തയ്യാറാക്കുന്നത് സംബന്ധിച്ച് കൂടുതല്‍ അന്വേഷണം നടത്തുമെന്ന് റവന്യൂ വ്യക്തമാക്കി.

അയർലണ്ടിൽ അനധികൃത സിഗരറ്റ് ഫാക്ടറി; പിടിച്ചെടുത്തത് 1.4 ടൺ പുകയില

ഡബ്ലിനില്‍ അനധികൃതമായി പ്രവര്‍ത്തിച്ചുവന്ന സിഗരറ്റ് ഫാക്ടറി അടപ്പിച്ച് ഗാര്‍ഡയും, റവന്യൂ ഉദ്യോഗസ്ഥരും. വെള്ളിയാഴ്ചയാണ് ഡബ്ലിന്‍ 11-ല്‍ നടത്തിയ പരിശോധനയില്‍ 1.4 ടണ്‍ അസംസ്‌കൃത പുകയില, 758,000 സിഗരറ്റുകള്‍ എന്നിവ പിടികൂടിയത്. ഡിറ്റക്ടീവ് ഡോഗ് ആയ മിലോയുടെ സഹായത്തോടെയായിരുന്നു പരിശോധന. ‘Marlboro’ എന്ന പേരിലാണ് ഈ ഫാക്ടറിയില്‍ സിഗരറ്റ് നിര്‍മ്മിച്ചുകൊണ്ടിരുന്നത്. പിടിച്ചെടുത്ത സിഗരറ്റുകള്‍ക്ക് വിപണിയില്‍ 630,000 യൂറോ വിലയുണ്ട്. മണിക്കൂറില്‍ 250,000-ധികം സിഗരറ്റുകള്‍ നിര്‍മ്മിക്കാന്‍ ശേഷിയുണ്ടെന്ന് കരുതുന്ന മെഷീനും ഇവിടെ നിന്നും പിടിച്ചെടുത്തു. ഒപ്പം പാക്കിങ് സൗകര്യവും ഉണ്ടായിരുന്നു. … Read more

ജനുവരിയിൽ ടാക്സ് വരുമാനം വർദ്ധിപ്പിച്ച് അയർലണ്ട്; മുൻ വർഷത്തെക്കാൾ 5% വർദ്ധന

പോയ ജനുവരി മാസത്തില്‍ 2023 ജനുവരിയെക്കാള്‍ 5% അധികം ടാക്‌സ് വരുമാനമുണ്ടാക്കി അയര്‍ലണ്ട്. ഇന്‍കം ടാക്‌സ്, എക്‌സൈസ് ടാക്‌സ്, വാറ്റ് (Value Added Tax) എന്നിവയിലെ വര്‍ദ്ധനയാണ് സര്‍ക്കാരിന് നേട്ടമായത്. ടാക്‌സ് വകയില്‍ 2023 ജനുവരിയെ അപേക്ഷിച്ച് 2.9% വര്‍ദ്ധന ഉണ്ടായപ്പോള്‍, വാറ്റ് ഇനത്തില്‍ 4% വര്‍ദ്ധനയുണ്ടായി. അതോടൊപ്പം ആകെയുള്ള ഗ്രോസ്സ് വോട്ടഡ് എക്‌സ്‌പെന്‍ഡിച്ചര്‍ ഒരു വര്‍ഷം മുമ്പുള്ളതിനെക്കാള്‍ 17% വര്‍ദ്ധിച്ചതായും റിപ്പോര്‍ട്ട് വ്യക്തമാക്കുന്നു. പോയ മാസത്തിലെ ബജറ്റ് സര്‍പ്ലസ് 2.3 ബില്യണ്‍ യൂറോ ആണ്.