ഡബ്ലിന്‍ നഗരത്തില്‍ സര്‍വീസ് നടത്തുകയായിരുന്ന ലുവാസില്‍ ചെറുപ്പക്കാരന് നേരെ ആയുധങ്ങളുമായി ആക്രമണം. ചൊവ്വാഴ്ച വൈകിട്ട് 5.30-ഓടെയാണ് ഒരു സംഘം കത്തികളുമായി Parnell Street stop-ല്‍ എത്തിയ Green Line Luas-ല്‍ ആക്രമണം അഴിച്ചുവിട്ടത്. ലുവാസില്‍ യാത്ര ചെയ്യുകയായിരുന്ന മറ്റൊരു ചെറുപ്പക്കാരനെയായിരുന്നു ലക്ഷ്യമിട്ടിരുന്നത്.
ആക്രമണത്തില്‍ തങ്ങള്‍ ഭയന്നുപോയെന്ന് ലുവാസിലെ യാത്രക്കാര്‍ പ്രതികരിച്ചു. ആക്രമണം ആരംഭിച്ചയുടന്‍ ട്രാം ഡ്രൈവര്‍ ഗാര്‍ഡയെ ബന്ധപ്പെട്ടിരുന്നു.
തങ്ങള്‍ എത്തിയപ്പോഴേയ്ക്കും അക്രമികള്‍ സ്ഥലം വിട്ടിരുന്നതായി ഗാര്‍ഡ ഉദ്യോഗസ്ഥര്‍ പറഞ്ഞു. അന്വേഷണം നടക്കുകയാണ്.
